ក្រុមគ្រូពេទ្យ បានរកឃើញអ្នកវិជ្ជមានកូវីដ១៩ ចំនួន៣នាក់ ក្នុងនោះមានទាំងក្មេងស្រីតូចអាយុ៥ឆ្នាំផងដែរ ស្ថិតនៅក្នុងភូមិស្រអែមខាងជើង ឃុំស្រឯម ស្រុកជាំក្សាន្ត ខេត្តព្រះវិហារ និងបានរកឃើញអ្នកពាក់ព័ន្ធផ្ទាល់ប្រមាណជាង៤០នាក់ ព្រមទាំង
ខេត្តព្រះវិហារ ៖ បើតាមសេចក្តីរាយការណ៍បានឱ្យដឹងថា ក្រុមគ្រូពេទ្យ បានរកឃើញអ្នកវិជ្ជមានកូវីដ១៩ ចំនួន៣នាក់ ក្នុងនោះមានទាំងក្មេងស្រីតូចអាយុ៥ឆ្នាំផងដែរ ស្ថិតនៅក្នុងភូមិស្រអែមខាងជើង ឃុំស្រឯម ស្រុកជាំក្សាន្ត ខេត្តព្រះវិហារ និងបានរកឃើញអ្នកពាក់ព័ន្ធផ្ទាល់ប្រមាណជាង៤០នាក់ ព្រមទាំងអ្នកប៉ះពាល់ប្រយោលប្រមាណជាង១០០នាក់ទៀតផង ។
លោកវេជ្ជបណ្ឌិត គួង ឡូ ប្រធានមន្ទីរសុខាភិបាលខេត្តព្រះវិហារ បានប្រាប់ឲ្យដឹងថា កាលពីថ្ងៃទី២៦ ខែឧសភា ឆ្នាំ២០២១ មានបុរសម្នាក់ឈ្មោះ ឃឹម សារឿន អាយុ៤២ឆ្នាំ និងប្រពន្ធឈ្មោះ សៀក ចាន់លាភ អាយុ៤២ឆ្នាំ រួមនឹងកូនប្រុសអាយុ២២ឆ្នាំ ព្រមទាំងក្មួយស្រីអាយុ៥ឆ្នាំ បានធ្វើដំណើរពីខេត្តកំពត មកកាន់ភូមិស្រអែមជើង ឃុំស្រអែម ស្រុកជាំក្សាន្ត ខេត្តព្រះវិហារ ដើម្បីធ្វើពិធីភ្ជាប់ពាក្យនៅថ្ងៃទី២៧ ខែឧសភា ឆ្នាំ២០២១ កន្លងទៅនេះ ។
លោកវេជ្ជបណ្ឌិតបន្តថា តែនៅពេលដែលម្តាយឪពុកកូនកំលោះបានវិលត្រឡប់ទៅខេត្តកំពតវិញ ក៏ត្រូវបានក្រុមគ្រូពេទ្យនៅខេត្តកំពត រកឃើញថា មានវិជ្ជមានកូវីដ១៩ ។ លុះរហូតដល់ថ្ងៃទី២៩ ខែឧសភា ឆ្នាំ២០២១នេះ ក្រុមគ្រូពេទ្យខេត្តព្រះវិហារ ក៏បានស្រាវជ្រាវរកឃើញអ្នកពាក់ព័ន្ធផ្ទាល់ជាមួយអ្នកជំងឺដែលជាម្តាយឪពុកកូនកំលោះខាងលើ ចំនួន៤៤នាក់ ដោយក្នុងនោះធ្វើតេស្តលើកទី១ រកឃើញថា មានវិជ្ជមានកូវីដ១៩ ចំនួន៣នាក់ ។ ដោយឡែកអ្នកពាក់ព័ន្ធផ្ទាល់ដែលតេស្តរកឃើញអវិជ្ជមានកូវីដ១៩ ត្រូវបានក្រុមគ្រូពេទ្យនាំយកមកចត្តាឡីស័កនៅមណ្ឌលចត្តាឡីស័ក រីឯអ្នកពាក់ព័ន្ធប្រយោលជាង១០០នាក់ ក៏ត្រូវបានណែនាំឲ្យធ្វើចត្តាឡីស័កនៅផ្ទះផងដែរ ។
លោក គួង ឡូ បន្ថែមថា គិតមកដល់ថ្ងៃទី៣០ ខែមិថុនានេះ អ្នកជំងឺទាំង៣នាក់ ដែលរកឃើញមានវិជ្ជមានកូវីដ១៩នោះ ត្រូវបានក្រុមគ្រូពេទ្យដឹកយកមកព្យាបាលនៅមន្ទីរពេទ្យបង្អែក១៦មករា ក្រុងព្រះវិហារ រួមមាន ៖ ទី១-ឈ្មោះ យោន សោយទ្រី ភេទប្រុស អាយុ២២ឆ្នាំ រស់នៅភូមិធម្មជាតិសម្តេចតេជោ ឃុំស្រអែម ស្រុកជាំក្សាន្ត ខេត្តព្រះវិហារ, ទី២-ឈ្មោះ អៀង សូជីង ភេទស្រី អាយុ២១ឆ្នាំ រស់នៅភូមិធម្មជាតិសម្តេចតេជោ ឃុំស្រអែម ស្រុក ជាំក្សាន្ត ខេត្តព្រះវិហារ ជាគូដណ្តឹងរបស់ឈ្មោះ យោន សោយទ្រី និងទី៣-ឈ្មោះ លឹម ស្រីលីន ភេទស្រី អាយុ៥ឆ្នាំ រស់នៅភូមិធម្មជាតិសម្តេចតេជោ ឃុំស្រអែម ស្រុក ជាំក្សាន្ត ខេត្តព្រះវិហារ ត្រូវជាក្មួយរបស់ឈ្មោះ យោន សោយទ្រី ដែលទើបវិលត្រឡប់មកពីខេត្តកំពត ។
ជាមួយគ្នានេះ រដ្ឋបាលខេត្តព្រះវិហារ ក៏បានសេចក្តីជូនដំណឹង និងធ្វើការបិទខ្ទប់ទីតាំងដែលជាប់ពាក់ព័ន្ធនឹងករណីវិជ្ជមានកូវីដ១៩នេះជាបណ្តោះអាសន្ន ក្នុងនោះរួមមាន៤កន្លែងដូចជា ផ្ទះកម្មវិធីភ្ជាប់ពាក្យចំនួន១កន្លែង, ផ្ទះសំណាក់រស្មីសាគុណ ១កន្លែង, ផ្សារភូមិធម្មជាតិសម្តេចតេជោ ១កន្លែង និងផ្ទះសំអាងការចល័តចំនួន០១កន្លែង ដើម្បីទប់ស្កាត់ការឆ្លងរាលដាលនៃជំងឹមួយនេះជាបន្តទៀត ។
ចែករំលែកព័តមាននេះ