ខេត្តស្វាយរៀង ៖ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង បានជម្រុញដល់រដ្ឋបាលក្រុងស្វាយរៀង ក្នុងការបាញ់ថ្នាំសម្លា.ប់មេរោគ នៅថ្ងៃចន្ទ ទី៣១ ខែឧសភា ឆ្នាំ២០២១នេះ ដោយលោក ណុប ចំរើន អភិបាល នៃគណៈអភិបាលក្រុងស្វាយរៀង បានដឹកនាំក្រុមការងារ ចុះបាញ់ថ្នាំសម្លា.ប់មេរោគ ដើម្បីការពារជំងឺឆ្លងផ្សេងៗ ជាពិសេសការពារការរីករាលដាលនៃជំងឺកូវីដ-១៩ នៅផ្សារវាលយន្ត និងផ្សារពោធិតាហោ ក្រុងស្វាយរៀង។
ក្នុងឱកាសនោះដែរ រដ្ឋបាលក្រុងស្វាយរៀង សូមអំពាវនាវដល់បងប្អូនប្រជាពលរដ្ឋ អាជីវករ និងសាធារណជនទាំងអស់ សូមចូលរួមអនុវត្តតាមវិធានការ «៣កុំ ៣ការពារ» របស់រាជរដ្ឋាភិបាលកម្ពុជា និងការណែនាំរបស់ក្រសួងសុខាភិបាល និងសូមថ្លែងអំណរគុណយ៉ាងជ្រាលជ្រៅចំពោះការសហការចូលរួមបាញ់ថ្នាំសម្លា.ប់មេរោគ និងជំងឺឆ្លងផ្សេងៗ ដើម្បីលើកកម្ពស់សុខុមាលភាពក្នុងទីប្រជុំជនក្រុងស្វាយរៀង ទប់ស្កាត់ការរីករាលដាល នៃជំងឺកូវីដ-១៩។
ហើយរដ្ឋបាលខេត្តស្វាយរៀង ក៏បានចេញសេចក្តីជូនដំណឹងបង្ហាញអត្តសញ្ញាណអ្នកវិជ្ជមានកូវី១៩ ថ្មីចំនួន៤៣នាក់ថែមទៀត និងសូមឲ្យអ្នកពាក់ព័ន្ធដោយផ្ទាល់ ឬប្រយោលទៅពិនិត្យសុខភាព និងយកសំណាកវិភាគ ដើម្បីធ្វើតេស្តកូវីដ១៩។
សូមបញ្ជាក់ថា សូមមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ «៣ការពារ ៣កុំ» របស់សម្ដេចតេជោ ហ៊ុន សែន ប្រសិនបើមានរោគសញ្ញាដូចជា ៖ គ្រុនក្ដៅ, ក្អក, កណ្ដាស់, ឈឺបំពង់.ក ឬដកដង្ហើមខ្លីៗ ឬក៏សង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ១៩ ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬក៏ទៅយកវត្ថុវិភាគសំណាកនៅប៉ុស្ដិ៍យកសំណាកដែលនៅជិតផ្ទះ ឬមួយទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ខេត្ត តាមរយៈលេខទូរស័ព្ទ 044 712 522 ឬ 097 503 4567 ដើម្បីមានវិធានការណ៍បន្ត ។ សម្រាប់អ្នកដែលគ្មានរោគសញ្ញា សូមដាក់ខ្លួននៅដាច់ដោយឡែក និងតាមដានសុខភាពរបស់ខ្លួនរយៈពេល១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕
ចែករំលែកព័តមាននេះ