ខេត្តតាកែវ ៖ ក្នុងរយៈពេល២ ឬ៣ថ្ងៃមកនេះ ការផ្ទុះនឹងការរីករាលដាលនៃជំងឺកូវីដ១៩ ថ្មីនៅខេត្តតាកែវហាក់បីដូចជា មានការផ្ទុះឡើងយ៉ាងខ្លាំង នៅលើស្រុកចំនួន៤នេះ បើតាមរដ្ឋបាលខេត្តតាកែវក៏ដូចជា មន្ទីរសុខាភិបាលខេត្តបានជូនដំណឹងថា…
ខេត្តតាកែវ ៖ ក្នុងរយៈពេល២ ឬ៣ថ្ងៃមកនេះ ការផ្ទុះនឹងការរីករាលដាលនៃជំងឺកូវីដ១៩ ថ្មីនៅខេត្តតាកែវហាក់បីដូចជា មានការផ្ទុះឡើងយ៉ាងខ្លាំង នៅលើស្រុកចំនួន៤នេះ បើតាមរដ្ឋបាលខេត្តតាកែវក៏ដូចជា មន្ទីរសុខាភិបាលខេត្តបានជូនដំណឹងថា រកឃើញករណីឆ្លងវីរុសកូវីដ-១៩ថ្មី ចំនួន៥០នាក់ ។
ដែលមុនៗភាគច្រើនជាអាជីវករលក់ដូរនៅផ្សារសំរោងយ៉ោងនោះតែថ្ងៃនេះនៅតែបន្តកើតមានឡើងនិងរីករាលដាលនៅលើស្រុកចំនួន៤ទៅវិញ បញ្ហានេះកំពុងតែធ្វើអោយបងប្អូនប្រជាពលរដ្ឋក៏ដូចក្រុមអាជីវករលក់ដូតាមផ្សារមានការព្រួយបារម្ភគ្រប់ៗគ្នាផងដែរ ។
លោកនុត ស៊ីណាត ប្រធានមន្ទីរសុខាភិបាលខេត្តបានប្រាប់កោះសន្តិភាពយើងអោយដឹងនៅថ្ងៃទី១ ខែមិថុនា ឆ្នាំ២០២១នេះថា អត្តសញ្ញាណ អ្នកឆ្លងជំងឺកូវីដ-១៩ថ្មី ចំនួន៥០នាក់ ដែលនេះជាចំនួនច្រើនឡើងវិញដែលក្រុមគ្រូពេទ្យយើងបានធ្វើតេស្តរកអ្នកកើតជំងឺកូវីដ១៩ ថ្មីនោះដែលភាគច្រើនជាអាជីវករលក់ដូរនៅផ្សារសំរោងយ៉ោងស្រុកបាទីនោះ តែថ្ងៃនេះផ្សាសំរោងយ៉ោងនៅតែបន្តកើតមានរាល់ថ្ងៃនឹងផ្ទុះនៅក្នុងស្រុកចំនួន៤ទៅវិញ ។
លោកនុត ស៊ីណាត ប្រធានមន្ទីរសុខាភិបាលខេត្តបានបញ្ជាក់នៅថ្ងៃ នេះយើងបានបង្ហាញអត្តសញ្ញាណអ្នកឆ្លងថ្មី ដោយអ្នកជំងឺក្នុងស្រុកត្រាំកក់ចំនួន២២នាក់ ស្រុកព្រែកប្បាសចំនួន៨នាក់ ស្រុកបាទីចំនួន១៦នាក់ ស្រុកសំរោង២នាក់ ស្រុកទ្រាំង២នាក់ សរុប៥០នាក់ ។
លោកប្រធានមន្ទីរសុខាភិបាលខេត្តក៏បានអំពាវនាវឱ្យអ្នកប៉ះពាល់ផ្ទាល់ និងប្រយោលជាមួយបុគ្គលទាំងនោះត្រូវរាយការណ៍មក កាន់អាជ្ញាធរមូលដ្ឋានជាបន្ទាន់ និងប្រញាប់រួសរាន់ ផ្តល់សំណាកដើម្បីបញ្ជាក់ថា យើងបានកើតជំងឺកូវីដ ១៩ ឬក៏អត់នោះ ៕
ចែករំលែកព័តមាននេះ