ក្រុងព្រះសីហនុ ៖ បើតាមសេចក្តីរាយការណ៍បានឱ្យដឹងថា មានករណីអគ្គិភ័យមួយបានកើតឡើង បណ្តាលឲ្យអណ្តាតភ្លើងឆាបឆេះរោងកម្មករសំណង់យ៉ាងសន្ធោសន្ធៅ បង្កឱ្យមានការភ្ញាក់ផ្អើលកាលពីវេលា៥ល្ងាច ថ្ងៃទី០៦ ខែឧសភា ឆ្នាំ២០២១ ស្ថិតក្នុងភូមិ០៣…
ក្រុងព្រះសីហនុ ៖ បើតាមសេចក្តីរាយការណ៍បានឱ្យដឹងថា មានករណីអគ្គិភ័យមួយបានកើតឡើង បណ្តាលឲ្យអណ្តាតភ្លើងឆាបឆេះរោងកម្មករសំណង់យ៉ាងសន្ធោសន្ធៅ បង្កឱ្យមានការភ្ញាក់ផ្អើលកាលពីវេលា៥ល្ងាច ថ្ងៃទី០៦ ខែឧសភា ឆ្នាំ២០២១ ស្ថិតក្នុងភូមិ០៣ សង្កាត់៤ ក្រុង/ខេត្តព្រះសីហនុ ។
យោងតាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុខាងលើនេះ គេឃើញមានផ្សែងហុយចេញពីដំបូលរោងកម្មករ ក្រោយមកក៏រាយការណ៍ជូនសមត្ថកិច្ច ដើម្បីជួយអន្តរាគមន៍តែម្តង ។
ចំណែកសមត្ថកិច្ចផ្នែកពន្លត់អគ្គិភ័យនៃស្នងការនគរបាលខេត្តព្រះសីហនុ ក៏បានឲ្យដឹងថា សមត្ថកិច្ចបានចេញរថយន្តទឹកពន្លត់អគ្គិភ័យចំនួន៣គ្រឿង និងប្រើប្រាស់ទឹកអស់ចំនួន២គ្រឿង ក្នុងការអន្តរាគមន៍រហូតឲ្យអណ្តាតភ្លើងបានរលត់ទៅវិញភ្លាមៗទាន់ពេលវេលាផងដែរ។
តាមការបញ្ជាក់ពីសមត្ថកិច្ចជុំវិញករណីអគ្គិភ័យឆាបឆេះរោងកម្មករខាងលើនេះ ក្រៅតែពីភ្លើងឆេះធ្វើឱ្យខូចខាតដល់រោងស្នាក់នៅ ដែលជាប្រភេទទូរកុងតឺន័រអស់មួយចំនួននោះ ពុំមានបណ្តាលឲ្យមនុស្សណាម្នាក់រងគ្រោះថ្នាក់នោះទេ ។ ហើយដើមហេតុនៃការឆាបឆេះនេះ គឺបណ្តាលមកពីឆ្លងចរន្តអគ្គិសនីនៅខាងក្នុងរោងនោះ ៕
ចែករំលែកព័តមាននេះ