បែបខ្លាចសង្គមផ្លាស់ប្តូរ
មានសេដ្ឋីថ្មីមិនច្រើននាក់ទេ នៅកម្ពុជា ត្រូវបានគេនិយាយហូរហែថា បានកើបដុល្លារទៅរកស៊ីបណ្តាក់ទុននៅក្រៅប្រទេសយ៉ាងរំភើយផាត់… ក្នុងឱកាសដែលប្រមុខដឹកនាំប្រទេស អំពាវនាវរកបរទេសឱ្យចូលមកវិនិយោគ
មានសេដ្ឋីថ្មីមិនច្រើននាក់ទេ នៅកម្ពុជា ត្រូវបានគេនិយាយហូរហែថា បានកើបដុល្លារទៅរកស៊ីបណ្តាក់ទុននៅក្រៅប្រទេសយ៉ាងរំភើយផាត់… ក្នុងឱកាសដែលប្រមុខដឹកនាំប្រទេស អំពាវនាវរកបរទេសឱ្យចូលមកវិនិយោគ
មានសេដ្ឋីថ្មីមិនច្រើននាក់ទេ នៅកម្ពុជា ត្រូវបានគេនិយាយហូរហែថា បានកើបដុល្លារទៅរកស៊ីបណ្តាក់ទុននៅក្រៅប្រទេសយ៉ាងរំភើយផាត់… ក្នុងឱកាសដែលប្រមុខដឹកនាំប្រទេស អំពាវនាវរកបរទេសឱ្យចូលមកវិនិយោគ ។
សេដ្ឋីថ្មីចែសនោះ កើបប្រាក់ពីអចលនទ្រព្យដែលរដ្ឋបើកផ្លូវឱ្យដើរ ដែលអ្នកដទៃមិនអាចធ្វើតាមបាន ។ មានតែក្រុមគាត់ទេដែល«ចេះ»… និង«ពូកែមែនទែន» ។
អចលនទ្រព្យដែលរដ្ឋបើកផ្លូវមួយកន្លែងនោះ បើលក់ទាំងអស់ត្រូវបានប្រហាក់ប្រហែល១ពាន់លានដុល្លារ… ។ នេះគ្រាន់តែមួយកន្លែងទេ… នៅច្រើនកន្លែងទៀត ដែលប្រមូលកើបប្រចាំថ្ងៃ… ប្រចាំខែ… ប្រចាំឆ្នាំ… ទំនងរាប់បាវ… ។ល។
ប្រមូលបានមហាសាលម្លឹងៗ… គួរឱ្យសរសើរណាស់ និងគួរជួយត្រេកអរ… ព្រោះគិតថា ខ្មែរក្នុងស្រុក… ប្រាក់រកបានដោយប្រាជ្ញានោះនឹងត្រូវយកមកចំណាយវិនិយោគក្នុងស្រុក… មកជួយសង្គម អភិវឌ្ឍន៍ឱ្យវាណាណីក្នុងស្រុក… ជួយសង្គមកុំឱ្យល្ហេមល្ហាមដូចសព្វថ្ងៃពេក… យ៉ាងហោចក៏ជួយធ្វើផ្លូវ ធ្វើផ្សារ… ធ្វើរោងចក្រតូច-ធំ… សង់ផ្ទះ បង្កើតបានបូរីពេញដី… ជួយកូនខ្មែរឱ្យមានការងារធ្វើ ។
ប៉ុន្តែម្ចាស់ថ្លៃ… ម្ចាស់ថោកអើយ… ពិតជាភ្លីភ្លើមិនគួរជឿមែន… បានទុកឱកាសឱ្យសេដ្ឋីថ្មី ប្រមូលប្រាក់ទៅរកស៊ី… ទៅអភិវឌ្ឍន៍នៅក្រៅប្រទេស ឯណោះឆ្កុយទៅ… ហេ ! ហេ !… ពិតជាគួរសរសើរមែន !
មិនគួរច្រណែនទេ… ព្រោះគេចេះ… ចេះសូត្រ… ចេះផ្លុំ… ចេះមន្តអាគមគាថា… បានដី បានបឹងពីដូនតាខ្មែរ… រាប់រយ រាប់ពាន់លានដុល្លារ… សម្ងំស្ងាត់ៗ ទៅជួយស្រុកគេស្មោះ !
តើនៅមានសល់អ្វីឱ្យគាត់ទៀតទេ ? ដូចជាជួយបើកផ្លូវជូនគាត់អស់ហើយទេដឹង អ្វីដែលខ្លាញ់… គ្រូអាចារ្យម្នាក់ទេសនាថា «ដល់ពេលស្លាប់ទៅ… តាមទម្លាប់បើមិនកប់ គឺដុត… បើមិនដុត គឺកប់… បើដុតបានមួយកញ្ចប់… បើកប់បានស្នូលដី» ។
ជីវិតរស់នៅកុំលោភលន់ហួសហេតុពេក… ល្មមៗបានហើយ… ចែកគេរស់ផង… កុំរស់ម្នាក់ឯង ស៊ីមួយរយជីវិតទៀតមិនអស់នោះ… ពិតជាអាសោចិ៍កេរ្តិ៍ណាស់ ។
ឬមួយវេចបង្វិចរត់ឱ្យហើយ… ខ្លាចសង្គមផ្លាស់ប្តូរ… ដែលបក្សមួយនោះកំពុងយកមកធ្វើនយោបាយ ? ចាំមើលទៀត… អារឿង«បក្សចាញ់»កំពុងមើលឃើញ«ឈ្នះ» ស្រែកថា«ឈ្នះ»… ភ្លូកទឹក ភ្លូកដីនេះ… កំពុងធ្វើឱ្យសេដ្ឋីថ្មីៗខ្លះ… ចង់«ភ្នែកស…» ម្តងៗទៅហើយ ។
បើអ្នកមានខ្លះក្នុងស្រុក«ភ័យ» ទៅហើយ… តើជះទម្ងន់ដល់អ្នកមកពីក្រៅដែរ ឬអត់ ?… ប្រាកដជាមាន !!
អាឡេវ
ចែករំលែកព័តមាននេះ