យោងតាមលទ្ធផលបានពិនិត្យរកមុខសញ្ញាវីរុសកូវីដ-១៩ តាមរយៈការធ្វើតេស្តរហ័ស(Rapid Test) នៅថ្ងៃទី៣១ ខែឧសភា ឆ្នាំ២០២១ របស់រដ្ឋបាលខេត្តព្រៃវែង បានរកឃើញមានអ្នកវិជ្ជមានជំងឺកូវីដ១៩ថ្មី ចំនួន៦៥នាក់បន្ថែមទៀត ដែលជា
ខេត្តព្រៃវែង ៖ យោងតាមលទ្ធផលបានពិនិត្យរកមុខសញ្ញាវីរុសកូវីដ-១៩ តាមរយៈការធ្វើតេស្តរហ័ស(Rapid Test) នៅថ្ងៃទី៣១ ខែឧសភា ឆ្នាំ២០២១ របស់រដ្ឋបាលខេត្តព្រៃវែង បានរកឃើញមានអ្នកវិជ្ជមានជំងឺកូវីដ១៩ថ្មី ចំនួន៦៥នាក់បន្ថែមទៀត ដែលជាករណីឆ្លងក្នុងសហគមន៍ ព្រឹត្តិការណ៍២០កុម្ភ: និងមកពីតាមបណ្តារាជធានី-ខេត្ត ព្រមទាំងមកពីក្រៅប្រទេសផងដែរ ក៏ដូចមានប្រវត្តិថ្ងៃធ្វើដំណើរ និងឈ្មោះ រួមជាមួយទីកន្លែងស្នាក់នៅ ត្រូវបានបង្ហាញនៅលើរូបថតរបស់ពួកគាត់ ឬនៅក្នុងតារាងសេចក្តីជូនដំណឹងរបស់រដ្ឋបាលខេត្តព្រៃវែង។
សូមបញ្ជាក់ផងដែរថា គិតមកត្រឹមថ្ងៃទី៣១ ខែឧសភា ឆ្នាំ២០២១ម្សិលមិញនេះ ខេត្តព្រៃវែងមានអ្នកឆ្លងជំងឺកូវីដ-១៩ សរុបចំនួន៤៥៩នាក់ បានព្យាបាលជាសះស្បើយចំនួន១៩៦នាក់ និងកំពុងសម្រាកព្យាបាលចំនួន២៥៨នាក់ និងស្លា.ប់៥នាក់។
ហើយដើម្បីបង្ការ និងទប់ស្កាត់ការឆ្លងរាលដាលនៃជំងឺកូវីដ១៩ និងកាត់ផ្តាច់ការចម្លងចូលក្នុងសហគមន៍ រដ្ឋបាលខេត្តព្រៃវែង សូមអំពាវនាវដល់បងប្អូនប្រជាពលរដ្ឋដែលធ្លាប់បានប្រាស្រ័យទាក់ទងជាមួយអ្នកវិជ្ជមានកូវីដ-១៩ ត្រូវរាយការណ៍ជូនអាជ្ញាធរជាបន្ទាន់ និងប្រញាប់រួសរាន់ទៅផ្តល់វត្ថុសំណាក ដើម្បីវិភាគរកវីរុសកូវីដ១៩ នៅមន្ទីរពេទ្យបង្អែករៀងរាល់ម៉ោងធ្វើការ (រួមទាំងថ្ងៃឈប់សម្រាក) ហើយត្រូវធ្វើចត្តាឡីស័កនៅផ្ទះរបស់ខ្លួនអោយបានតាមបទបញ្ជាផ្ទៃក្នុងសម្រាប់អ្នកធ្វើចត្តាឡីស័ករយៈពេល១៤ថ្ងៃ។
ចំពោះអ្នកពាក់ព័ន្ធដទៃទៀត ត្រូវតាមដានសុខភាពផ្ទាល់ខ្លួនជាប្រចាំ ត្រូវពិនិត្យកំដៅយ៉ាងតិច២ដងក្នុង១ថ្ងៃ និងត្រូវសម្រាកនៅផ្ទះបន្ទប់ដាច់ដោយឡែកតែម្នាក់ឯង និងត្រូវអនុវត្តកាតព្វកិច្ចរក្សាគម្លាតសុវត្ថិភាពអោយបានម៉ឺងម៉ាត់បំផុត ជាពិសេសអនុវត្តអោយបានខ្ជាប់ខ្ជួននូវវិធានការ «៣ការពារ និង៣កុំ» របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ក្នុងករណីមានការសង្ស័យ ឬប្រែប្រួលសុខភាពខុសប្រក្រតីដូចជា ឡើងកំដៅលើសពី៣៧អង្សាសេ ក្អក កណ្តាស់ ហៀរសំបោរ ឈឺបំពង់ក ថប់ៗដង្ហើម… ត្រូវទំនាក់ទំនងទៅក្រុមឆ្លើយតបបន្ទាន់ នៃមន្ទីរពេទ្យបង្អែកតាមក្រុង-ស្រុក ឬប្រធានមន្ទីរសុខាភិបាលខេត្តព្រៃវែង តាមរយៈលេខទូរស័ព្ទ ០៧១ ៧៧៧ ៧៨៧១ ៕
ចែករំលែកព័តមាននេះ