ចុះបិទមន្ទីរសំរាកព្យាបាល និងសម្ភព សោ សុខុម ស្ថិតនៅភូមិឡូរី សង្កាត់រការក្រៅ ក្រុងដូនកែវ និងបុគ្គលិកត្រូវធ្វើចត្តាឡីស័កទាំងអស់
- តាកែវ
តាកែវ ៖ លោក កង អាណាន់ អភិបាលក្រុងដូនកែវ នៅព្រឹកថ្ងៃទី ១ ខែមិថុនា ឆ្នាំ២០២១…
តាកែវ ៖ លោក កង អាណាន់ អភិបាលក្រុងដូនកែវ នៅព្រឹកថ្ងៃទី ១ ខែមិថុនា ឆ្នាំ២០២១ នៅវេលាម៉ោង៨និង០០នាទីនេះ បានដឹកនាំក្រុមការងារចុះបិទមន្ទីរសំរាកព្យាបាល និងសម្ភព សោ សុខុម ស្ថិតនៅភូមិឡូរី សង្កាត់រការក្រៅ ក្រុងដូនកែវ ខេត្តតាកែវ ដោយក្រុមគ្រូពេទ្យ រួម និងក្រុមការងារចុះមកហ៊ុំមព័ទ្ធបិទ ដើម្បីនាំយកអ្នកប៉ះពាល់ផ្ទាល់ និងប្រយោលជាមួយអ្នកកើតជំងឺម្នាក់ដែលបានស្លាប់ដោយសារជំងឺកូវីដ19 ម្នាក់ កាលម៉ោង២រំលងអធ្រាត្រឈានចូល ថ្ងៃទី១ ខែមិថុនា ឆ្នាំ២០២ ។ អ្នកជំងឺដែលស្លាប់មានឈ្មោះ វង្ស សាមឿន ភេទស្រី អាយុ៦៣ឆ្នាំ រស់នៅ ក្នុងភូមិ តាង៉ិល ឃុំគូស ស្រុកត្រាំកក់ ខេត្តតាកែវ ។
លោកកង អាណាន់ អភិបាលក្រុងបានអោយកោះសន្តិភាពយើងដឹងថាចំពោះអ្នកដែលប៉ះពាល់ដោយផ្ទាល់ជាមួយជនរងគ្រោះដែលស្លា.ប់ដោយជំងីកូវីដ ១៩ នោះ ចំនួន២នាក់បានយកទៅធ្វើចត្តាឡីស័កនៅសណ្ថាគារ៧ Dayin ,ដោយឡែកចំពោះបុគ្គលិកដែលធ្វើការក្នុងមន្ទីរសម្រាកព្យាបាលសម្ភព សោ សុខុម ប្រមាណជាង២០នាក់ និងបិទអោយធ្វើចត្តាឡីស័កនៅក្នុងនឹងទាំងអស់ ។
លោកអភិបាលក្រុងដូនកែវបានបញ្ជាក់ថា ករណីជាក់ស្តែកបែបនេះហើយ ទើបលោកបានស្នើរសុំដល់លោកអភិបាលខេត្តដើម្បីចេញលិខិតផ្អាកជាបណ្តោះអាសន្នរហូតទាល់តែធ្វើចត្តាឡីស័កចំនួន១៤ថ្ងៃ បើករណីមិនមានប៉ះពាល់ ឬឆ្លងជំងឺកូវីដ១៩ទេ លោកនឹងសុំគោលការពីលោកអភិបាលខេត្តអោយបើកដំណើរការឡើងវិញ ៕
ចែករំលែកព័តមាននេះ