ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំង នៅព្រឹកថ្ងៃទី៥ ខែឧសភា ឆ្នាំ២០២១ បានចេញលិខិតសំរេចឱ្យចរាចរណ៍ឡើងវិញនៅទីតាំង៣កន្លែង បន្ទាប់ពីបិទមួយរយៈ ដោយសារតែការរីករាយឡើងនៃជំងឺ Covid-19…
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំង នៅព្រឹកថ្ងៃទី៥ ខែឧសភា ឆ្នាំ២០២១ បានចេញលិខិតសំរេចឱ្យចរាចរណ៍ឡើងវិញនៅទីតាំង៣កន្លែង បន្ទាប់ពីបិទមួយរយៈ ដោយសារតែការរីករាយឡើងនៃជំងឺ Covid-19 ។
ក្នុងសេចក្តីសម្រេចលេខ 125 ស.ស.រ ចុះថ្ងៃទី៥ ខែឧសភា រដ្ឋបាលសាលាខេត្តកំពង់ឆ្នាំង បានសម្រេចឲ្យដំណើរការទីតាំង៣កន្លែង ដោយទី១-ទីតាំងគ្លីនិក ព្យាបាលឯកជន ១កន្លែង ស្ថិតនៅក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង, ទី២-វត្តទួលសទ្ឋាសត្ថារាម ស្ថិតនៅក្នុងភូមិទី៧ សង្កាត់ខ្សាម ក្រុងកំពង់ឆ្នាំង និងទី៣- ផ្សារផ្សារព្រៃខ្មែរ ស្ថិតក្នុងភូមិស្ពករាជ្យ ឃុំអណ្ដូងស្នាយ ស្រុករលាប្អៀរ។
នៅក្នុងលិខិតសម្រេច រដ្ឋបាលសាលាខេត្តកំពង់ឆ្នាំង ក៏បានស្នើសុំឱ្យព្រះសង្ឃ អាចារ្យ គណៈកម្មការវត្ត ក្រុមគ្រូពេទ្យនៅគ្លីនិកឯកជន និងបងប្អូនអាជីវករលក់ដូរនៅផ្សារព្រៃខ្មែរ សូមអនុវត្តន៍អោយបាន «៣កុំ ៣ការពារ» ផងដែរ។
គួររំលឹកដែរថា ទីតាំងទាំង៣កន្លែងខាងលើ បន្ទាប់មានឈ្មោះ នូ រស់នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ បានស្លា.ប់ដោយសារ Covid-19 ។ ប៉ុន្តែមុនពេល ស្លា.ប់អ្នកជំងឺធ្លាប់បានទៅព្យាបាលនៅគ្លីនិកឯកជនក្នុងសង្កាត់ផ្សារឆ្នាំង ធ្លាប់ទៅវត្ត សទ្ធាសត្ថារាម ព្រមជាមួយនោះក្រុមគ្រួសារ ក៏បានចេញ-ចូលនៅផ្សារព្រៃខ្មែរ ផងដែរ ។
ទោះជាយ៉ាងណា ពាក់ព័ន្ធនឹងករណីនេះ នៅមានទីតាំងភូមិព្រះរាមរង្សី ស្ថិតនៅក្នុងឃុំជ្រៃបាក់ ស្រុករលាប្អៀរ ១ទៀតនៅមិនអត់មិនទាន់អនុញ្ញាតឲ្យដំណើរការចេញ-ចូលវិញនៅឡើយនោះទេ ៕
ចែករំលែកព័តមាននេះ