បើយើងសិក្សាពីផ្លូវព្រះធម៌ឃើញថា ជីវិតនេះ មិនមែនមានតែរឿងអាក្រក់ៗប្រព្រឹត្តទៅនោះទេ ម្តេចក៏បុគ្គលពួកខ្លះចូលចិត្តប្រមូលតែរឿងអាក្រក់មកទុកក្នុងជីវិតដូច្នេះទៅវិញ ម្ដេចក៏មិនគិតឱ្យឃើញនូវរឿងល្អខ្លះផង ? តាមពិតទៅមនុស្សជាច្រើនកំពុងតែរែកទូលនូវរឿងរ៉ាវដែលអាក្រក់ៗ ហើយភ័យខ្លាចហេតុការណ៍ដ៏រន្ធត់ ប៉ុន្តែចំពោះយើងវិញត្រូវតែរឹងមាំ ឆ្លងឱ្យរួចដោយគិតឃើញនូវអ្វីដែលជារឿងល្អៗ…
បើយើងសិក្សាពីផ្លូវព្រះធម៌ឃើញថា ជីវិតនេះ មិនមែនមានតែរឿងអាក្រក់ៗប្រព្រឹត្តទៅនោះទេ ម្តេចក៏បុគ្គលពួកខ្លះចូលចិត្តប្រមូលតែរឿងអាក្រក់មកទុកក្នុងជីវិតដូច្នេះទៅវិញ ម្ដេចក៏មិនគិតឱ្យឃើញនូវរឿងល្អខ្លះផង ?
តាមពិតទៅមនុស្សជាច្រើនកំពុងតែរែកទូលនូវរឿងរ៉ាវដែលអាក្រក់ៗ ហើយភ័យខ្លាចហេតុការណ៍ដ៏រន្ធត់ ប៉ុន្តែចំពោះយើងវិញត្រូវតែរឹងមាំ ឆ្លងឱ្យរួចដោយគិតឃើញនូវអ្វីដែលជារឿងល្អៗ ជាគំនិតវិជ្ជមាន មិនញាប់ញ័រក្នុងព្រឹត្តិការណ៍ផ្សេងៗ ដោយហេតុថា សុខក្តីទុក្ខក្តីរមែងកន្លងទៅជាធម្មតាមិនឋិតថេររហូតទេយ៉ាងណា ហេតុការណ៍គួរក្តី មិនគួរក្តី ក៏ប្រព្រឹត្តទៅយ៉ាងនោះដែរ ។
ការអប់រំចិត្តកាយឱ្យមាំល្អ យកគោលធម៌មកពិចារណាឱ្យឃើញហេតុផលផ្តល់ទំនុកចិត្តខ្លួនឯងឱ្យប្រាកដថាជាអ្នកមានសុវត្ថិភាពល្អហើយ ចូរអ្នករស់នៅដោយសុខសាន្តចុះ ឈប់ទូលរែកនូវរឿងរ៉ាវដែលអាក្រក់ៗតទៅទៀត ៕ សាន សារិន
ចែករំលែកព័តមាននេះ