ខេត្តស្វាយរៀង ៖ លោកអភិបាលស្រុកកំពង់រោទ៌យកអគារសាលាបឋមសិក្សាដាក់កម្មកកម្មការរិនីដើម្បីធ្វើចត្តាឡីស័ក និងយកសំណាកវិភាគធ្វើតេស្តកូវីដ១៩ ។ ក្រុមការងារអាជ្ញាធរបានឲ្យដឹងថា ដោយរកឃើញអ្នកវិជ្ជមានកូវីដ១៩ នៅតាមបណ្តារោងចក្រចំនួន០៥ នៅក្រុងបាវិត ដែលមានបុរសបើកបររថយន្តដឹកបន្លែពីច្រកទ្វាទ្វេភាគីបុសមន…
ខេត្តស្វាយរៀង ៖ លោកអភិបាលស្រុកកំពង់រោទ៌យកអគារសាលាបឋមសិក្សាដាក់កម្មកកម្មការរិនីដើម្បីធ្វើចត្តាឡីស័ក និងយកសំណាកវិភាគធ្វើតេស្តកូវីដ១៩ ។
ក្រុមការងារអាជ្ញាធរបានឲ្យដឹងថា ដោយរកឃើញអ្នកវិជ្ជមានកូវីដ១៩ នៅតាមបណ្តារោងចក្រចំនួន០៥ នៅក្រុងបាវិត ដែលមានបុរសបើកបររថយន្តដឹកបន្លែពីច្រកទ្វាទ្វេភាគីបុសមន ទៅផ្សារដើមគរមានវិជ្ជមានកូវីដ១៩ ហើយបានមកចម្លងដល់ប្រពន្ធរបស់គាត់ដែលធ្វើការជាកម្មការិនីរោងចក្រយូលី១ វិជ្ជមានកូវីដ១៩ដែរធ្វើឲ្យប៉ះពាល់កម្មករកម្មការនីផ្ទាល់ និងប្រយោលចំនួន៧០៧នាក់ ហើយក្រុមគ្រូពេទ្យបានចុះទៅពិនិត្យ និងយកសំណាកធ្វើតេស្តរហស័ គឺរកឃើញវិជ្ជមានកូវីដ១៩ ចំនួន១០៣នាក់ នៅថ្ងៃទី២០ ឧសភា ២០២១ ហើយបានឲ្យកម្មករកម្មការិនីជាង៦០០នាក់ ដែលរងផលប៉ះពាល់ក្នុងរោងចក្រយូលី១ ធ្វើចត្តាឡីស័កនៅក្នុងអគាររោងចក្រក្នុងតំបន់សេដ្ឋកិច្ចពិសេសសានតុង ដើម្បីយកវិភាគសំណាកធ្វើតេស្ត និងដើម្បីគ្រប់គ្រងទប់ស្កាត់កំឲ្យឆ្លងចូលទៅសហគមន៍ ។
ក្រោយពីធ្វើចត្តាឡីស័កបានរយៈពេល៨ថ្ងៃ និងយកសំណាកវិភាគធ្វើតេស្តអវិជ្ជមានលើកទី២ គិតត្រឹមថ្ងៃទី២៧ ឧសភា កម្មករកម្មការិនីដែលកំពុងធ្វើចត្តាឡីស័កបាននាំគ្នាចាកចេញត្រឡប់ទៅផ្ទះវិញ ។ ទើបនៅព្រឹកថ្ងៃទី២៩ ខែឧសភា ឆ្នាំ២០២១ ក្រុមការងារក៏ដូចជា អាជ្ញាធរក្រុងស្រុកបានទទួលយកកម្មករ-កម្មការិនីរោងចក្រយូលី១ ដែលបានធ្វើចត្តាឡីស័កអស់រយៈពេល៨ថ្ងៃក្នុងរោងចក្រ មកគ្រប់គ្រងធ្វើចត្តាឡីស័កតាមបណ្តាក្រុងស្រុកវិញ ។
លោក សុច ពិសី បានឲ្យដឹងទៀតថា ក្រុមអាជ្ញាធរបានទទួលយកកម្មករ-កម្មការិនីរោងចក្រយូលី១ ទាំងអស់បានធ្វើចត្តាឡីស័កនៅរោងចក្ររយៈពេល០៨ថ្ងៃ ដោយពួកគាត់បានយកសំណាកជាលើទី២ហើយ រកឃើញអវិជ្ជមានដោយមានផលលំបាកក្នុងការគ្រប់គ្រងក្រុមការងារបានបែងចែកកម្មករ-កម្មការិនីនៅក្រុងស្រុកណាឲ្យទៅក្រុងស្រុកនោះជាអ្នកទទួលខុសត្រូវរកទីតាំងសម្រាប់ធ្វើចត្តាឡីស័ក ។
ដោយឡែកឃុំស្វាយតាយាន យកទីតាំងសាលាបឋមសិក្សាស្វាយតាយាន ដាក់កម្មករ កម្មការិនីចំនួន១២នាក់ សម្រាប់ឃុំទទួលខុសត្រូវនៅសល់ប៉ុន្មាននាក់ទៀតបន្តទៅដាក់ឃុំផ្សេងៗទៀង ។
លោកបន្តទៀតថា ចំពោះកម្មករកម្មការនីរោងចក្រដែលបានចេញពីកន្លែងចត្តាឡីស័កនៅរោងចក្រយូលី១ មកផ្ទះមុនៗនោះ ក្រុមការងារបានចុះដល់លំនៅដ្ឋានដោយឲ្យពួកគាត់រស់នៅដាច់ដោយឡែកពីក្រុមគ្រួសាររង់ចាំក្រុមការងារយកសំណាកជាលើកទី៣ ។
ក្នុងនាមអាជ្ញាធរ សូមអំពាវនាវទៅបងប្អូនកម្មករ កម្មការនីរោងចក្រដែលយកបងប្អូនមកធ្វើចត្តាឡីស័កតាមសាលានេះ គឺអាជ្ញាធរមិនបោះបង់បងប្អូននោះទេ គឺនៅមើលថែ និងដោះស្រាយសម្ភារ:ជូនបងប្អូន មានម្ហូបអាហារសម្ភារៈប្រើប្រាស់ជូនបងប្អូនយើង សូមកុំឲ្យបងប្អូនរត់ចេញពីកន្លែងធ្វើចត្តាឡីស័កនាំឲ្យមានការលំបាកទៅដល់អាជ្ញាធរ ជាពិសេសទៀតមានការលំបាកទៅដល់ក្រុមគ្រួសារ និងសង្គមជាតិ ។
ក្នុងនាមអាជ្ញាធរសូមអំពាវទៅដល់បងប្អូនប្រជាពលរដ្ឋក៏ដូចជា ក្មួយៗកម្មកកម្មការនីរោងចក្រមេត្តាចូលរួម ទប់ស្កាត់ការរីករាលដាលមេរោគកូវីដ១៩ទាំងអស់គ្នា ហើយត្រូវចូលរួមស្តាប់ការណែនាំ របស់ក្រសួងសុខាភិបាល និងប្រមុខរាជរដ្ឋាភិបាលកម្ពុជា៣កុំ ៣ការពារឲ្យបានខ្ជាប់ខ្ជួន ៕
ចែករំលែកព័តមាននេះ