រាជធានីភ្នំពេញ ៖ ដោយសារអត្រាចិញ្ចឹមជ្រូកក្នុងប្រទេសមានកំណើនធ្វើឲ្យការនាំចូលជ្រូកពីខាងក្រៅមានចំនួនថយពីជាង១ម៉ឺនក្បាល រហូត៣០០ក្បាលក្នុងមួយថ្ងៃ ។ នេះបើរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ។ ក្នុងកិច្ចសម្ភាសន៍ជាមួយទស្សន៍ជាតិកម្ពុជា…
រាជធានីភ្នំពេញ ៖ ដោយសារអត្រាចិញ្ចឹមជ្រូកក្នុងប្រទេសមានកំណើនធ្វើឲ្យការនាំចូលជ្រូកពីខាងក្រៅមានចំនួនថយពីជាង១ម៉ឺនក្បាល រហូត៣០០ក្បាលក្នុងមួយថ្ងៃ ។ នេះបើរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ។
ក្នុងកិច្ចសម្ភាសន៍ជាមួយទស្សន៍ជាតិកម្ពុជា (ទទក) នៅព្រឹកថ្ងៃទី១មិថុនាឆ្នាំ២០២១ លោក វេង សាខុន រដ្ឋមន្ត្រីក្រសួងកសិកម្មបានលើកឡើងថា ពេលមុនមួយថ្ងៃ យើងនាំចូលជ្រូកជាង១ម៉ឺនក្បាល ដោយថយមក៨ពាន់ក្បាល រហូតដល់៥រយក្បាល ឬ៣០០ក្បាលផងដែរ» ។
លោកបានលើកឡើងថា មូលហេតុកាត់បន្ថយនាំចូលសត្វនេះដោយសារក្រសួងបានជំរុញឲ្យមានការចិញ្ចឹមក្នុងស្រុកមានសន្ទុះកើនឡើង ។
ក្នុងឱកាសនោះដែរ ឯកឧរដ្ឋមន្ត្រីក៏ឲ្យដឹងថា ការចិញ្ចឹមសត្វក៏មានសន្ទុះកើនឡើងដែរ ។ ដោយក្នុងរយៈពេលប៉ុន្មានឆ្នាំខាងមុខនេះដាក់ផែនការនាំចូលពីក្រៅដោយបង្កើនការចិញ្ចឹមក្នុងស្រុកវិញ ។
ក្នុងនោះយើងពេលមុនមានក្រុមហ៊ុននាំចូលសត្វប្រមាណជាង១០ក្រុមហ៊ុន តែពេលនេះបានកាត់បន្ថយនៅប្រមាណ៦ក្រុមហ៊ុន ។ ជាមួយគ្នានោះដែរ លោករដ្ឋមន្ត្រីក្រសួងកសិកម្មក៏បានលើកឡើងថា រយៈ៥ខែ ឆ្នាំ២០២១ ទិន្នផលស្រូវបានច្រើន បើធៀបនឹងរយៈពេល ដូចគ្នាឆ្នាំ២០២០ លោកថា ដោយសារអាកាសធាតុអំណោយផលក្នុងរយៈពេល៥ ខែឆ្នាំ២០២ ១ធ្វើឲ្យកសិករប្រមូលផលបានចំនួនច្រើនជាងឆ្នាំ២០២០ក្នុងរយៈពេលដូចគ្នា ។
រដ្ឋមន្ត្រីបានលើកឡើងថា ៖«ឆ្នាំនេះជាឆ្នាំល្អ ក្នុងរយៈពេល៥ខែដើមឆ្នាំនេះ ក្នុងទិន្នផលស្រូវប្រាំងជាក់ស្តែងក្នុងផ្ទៃដីជាង៦៤៦ពាន់ហិកតាបានដាំដុះ បានផលជាង២ លាន៩សែន ៣ម៉ឺនតោន មានកំណើនច្រើនជាងឆ្នាំ២០២០រហូត៣រយ១៥ពាន់តោននេះជាផ លទ្ធផល មួយល្អ» ។
រដ្ឋមន្ត្រីបានលើកឡើងមកដល់ពេលប្រជាកសិករបានចាប់ផ្តើមដាំស្រូវវស្សាបានសម្រេចជាង៣៦% លើផ្ទៃគ្រោងដាំដុះប្រមាណជាង២លាន៦សែនហិកតា ។
ក្នុងនោះ ល្បឿនការងារបង្ករបង្កើនផលច្រើនជាងឆ្នាំកន្លងមកបានប្រមាណ៣រយពាន់ហិកតា ។ ក្រៅពីដំណើរលើកទិន្នផលស្រូវរដ្ឋមន្ត្រីក៏បានលើកឡើងថា ដំណាំឧស្សាហមម្មក៏មានចំនួនកើនឡើងផងដែរក្នុងនោះមានកំណើនជាង៤២ភាគនៃផែនការ ដែលលើសឆ្នាំ ២០២០ចំនួន១ម៉ឺន១ពាន់ហិកតា ។
ជាមួយគ្នានោះដែរ រដ្ឋមន្ត្រីក៏បានឲ្យដឹងថា ចំពោះការនាំចេញដំណាំកសិផលរបស់ប្រជាកសិករត្រូវបានចាត់ទុកថា ជាឆ្នាំមួយជោគជ័យដែលមិននឹកស្មានដល់ គឺនាំចេញមានចំនួនជាង ៤លាន១៨៧តោន ។ ក្នុងរាល់ឆ្នាំក្នុងរយៈពេលមួយឆ្នាំ បានតែជាង៤លានតោនប៉ុណ្ណោះ ផ្ទុយទៅវិញឆ្នាំ២០២១ចំនួន៥ខែ មានចំនួនកើនជាង៤លានតោន ដែលនាំចេញទៅក្រៅប្រទេសជាង៥០នៅទូទាំងពិភពលោក ។
លោករដ្ឋមន្ត្រីក៏បានលើកឡើងថា ចំនួនកសិផលដែលនាំចេញត្រូវបានវាយតម្លៃតាមរយៈភូគាមអាម័យ ក្នុងរយៈពេល៥ខែ ឆ្នាំ២០២១ ជាង៤លានតោនេះ គិតជាទឹកប្រាក់ប្រមាណ២ពាន់២៣៥លានដុល្លារអាមេរិក ក្នុងនោះមានការនាំអង្ករ ស្រូវ និងការនាំចេញកសិផលផ្សេងទៀត ៕
ចែករំលែកព័តមាននេះ