ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា ជនសង្ស័យម្នាក់ត្រូវបានសមត្ថកិច្ចនគរបាលមូលដ្ឋាន សហការជាមួយប្រជាពលរដ្ឋ ធ្វើការឃាត់ខ្លួន បន្ទាប់ពីប្រព្រឹត្តបទល្មើស២ករណីនៅកន្លែងផ្សេងគ្នា និងជាបន្តបន្ទាប់ ដែលបានប្រព្រឹត្តឡើងក្នុងភូមិសាស្ត្រ ឃុំកោះថ្កូវ…
ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា ជនសង្ស័យម្នាក់ត្រូវបានសមត្ថកិច្ចនគរបាលមូលដ្ឋាន សហការជាមួយប្រជាពលរដ្ឋ ធ្វើការឃាត់ខ្លួន បន្ទាប់ពីប្រព្រឹត្តបទល្មើស២ករណីនៅកន្លែងផ្សេងគ្នា និងជាបន្តបន្ទាប់ ដែលបានប្រព្រឹត្តឡើងក្នុងភូមិសាស្ត្រ ឃុំកោះថ្កូវ ស្រុកជលគិរី និងចុងក្រោយចាប់ខ្លួនបាននៅរសៀលថ្ងៃទី៥ ខែឧសភា ឆ្នាំ២០២១។
បើតាមសមត្ថកិច្ចនគរបាលមូលដ្ឋានបានឲ្យដឹងថា ជនសង្ស័យខាងលើមានឈ្មោះ សេង កុសល អាយុ២៧ឆ្នាំ មានទីលំនៅភូមិបត់ត្រង់ ឃុំកោះថ្កូវ ស្រុកជលគីរី ។
សមត្ថកិច្ចបន្តថា ជនសង្ស័យរូបនេះ បានប្រព្រឹត្តបទល្មើស២ដាច់ដោយឡែកពីគ្នា ៖ លើកទី១ គឺកើតឡើងកាលពីវេលាម៉ោង៥និង៣០នាទីល្ងាច ថ្ងៃទី៥ ខែឧសភា ដោយបានទៅវាយស្ត្រីម្នាក់ឈ្មោះ កែម ធីម អាយុ២៣ឆ្នាំ រស់នៅភូមិកោះលត ឃុំកោះថ្កូវ ប្លន់យកទូរស័ព្ទដៃ១គ្រឿង រួចក៏ជិះម៉ូតូរត់គេចខ្លួនបាត់ ។
សមត្ថកិច្ចបន្តទៀតថា ហើយបទល្មើសទី១ខាងលើនេះ សមត្ថកិច្ចនៅមិនទាន់តាមចាប់ខ្លួនជនសង្ស័យបានផង ស្រាប់តែជនសង្ស័យរូបនេះទៅប្រព្រឹត្តបទល្មើស លើកទី២ទៀត គឺនៅវេលាម៉ោង៧និង៣០នាទីព្រឹក ថ្ងៃទី៥ ខែឧសភា នៅចំណុចមេឃទឹកក្រាញ់ ស្ថិតក្នុងភូមិកោះថ្កូវ ឃុំកោះថ្កូវ ដោយបានទៅចាប់កុមារីអាយុ១២ឆ្នាំម្នាក់ ប៉ងប៉នរំលោ.ភ តែមិនបានសម្រេច ក៏ត្រូវបែកការណ៍ ហើយក៏ត្រូវបានប្រជាពលរដ្ឋសហការជាមួយសមត្ថកិច្ចមូលដ្ឋាន ដេញតាមចាប់ខ្លួនជនសង្ស័យរូបនេះបាន ហើយបាននាំខ្លួនយកមកកសាងសំណុំរឿងបញ្ជូនទៅអធិការនគរបាលស្រុកតាមនីតិវិធីតែម្តង ។
ដោយឡែក តាមប្រភពពីសមត្ថកិច្ចនគរបាលស្រុកជលគីរីវិញ ក៏បានបញ្ជាក់ដែរថា នៅព្រឹកថ្ងៃទី៦ ខែឧសភានេះ សមត្ថកិច្ចកំពុងតែកសាងសំណុំរឿងបញ្ជូនជនសង្ស័យមកស្នងការដ្ឋាននគរបាលខេត្តកំពង់ឆ្នាំងរួចហើយ ៕
ចែករំលែកព័តមាននេះ