ភូមិត្រពាំងឈូក សង្កាត់ទឹកថ្លា ខណ្ឌសែនសុខ ត្រូវបានសមត្ថកិច្ចបង្ក្រាបអ្នកជួញដូរ និងប្រើប្រាស់ថ្នាំញៀន បានរាប់រយនាក់មកហើយ ក្នុងឆ្នាំ២០១៥នេះ ។
សូម្បីស្ត្រីក្រីក្រតោកយ៉ាកម្នាក់មានកូនភ្លោះប្រុស២នាក់ មិនទាន់ចេះដើរផង ក៏មិនមានមនុស្សលោកមានអំណាចណាម្នាក់លើកលែងទោសដែរ ជាប់គុករាប់ខែមកហើយ ។
មិនមែនជាកំហុសអ្នកភូមិត្រពាំងឈូក ហើយក៏មិនត្រូវស្អប់ខ្ពើមឈ្មោះភូមិត្រពាំងឈូកដែរ… អ្នកដែលគួរឱ្យ«ថ្កោលទោស» គួរឱ្យខឹងបំផុត គឺរដ្ឋអំណាចគ្រប់គ្រងឯណោះទេ ដែល«អន់…» ។
អ្នកណាក៏ដឹងដែរថា ជិត២០ឆ្នាំមកហើយ ដែលភូមិត្រពាំងឈូក កើតមានអ្នកជួញដូរ និងប្រើប្រាស់គ្រឿងញៀន ។ ២០ឆ្នាំមុន… ទើបកើតមាន… រូបភាពពីតូចៗ… ពីធម្មតាៗ… យូរៗទៅពីតូចក្លាយមកធំ… ក្លាយជាដំបៅមហារីក… តៗគ្នា ។
រដ្ឋអំណាចក៏រស់ដោយការធ្មេចភ្នែក… ចែកគ្នារស់… សមត្ថកិច្ចបង្អើលលេងៗ… ដើម្បីសម្ងំរស់ លើគំនរទុក្ខ… លើសំបុកមហាសប្បាយ… លើសំបុកអនាធិបតេយ្យ… សម្បូរណ៍ចាយ សប្បាយច្រាស់ជើងជាមួយគ្នា… ទីបំផុតក្លាយជាទីផ្សារ «ខុសច្បាប់» យ៉ាងដុះស្លែរហូតមក ។
ឈ្មោះហៅថា «សមត្ថកិច្ច» ពីដើមមក ដែលចូលក្នុងអាណាចក្រត្រពាំងឈូក… ដូចចូលទៅសប្បាយ«ប្រមូលប្រាក់»ពីបទល្មើសទាំងឡាយ… ក៏២០ឆ្នាំមកហើយដែរ… គឺស្គាល់អស់… ២០១៥ឈានមកដល់… ទិសដៅ«ថ្នាក់លើ»ត្រូវបង្ក្រាបថ្នាំញៀន… ព្រោះថ្នាំញៀនធ្វើឱ្យសង្គមអស្ថេរភាព… អសន្តិសុខ… សង្គមរង្គោះរង្គើ… ។ល។
ច្រើនរយនាក់ហើយសម្រាប់ភូមិត្រពាំងឈូកត្រូវបានរបស់ដែលហៅថា «សមត្ថកិច្ច»ចុះចាប់… បង្ក្រាបឡើងរញ្ជួយត្រពាំង… កក្រើកពេញភូមិឋាន… បង្ក្រាបមិនចេះអស់… រួចហើយស្រែកថ្ងូរប្រាប់គេឯងថា… បង្ក្រាបមិនចេះអស់ទេ… ដូច «វែកចក» ។
បង្ក្រាបម៉េចអស់ទៅ… បើនាំគ្នាឱ្យគេចិញ្ចឹម២០ឆ្នាំមកហើយនោះ… ហេ ! ហេ !
…មេត្តាសុំកុំថ្ងូរ !!
អាឡេវ
ចែករំលែកព័តមាននេះ