ខេត្តព្រះសីហនុ ៖ ប្រភពព័ត៌មានជំហានដំបូងបានឲ្យដឹងថា ពិធីមង្គលការមួយត្រូវបានផ្អាកដោយសារបាត់កូនក្រមុំដោយពុំដឹងមូលហេតុខណៈដល់ពេលទទួលភ្ញៀវ ដែលហេតុការណ៍នេះបង្កឲ្យមានការភ្ញាក់ផ្អើលកាលពីវេលាល្ងាចថ្ងៃទី៣០ តុលា ២០១៥ នៅភោជនីយដ្ឋានមួយកន្លែងស្ថិតនៅក្នុងសង្កាត់៤ ក្រុងព្រះសីហនុ ខេត្តព្រះសីហនុ ។
ប្រភពព័ត៌មានពីអ្នកជិតខាង និងអ្នកស្និទ្ធិជាមួយម្ចាស់ដើមការបានឲ្យដឹងយ៉ាងខ្លីថា កាលពីព្រឹកពិធីមង្គលការនេះនៅដំណើរការធម្មតាទេ ខណៈដល់ម៉ោងទទួលភ្ញៀវពេលល្ងាចស្រាប់តែបាត់កូនក្រមុំបាត់ សង្ស័យរត់ចោលរោងការហើយមើលទៅ ។
«កោះសន្តិភាព»សូមអធ្យាស្រ័យដល់មិត្តអ្នកអានដែលមិនអាចបង្ហាញពីអត្តសញ្ញាណកូនកម្លោះ-កូនក្រមុំ និងអាណាព្យាបាលទាំងសងខាងបាន ដោយសារអាចធ្វើឲ្យប៉ះពាល់ដល់កិត្តិយសបុគ្គល ។
បើមានព័ត៌មានលម្អិតអ្វីបន្ថែម «កោះសន្តិភាព» នឹងផ្សាយជូននៅពេលក្រោយក្រោយទៀត
ចែករំលែកព័តមាននេះ