ភ្ញាក់ព្រឺត! តាមពិតកីឡាករប្រដាល់រូបសង្ហា Antoine Pinto គឺជាចៅប្រុសអតីតមន្ត្រីយោធាជាន់ខ្ពស់ខ្មែរ១រូប
ថៃ ៖ បន្ទាប់ពីមានការចេញផ្សាយជាច្រើនកន្លងមក អំពីតារាសម្តែង និងជាកីឡាករប្រដាល់ថៃ Antoine Pinto ដែលធ្លាប់បានទ
ថៃ ៖ បន្ទាប់ពីមានការចេញផ្សាយជាច្រើនកន្លងមក អំពីតារាសម្តែង និងជាកីឡាករប្រដាល់ថៃ Antoine Pinto ដែលធ្លាប់បានទម្លាយលើផេកហ្វេសប៊ុកផ្លូវការខ្លួនថា គេគឺជាកូនកាត់បារាំង-ខ្មែរ ពោលគឺមានម្តាយជាកូនខ្មែរកាត់បារាំង ដែលរូបគេបានកើតនៅប្រទេសបារាំង និងផ្លាស់មករស់នៅប្រទេសថៃតាំងពីកុមារភាព ដែលធ្វើឱ្យមហាជន ជាពិសេសប្រជាជនខ្មែរ មានការភ្ញាក់ផ្អើលយ៉ាងខ្លាំង។
ដោយឡែកកាលពីថ្ងៃទី៣១ ខែឧសភា កន្លងទៅ កីឡាករប្រដាល់រូបនេះ បានបន្តទម្លាយរូបថតសាច់ញាតិពីអតីតកាល ជាពិសេសគឺរូបថតជីតារបស់ខ្លួន។ ទោះយ៉ាងណា អ្វីដែលធ្វើឱ្យមហាជន ជាពិសេសប្រជាជនខ្មែរកាន់តែមានការភ្ញាក់ផ្អើលថែមទៀតនោះគឺ ជីតារបស់កីឡាករប្រដាល់រូបនេះ គឺជាលោក លន់ ណុន អតីតមន្ត្រីយោធាជាន់ខ្ពស់មួយរូប និងត្រូវជាប្អូនរបស់លោកសេនាប្រមុខ លន់ នល់ អតីតប្រធានាធិបតីរបបសាធារណៈខ្មែរ។
Antoine Pinto បានរៀបរាប់នៅក្នុងការបង្ហោះសាររបស់ខ្លួនថា «នេះជារូបភាពជីតាខ្ញុំ។ ខ្ញុំមិនដែលស្គាល់គាត់ទេ ប៉ុន្តែខ្ញុំពិតជាមានឱកាសទៅលេងសមាជិកគ្រួសារខ្លះពីមុន ហើយខ្ញុំពិតជាសង្ឃឹមថានឹងអាចវិលត្រឡប់មកវិញឆាប់ៗនេះ»។
Antoine Pinto បានរៀបរាប់បន្តថា «ខ្ញុំក៏សូមថ្លែងអំណរគុណដល់អ្នកទាំងអស់គ្នា ចំពោះការស្រឡាញ់ និងគាំទ្រដែលខ្ញុំបានទទួលពីគ្រប់គ្នា។ ហើយចងចាំថា ត្រូវតែមានមោទនភាពជានិច្ច ចំពោះថាអ្នកគឺជានរណា»៕
ចែករំលែកព័តមាននេះ