ខេត្តកំពង់ឆ្នាំង ៖ មនុស្ស5នាក់ មានម្ដាយនិងកូនតូច4នាក់បាន.ស្លាប់ក្នុងអណ្តាតភ្លើងយ៉ាងអាណោចអាធម ខណៈអគ្គិភ័យបានឆាបឆេះទាំងផ្ទះ និងមនុស្ស ។ ហេតុការណ៍នេះ បានកើតឡើងនៅវេលាម៉ោង០៨និង៣០នាទីយប់ ថ្ងៃទី៩…
ខេត្តកំពង់ឆ្នាំង ៖ មនុស្ស5នាក់ មានម្ដាយនិងកូនតូច4នាក់បាន.ស្លាប់ក្នុងអណ្តាតភ្លើងយ៉ាងអាណោចអាធម ខណៈអគ្គិភ័យបានឆាបឆេះទាំងផ្ទះ និងមនុស្ស ។ ហេតុការណ៍នេះ បានកើតឡើងនៅវេលាម៉ោង០៨និង៣០នាទីយប់ ថ្ងៃទី៩ ឧសភា ស្ថិតនៅភូមិដើមជ្រែ ឃុំខុនរ៉ង់ ស្រុកបរិបូណ៌ ។ ហើយបើតាមព័ត៌មានចុងក្រោយបានបន្ថែមថា ស្ត្រីជាម្តាយកំពុងពរពោះ ដូច្នេះជីវិតមនុស្សដល់ទៅ6នាក់ត្រូវស្លា.ប់ដោយគ្រោះអគ្គិភ័យនេះ ។
តាមប្រភពព័ត៌មានជាបឋមដែលទទួលបានពីលោក ឈុំ សាំ ជំទប់ទីមួយឃុំខុនរ៉ង់ បានឲ្យដឹងថា គ្រួសាររងគ្រោះខាងលើ មានប្រពន្ធឈ្មោះ សៀន សុខជា អាយុ ប្រមាណជាង 30 ឆ្នាំ ចំណែកប្ដីមានឈ្មោះ នុន សារ៉េត អាយុ 35 ឆ្នាំ ។ គ្រួសារនេះមានមុខរបរ លក់ខោអាវជជុះ ចំណែក ផ្ទះរងគ្រោះ ដោយអគ្គីភ័យមានទំហំ 5 គុណនឹង 8 ម៉ែត្រ ធ្វើអំពីដែក ប្រក់និងបានបាំងជញ្ជាំងស័ង្កសី ។
លោកជំទុបទី១បានបញ្ជាក់ថា លោកមិនបានដឹងពីមូលហេតុនោះទេ ប៉ុន្តែពេលអគ្គិភ័យកើតឡើងបានឆក់យកជីវិតស្ត្រីជាម្ដាយ និងកូន 4 នាក់ ក្នុងនោះកូនច្បងដែលជាកូនភ្លោះមានអាយុ 8 ឆ្នាំនិងកូនពៅគេមានអាយុ 4ឆ្នាំ (ប្រុសទាំងអស់ )។ ក្នុងពេលកើតហេតុ បុរសជាឪពុកដើររួចផុតពីសេចក្តីស្លា.ប់ និងបានសន្លប់ មិនអាចធ្វើអ្វីបានឡើយ ដោយសារតែស្លុតចិត្តខ្លាំងពេក។
ដោយឡែក លោក ជាង សុវណ្ណារិទ្ធ អធិការនគរបាលស្រុកបរិបូណ៌ បានបញ្ជាក់ថា ពេលអគ្គិភ័យកើតឡើង មានរថយន្តរបស់អធិការរដ្ឋាននគរបាលស្រុកបានចេញប្រតិបត្តិការជួយពន្លត់ ប៉ុន្តែពេលទៅដល់មនុស្សបានស្លា.ប់នៅក្នុងភ្លក់ភ្លើង៥នាក់ទៅហើយ ក្នុងនោះ មានម្ដាយនិងកូន 4 នាក់ ។ ចំពោះមូលហេតុ លោកបានសង្ស័យថាបណ្ដាលមកពីទុស្សេរចរន្តអគ្គីសនី ដោយសារតែផ្ទះនេះធ្វើអំពីដែកសុទ្ធ ។
គួរបញ្ជាក់ថា អគ្គិភ័យដែលឆក់យកជីវិតមនុស្សរហូតដល់៥នាក់ក្នុងមួយគ្រួសារ ពិតជាពុំធ្លាប់មានទាល់តែសោះសម្រាប់ខេត្តកំពង់ឆ្នាំង
ព័តមានបន្ថែមនឹងមានផ្សាយជូនបន្ត ។ ដោយ៖ ពៅ សុខហ៊ាន
ចែករំលែកព័តមាននេះ