ស្រុកព្រៃនប់ ៖ លោកអនុសេនីយ៍ឯក ម៉ែន វណ្ណា មេបញ្ជាការស្តីទីមូលដ្ឋានកងរាជអាវុធហត្ថស្រុកព្រៃនប់ បានដឹកនាំកម្លាំងកងរាជអាវុធ
ហត្ថមូលដ្ឋានស្រុកព្រៃនប់ សហការជាមួយមន្ត្រីខណ្ឌរដ្ឋបាលជលផលកំពង់សោម ដឹកដោយលោក ឯម ភា នាយរងខណ្ឌ រដ្ឋបាលជលផលទទួលបន្ទុកក្តាប់រួម ធ្វើការចុះឃាត់រថយន្តចំនួន០២គ្រឿង និងមនុស្សចំនួន០៤នាក់ សង្ស័យពាក់ព័ន្ធករណីលួចដឹកកូនគ្រែងឈាម ដោយគ្មានលិខិតអនុញ្ញាតច្បាប់ ស្ថិតនៅចំណុចភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ។
លោកអនុសេនីឯកបានអោយដឹងថា ក្រោយពីបានឃាត់និងត្រួតពិនិត្យរថយន្តខាងលើ សមត្ថកិច្ចជំនាញបានរកឃើញវត្ថុតាង កូនគ្រែងឈាម ចំនួន៤៩០០គីឡូក្រាម (ក្នុង១គីឡូក្រាមមានប្រមាណជា៥០.០០០គ្រាប់) និងត្រូវបានក្រុមការងារខណ្ឌរដ្ឋបាលជលផល ដឹកយកទៅព្រលែងនៅក្នុងតំបន់សហគមន៍ព្រៃនប់ទី២ ស្ថិតក្នុងភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ ។
បច្ចុប្បន្ន មន្ត្រីជំនាញនៃរដ្ឋបាលជលផល បានឲ្យអ្នកដឹកជញ្ជូនទាំង០៤នាក់ធ្វើកិច្ចសន្យានិងរក្សាទុករថយន្ត ដើម្បីឱ្យម្ចាស់គ្រែងឈាមចូលខ្លួនមកដោះស្រាយ ។ ដោយ៖ ហ៊ុយ ចាន់ធួន
ចែករំលែកព័តមាននេះ