គេមិនបានដឹងអំពីមូលហេតុអ្វី ទើបធ្វើឱ្យនារីវ័យក្មេងដ៏ស្រស់ស្អាតរូបនេះ សម្រេចចិត្តបញ្ចប់ជីវិតខ្លួនឯងនោះទេ ហើយក៏ត្រូវបានគេប្រទះឃើញនាង
ខេត្តឧត្តរមានជ័យ ៖ គេមិនបានដឹងអំពីមូលហេតុអ្វី ទើបធ្វើឱ្យនារីវ័យក្មេងដ៏ស្រស់ស្អាតរូបនេះ សម្រេចចិត្តបញ្ចប់ជីវិតខ្លួនឯងនោះទេ ហើយក៏ត្រូវបានគេប្រទះឃើញនាងច.ង.កនៅជាប់នឹងមែកស្វាយដែលមានកម្ពស់៣មែត្រ បង្កឱ្យមានការភ្ញាក់ផ្អើលកាលពីវេលាម៉ោង៧និង១៥នាទីយប់ ថ្ងៃទី៣១ ខែឧសភា ឆ្នាំ២០២១ ស្ថិតនៅក្នុងភូមិគរគីកណ្តាល ឃុំលំទង ស្រុកអន្លង់វែង ខេត្តឧត្តរមានជ័យ។
នារីវ័យក្មេងរងគ្រោះខាងលើនេះមានឈ្មោះ នឿន ធា អាយុ១៨ឆ្នាំ រស់នៅក្នុងភូមិ-ឃុំកើតហេតុខាងលើ។
បើយោងតាមការឱ្យដឹងពីឪពុកម្តាយនារីរងគ្រោះបាននិយាយថា កូនស្រីរបស់គាត់តែងតែចេញពីផ្ទះដើរទៅមើលគោជារៀងរាល់ថ្ងៃរហូតដល់នៅវេលាម៉ោង៥ ឬម៉ោង៦ល្ងាចគឺកូនស្រីរបស់គាត់មកដល់ផ្ទះវិញហើយ ។
ឪពុកម្តាយនារីរងគ្រោះបន្តថា ប៉ុន្តែនៅក្នុងថ្ងៃដែលកើតហេតុនោះ រូបគាត់ចេះតែរង់ចាំមើលផ្លូវកូនស្រីរហូតដល់ព្រលប់យប់ទៅហើយក៏មិនឃើញកូនស្រីត្រឡប់មកផ្ទះវិញទេ ឪពុកម្តាយ និងបងប្អូនសាច់ញាតិមានការព្រួយបារម្ភ ក៏នាំគ្នាដើររក ស្រាប់តែបានជួបប្រទះឃើញកូនស្រីច.ង.កជាមួយនឹងមែកដើមស្វាយស្លា.ប់បាត់បង់ជីវិត ដោយពុំមានឪពុកម្តាយ ឬមានបងប្អូនណាម្នាក់ជេរស្តីបន្ទោសរូបនាងនោះទេ។
បើតាមអាវុធហត្ថស្រុកអន្លង់វែង ក៏បានឱ្យដឹងដែរថា ក្រោយពីបានទទួលនូវព័ត៌មានរាយការណ៍រួចមក កងកម្លាំងអាវុធហត្ថក៏បានចុះទៅដល់កន្លែងកើតហេតុ និងបានធ្វើការត្រួតពិនិត្យស្រាវជ្រាវ និងការសន្និដ្ឋានឃើញថា នារីរូបនេះពិតជាបានយកខ្សែគោ ពណ៌ស ប្រវែង១ម៉ែត្រកន្លះ មកច.ង.កខ្លួនឯងជាប់នឹងមែកស្វាយ ដែលស្ថិតខាងក្រោយផ្ទះរបស់ខ្លួនពិតប្រាកដមែន ដោយពុំមាននរណាម្នាក់បានដឹងអំពីមូលហេតុនោះទេ ។ ក្រោយពេលពិនិត្យរួច សមត្ថកិច្ចក៏បានប្រគល់ស.ពនារីរងគ្រោះទៅឱ្យឪពុកម្តាយ ដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ