មីយ៉ាន់ម៉ាដាក់ចេញវិធានការរឹតបន្តឹង ក្រោយករណីឆ្លងកូវីដ១៩ផ្ទុះឡើងខ្លាំង
មីយ៉ាន់ម៉ា ៖ ក្រសួងដឹកជញ្ជូន និងគមនាគមន៍មីយ៉ាន់ម៉ា កាលពីថ្ងៃអាទិត្យ ទី៣០ ខែឧសភា បានប្រកាសពង្រីកការផ្អាក
មីយ៉ាន់ម៉ា ៖ ក្រសួងដឹកជញ្ជូន និងគមនាគមន៍មីយ៉ាន់ម៉ា កាលពីថ្ងៃអាទិត្យ ទី៣០ ខែឧសភា បានប្រកាសពង្រីកការផ្អាក
មីយ៉ាន់ម៉ា ៖ ក្រសួងដឹកជញ្ជូន និងគមនាគមន៍មីយ៉ាន់ម៉ា កាលពីថ្ងៃអាទិត្យ ទី៣០ ខែឧសភា បានប្រកាសពង្រីកការផ្អាកជើងហោះហើរអន្តរជាតិ រហូតដល់ចុងខែមិថុនា ដោយសារការឆ្លងរីករាលដាលនៃវីរុសកូវីដ១៩ នៅក្នុងប្រទេសកំពុងជួបវិបតិ្តនយោបាយ ក្រោយរដ្ឋប្រហារយោធាមួយនេះ។ នេះបើយោងតាមការចេញពីទីភ្នាក់ងារសារព័ត៌មានស៊ីនហួ។
ក្រសួងបានប្រកាសអំពីការបន្តរយៈពេលប្រកបដោយប្រសិទ្ធភាព សម្រាប់វិធានការណ៍បណ្តោះអាសន្ន ដើម្បីបញ្ជៀសការនាំចូលជំងឺកូវីដ១៩ មកកាន់ប្រទេសខ្លួន តាមរយៈការធ្វើដំណើរតាមផ្លូវអាកាស។
យោងតាមក្រសួងសុខាភិបាលមីយ៉ាន់ម៉ាបានរាយការណ៍ថា មានករណីឆ្លងថ្មីចំនួន៤៤នាក់ ត្រូវបានរកឃើញក្នុងរយៈពេល២៤ម៉ោងកន្លងមកនេះ។ ដែលធ្វើឱ្យចំនួនអ្នកឆ្លងសរុបកើនឡើងដល់១៤៣,៥៧១នាក់ កាលពីថ្ងៃអាទិត្យ។
ជាមួយគ្នានោះ ក្រសួងបានអះអាងថា គ្មានករណីស្លា.ប់ថ្មី ត្រូវបានរាយការណ៍នោះទេ នៅក្នុងរយៈពេលដូចគ្នា។ ដែលនាំឱ្យចំនួនអ្នកស្លា.ប់សរុបមាន៣,២១៦នាក់ នៅក្នុងប្រទេសនេះ។
តួលេខរបស់ក្រសួងក៏បានបញ្ជាក់ថា អ្នកជំងឺដែលជាសះស្បើយសរុបមានចំនួន ១៣២,៣១៨នាក់។ ដោយក្នុងនោះ ប្រមាណ២,៦១លាននាក់ បានទទួលការធ្វើតេស្តរកកូវីដ១៩។ ខណៈដែលប្រជាជនចំនួន៩១២នាក់ ត្រូវបានធ្វើតេស្តកាលពីថ្ងៃអាទិត្យ។
កាលពីពេលថ្មីៗនេះ យោងតាមរបាយការណ៍ពីសារព័ត៌មាន Irrawaddy បានឱ្យដឹងថា របបយោធារបស់ប្រទេសមីយ៉ាន់ម៉ា ទើបតែប្រកាសបិទទីក្រុងចំនួន ២ ដែលជាប់ព្រំដែនឥណ្ឌាគឺ ទីក្រុង Tonzang ក្នុងរដ្ឋ Chin និងទីក្រុង Tamu ក្នុងតំបន់ Sagaing។ ព្រមទាំងដាក់បញ្ជាឱ្យប្រជាជនទាំងអស់ត្រូវស្នាក់នៅក្នុងផ្ទះ ក្រោយការរីករាលដាលខ្លាំង នៃករណីឆ្លងកូវីដ១៩៕
ចែករំលែកព័តមាននេះ