កម្មករ២នាក់ជួបគ្រោះអកុសលត្រង់ចំណុចផ្លូវកោងមុខសាលាបំពេញវិជ្ជាជីវៈខេត្តកំពង់ឆ្នាំង
- កំពង់ឆ្នាំង
ខេត្តកំពង់ឆ្នាំង ៖ មនុស្ស2នាក់បានស្លា.ប់យ៉ាងអាណោចអាធ័ម ក្នុងហេតុការណ៍គ្រោះថ្នាក់ចរាចរណ៍ជិះម៉ូតូមួយគ្រឿងយ៉ាងលឿន
ខេត្តកំពង់ឆ្នាំង ៖ មនុស្ស2នាក់បានស្លា.ប់យ៉ាងអាណោចអាធ័ម ក្នុងហេតុការណ៍គ្រោះថ្នាក់ចរាចរណ៍ជិះម៉ូតូមួយគ្រឿងយ៉ាងលឿន
ខេត្តកំពង់ឆ្នាំង ៖ មនុស្ស2នាក់បានស្លា.ប់យ៉ាងអាណោចអាធ័ម ក្នុងហេតុការណ៍គ្រោះថ្នាក់ចរាចរណ៍ជិះម៉ូតូមួយគ្រឿងក្នុងល្បឿនលឿន លុះដល់ផ្លូវកោង ក៏ជ្រុលទៅបុកនឹងបង្គោលការពារសុវត្ថិភាពតាមដងផ្លូវតែម្តង ។
ហេតុការណ៍ខាងលើនេះបានកើតឡើងកាលពីវេលាម៉ោង11និង30នាទីយប់ថ្ងៃទី16 ខែឧសភា ឆ្នាំ2021 នៅតាមបណ្ដោយផ្លូវជាតិលេខ5 ត្រង់ចំណុចផ្លូវកោងមុខសាលាបំពេញវិជ្ជារៀបរយ ខេត្តកំពង់ឆ្នាំងចន្លោះគីឡូម៉ែត្រលេខ89និង90 ស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
សមត្ថកិច្ចនគរបាលចរាចរណ៍ក្រុងកំពង់ឆ្នាំងបានអោយដឹងថា ជនរងគ្រោះទាំង២នាក់ខាងលើ ក្នុងនោះម្នាក់ឈ្មោះ ជិន ភារុណ ភេទប្រុស អាយុ27ឆ្នាំ មុខរបរជាកម្មករនៅរាជធានីភ្នំពេញ ជាអ្នកបើកបរម៉ូតូ មានស្រុកកំណើតនៅភូមិត្របែក ឃុំត្រងិល ស្រុកកំពង់លែង តែបានមករស់នៅភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង និងម្នាក់ទៀតឈ្មោះ ឆយ សាន ភេទប្រុស អាយុ22ឆ្នាំ មុខរបរជាកម្មករនៅរាជធានីភ្នំពេញ ជាអ្នករួមដំណើរ មានស្រុកកំណើតនៅខេត្តព្រៃវែង តែបានមករស់នៅភូមិត្រពាំងបី សង្កាត់ផ្សារឆ្នាំង ខេត្តកំពង់ឆ្នាំង ជាមួយជនរងគ្រោះ ។ ជនរងគ្រោះទាំង2នាក់ ជិះម៉ូតូមួយគ្រឿង ម៉ាកហុងដាឌូក ពាក់ស្លាកលេខ កំពង់ឆ្នាំង 1d-4888 ។
តាមប្រភពដដែលបានបន្តថា មុនពេលកើតហេតុ ជនរងគ្រោះទាំង២នាក់បានជិះម៉ូតូមួយគ្រឿង ធ្វើដំណើរពីទិសខាងត្បូងមកជើង លុះមកដល់ចំណុចកើតហេតុ ដោយសារបើកបរម៉ូតូក្នុងល្បឿនលឿនបត់មិនទាន់ ក៏ជ្រុលទៅបុកនឹងខឿនចិញ្ចើមផ្លូវ ហើយជ្រុលទៅបុកនឹងបង្គោលការពារសុវត្ថិភាពតាមផ្លូវ បណ្ដាលឲ្យស្លា.ប់ទាំង២នាក់តែម្តង ។
ក្រោយពេលកើតហេតុ សមត្ថកិច្ចបានយកម៉ូតូទៅរក្សាទុកជូន រង់ចាំប្រគល់ជូនក្រុមគ្រួសារសាច់ញាតិរបស់ជនរងគ្រោះវិញ ចំណែកស.ពជនរងគ្រោះទាំង២នាក់ត្រូវបានក្រុមគ្រួសារមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ