ខេត្តបាត់ដំបង ៖ អ្នកលេងពូថៅដៃម្នាក់ទៀតហើយ ត្រូវកម្លាំងការិយាល័យព្រហ្មទណ្ឌកំរិតស្រាលនៃស្នងការខេត្តឃាត់ខ្លួនកសាងសំណុំរឿងបញ្ជូនទៅសាលាដំបូងខេត្ត នៅរសៀលថ្ងៃទី០១ មិថុនា នេះ បន្ទាប់ពីប្រើពូថៅកាប់ពួកម៉ាកបណ្ដាលឲ្យរងរបួសធ្ងន់ ដោយសារខឹងពួកម៉ាកមិនយកទូរស័ព្ទទៅបញ្ចាំយកលុយទិញស្រាផឹក ។
លោកឈឿង គឹមសុង ប្រធានការិយាល័យព្រហ្មទណ្ឌកំនៅថ្ងៃទី ៣១ ឧសភាវេលាម៉ោង០៤រសៀលនៅចំណុចភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានឲ្យដឹងថា ជនសង្ស័យឈ្មោះ សុំ ចិន្តាវន្ត័ ហៅ រ៉ាត់ ភេទប្រុស អាយុ ៣៧ ឆ្នាំ នៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ។ លោកបានប្រាប់ថា ជននេះ
ត្រូវបានកម្លាំងរបស់លោក ដែលទទូលបទបញ្ជាផ្ទាល់ពីលោកស្នងការខេត្ត តាមឃាត់ខ្លួនក្រោយពីជននេះបានស្ទាក់កាប់ទៅលើពួកម៉ាកខ្លួន ឈ្មោះរី វីរ: ហៅ ពេជ្រ អាយុ៣៧ឆ្នាំ បណ្ដាលឲ្យរងរបួសរយ:ក្បាល កាលពីរសៀលថ្ងៃទី ៣០ ឧសភា កន្លងទៅនៅតាមផ្លូវត្រង់ចំណុចភូមិតាកុក ឃុំនរា ស្រុកសង្កែ។
ហើយមូលហេតុដែលកាប់ ដោយសារតែខឹងជនរងគ្រោះមិនព្រមស្ដាប់តាមបញ្ជាខ្លួន ដែលប្រាប់ឲ្យយកទូរស័ព្ទទៅបញ្ចាំយកលុយទិញស្រា
ផឹក តែពួកម៉ាកមិនព្រមទៅ។ បើតាមចម្លើយសារភាពរបស់ជនសង្ស័យបានប្រាប់សមត្ថកិច្ចថា ខ្លួនបានឱ្យទូរស័ព្ទមួយគ្រឿងទៅពួកម៉ាកខ្ចីប្រើបណ្ដោះអាសន្ន (ជនរងគ្រោះ )។ លុះពេលខ្លួនគ្មានលុយចាយ ទើបខ្លួនទូរស័ព្ទទៅប្រាប់ពួកម៉ាកឱ្យយកទូរស័ព្ទនោ់ះទៅបញ្ចាំ ដើម្បីយកលុយទិញស្រាផឹក តែពួកម៉ាកមិនបានឆ្លើយតប ហើយក៏មិនព្រមយកទូរស័ព្ទបញ្ចាំដែរ បើទោះជាខ្លួនតឿនយ៉ាងណាក្ដី។
ជននេះបានបញ្ជាក់ថា ដោយសារតែក្ដៅក្រហាយពួកម៉ាកមិនស្ដាប់មិនធ្វើតាម ទើបខ្លួនទាញពូថៅសៀតចង្កេះជិះម៉ូតូតាមទៅរកពួកម៉ាកដល់ផ្ទះ។ ប៉ុន្តែពេលទៅដល់ផ្ទះរកពួកម៉ាកមិនឃើញទេ ក្ដៅចិត្តពេកខ្លួនក៏ទាញពូថៅកាប់កំទេចរបងផ្ទះពួកម៉ាកមួយប្រាវបន្ធូរកំហឹង។ លុះជិះម៉ូតូចេញបានបន្តិចក៏ជួបពួកម៉ាកតាមផ្លូវ ខ្លួនក៏កាក់សួរនាំពីរឿងមិនព្រមយកទូរស័ព្ទទៅបញ្ចាំ ហើយមានការតឹងសរសៃ.កដាក់គ្នា ខ្លួនទប់កំហឹងមិនបានក៏ដកពូថៅកាប់ទៅលើក្បាលពួកម៉ាករយ: ហើយខ្យខលួនក៏ជិះម៉ូតូគេចមកផ្ទះ រហូតដល់ថ្ងៃទី៣១ ឧសភា ក៏ត្តរូវសមត្វសមតថកិច្ចឃាត់ខ្លួនតែម្ដង។
លោកឈឿង គឹមសុង បាននិយាយថា បើតាមការស្រាវជ្រាវក្រុមនេះសុទ្ធតែធ្លាប់មានប្រវត្តិពាក់ព័ន្ធនឹងគ្រឿងញៀន ហើយសុទ្ធតែជាសមាសភាពក្រុមជនទំនើងនៅក្នុងមូលដ្ឋានផងដែរ ។ ប៉ុន្តែយ៉ាងណា លោកស្នងការបានបញ្ជាឲ្យមន្ត្រីជំនាញការិយាល័យនគរបាលព្រហ្មទណ្ឌកម្រិតស្រាល សួរនាំដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការបន្តតាមនីតិវិធីហើយ៕ ដោយ៖ ឆោម ពិសម័យ
ចែករំលែកព័តមាននេះ