វាដូចតែគ្នា
កន្លងមក មេបក្សប្រឆាំងបានដឹកនាំធ្វើបាតុកម្មទាំងហិ.ង្សា និងអហិ.ង្សាស្ទើររាប់មិនអស់ នៅរាជធានីភ្នំពេញ ។ ត្រូវតែហ៊ាននិយាយពិត… និយាយត្រង់… បាតុកម្មតូច-ធំទាំងឡាយរបស់បក្សប្រឆាំង ពេលខ្លះធ្វើដោយសេរី…
កន្លងមក មេបក្សប្រឆាំងបានដឹកនាំធ្វើបាតុកម្មទាំងហិង្សា និងអហិង្សាស្ទើររាប់មិនអស់ នៅរាជធានីភ្នំពេញ ។ ត្រូវតែហ៊ាននិយាយពិត… និយាយត្រង់… បាតុកម្មតូច-ធំទាំងឡាយរបស់បក្សប្រឆាំង ពេលខ្លះធ្វើដោយសេរី… ពេលខ្លះទទួលការបង្ក្រាបគ្មានប្រណី ក៏មានរាប់មិនអស់ដែរ… ព្រោះកុំឱ្យថ្លើមធំពេក… ចំពោះមុខបក្សកាន់អំណាច… ឬបក្សឈ្នះឆ្នោត ។
ទំនងប្រហែលជាទ្រាំងលែងបានហើយ… ឯងតូច ឯងចាញ់… ហ៊ានប្រើកម្លាំងគ្រប់ទិសទីប្រឆាំងដោយអត់ក្រែង… ចាំមើលអញសងវិញ តើក្រែងដែរឬអត់ ?
សង្ស័យចង់សម្តែងនូវអំណាច… នូវមហាកម្លាំង ដែលមានកន្លងមក ទប់ទល់ជាមួយបក្សទំនើង… បាតុកម្មធំមួយបានកើតឡើង… ទំនងយល់ថា ជាបាតុកម្មអហិង្សា… ជាបាតុកម្មគ្រាន់តែសម្តែងមតិដេញមេបក្សមួយដែលថ្លើមពាសមេឃប៉ុណ្ណោះ… ដឹងអីបែរជាក្លាយទៅជា«ហិង្សា» ចង់ធ្ងន់ជាងបាតុកម្មរបស់បក្សដែលគ្មានអំណាចរាប់ដងមិនអស់ ។
ទោះជាយ៉ាងណាក៏ដោយចុះ បក្សប្រឆាំងដែលធ្វើបាតុកម្មប្រើហិង្សា… មិនដែលឮ… មិនដែលសម្តែងនូវពាក្យណាមួយថា «សោកស្តាយ» សោះឡើយ ។ អាមិនដែលប្រើពាក្យ«សោកស្តាយ»បានន័យថា មិនមាន«វិប្បដិសារី»សោះ នៅចំពោះមុខ នៃអំពើហិង្សា ។
ចំណែកបក្សកាន់អំណាច ដែលគេដឹងឮថា បានបង្កើតឱ្យមានបាតុកម្មធំមួយ ទាមទារដកអនុប្រធានទី១រដ្ឋសភាមកពីបក្សប្រឆាំង… ឬបក្សថ្លើមធំ… បានប្រព្រឹត្តទៅ «អហិង្សា» ពេញមួយព្រឹក ដោយរលូន អត់មានរំខានដល់សមត្ថកិច្ចមានអំណាចឡើយ ។ លុះមកដល់ចុងកន្ទុយនៃបាតុកម្ម… ស្រាប់តែហិង្សាបានផ្ទុះឡើង ធ្វើ
ឱ្យតំណាងរាស្ត្រ២នាក់ស្ទើរស្លាប់ ស្ទើររស់… ។ គ្រាន់បើដែរ… ប្រមុខដឹកនាំប្រទេស ជាប្រមុខបក្សកាន់អំណាច… បានបញ្ចេញនូវប្រតិកម្មភ្លាមៗ… សម្តែងនូវការសោកស្តាយ… និងប្រកាសឱ្យចាប់ខ្លួនជនដៃដល់ដែលជនទំនើងហ៊ានប្រើ«ហិង្សា» ។
បើនិយាយកុំពិចារណាវែងឆ្ងាយ… និយាយរបៀប«អ្នកលេង»… និយាយរបៀប«អ្នកណាខ្លាំង អ្នកហ្នឹងឈ្នះ» គឺវាដូចតែគ្នាទេ !!
អាឡេវ
ចែករំលែកព័តមាននេះ