រាជធានីភ្នំពេញ នៅក្នុងការធ្វើពាណិជ្ជកម្ម និងការនាំចេញ របស់កម្ពុជា នៅក្នុងត្រីមាសទី ១ ឆ្នាំ ២០២១ សម្រាប់ផលិតផលស្បែកជើងនិកាបូប មានទឹកប្រាក់ជាង៦០០លានដុល្លារអាមេរិក ។
ក្រសួងសេដ្ឋកិច្ច និងហិរញ្ញវត្ថុ បានបង្ហាញរបាយការណ៍អំពីតម្លៃនៃការនាំចូលផលិតផលសំខាន់ៗ តាមរយៈការអនុវត្តន៍ផ្ទាល់របស់អគ្គនាយកដ្ឋានគយ និងរដ្ឋាករ សម្រាប់រយៈពេល ៣ ខែ ដើមឆ្នាំ ២០២១មាជាង៦៣៦លាដុល្លារអាមេរិក ក្នុងនោះស្បែកជើងជាង ៣១៦ លានដុល្លារអាមេរិក ថយចុះជាង ៣០ លានដុល្លារអាមេរិក បើធៀបទៅរយៈពេលដូចគ្នាឆ្នាំ ២០២០ និងការនាំចេញការបូប មានទំហំទឹកប្រាក់ជាង ៣១៩ លានដុល្លារអាមេរិក ។
លោក កាំង ម៉ូលីកា អគ្គលេខាធិការរងសមាគមអ្នកកាត់ដេរនៅកម្ពុជា បានអោយដឹងថា នៅដើមឆ្នាំ ២០២១ កន្លងមកនេះ ទាក់ទង់និងកិច្ចដំណើរការ និងកាបញ្ជាទិញនៅក្នុងវិស័យការដេរ មានស្ថានភាពល្អឡើងវិញជាបណ្តើរៗ ប៉ុន្តែដោយសារព្រឹត្តិការ ២០ កុម្ភៈ និងឈានមកដល់ការបិទខ្ចប់ភូមិសាស្ត្ររាជធានីភ្នំពេញ និងក្រុងតាខ្មៅខេត្តកណ្តាល នាំអោយមានភាពមិនប្រាកដប្រជានៅក្នុងផលិតកម្ម និងភាពមិនទៀតទាត់នៃការប្រគល់ទំនិញ ដែលជាការធ្វើអោយអ្នកបញ្ជាទិញមួយចំនួនបានក្រែងរអា អំពីការបញ្ជូនទំនិញមិនបានទាន់ពេលវេលា ។
លោកលើកឡើងថា នៅក្នុងស្ថានភាពនៃការបិទខ្ចប់ភូមិសាស្ត្ររាជធានីភ្នំពេញ និងក្រុងតាខ្មៅខេត្តកណ្តាល GMAC ក៏បានចូលអនុវត្តន៍តាមយន្តការទាំងឡាយ ដែលបានដាក់ចេញដោយរាជរដ្ឋាភិបាល និងបានខិតខំប្រឹងប្រែងធ្វើយ៉ាងណាអោយស្ថានភាពនេះ ត្រឡប់ទៅក្រក្រតីភាពឡើងវិញជាធម្មតា. ចំពោះបញ្ហានេះ ថាតើគ្រប់ភាគីពាក់ព័ន្ធនឹងអនុវត្តវិធានការទប់ស្កាត់មានប្រសិទ្ធភាពយ៉ាងណា?។
លោក កាំង ម៉ូលីកា បញ្ជាក់ថា” ដើម្បីជម្រុញការងើបឡើងវិញនៃវិស័យខាងលើ, គឺអាស្រ័យទាំងស្រុងទៅលើស្ថានភាពនៃជម្ងឺកូវីដ១៩ ដែលបញ្ហានេះ គឺយើងទាំងអស់គ្នា ទាំងវិស័យឯកជន រដ្ឋ ប្រជាពលរដ្ឋ និងកម្មករ យើងត្រូវចូលរួមនូវវិធានការរបស់រាជរដ្ឋាភិបាល ជម្រុញឲ្យមានប្រសិទ្ធភាព ដើម្បីឆាប់ត្រឡប់ទៅរកប្រក្រតីភាពឡើងវិញ ក្នុងនោះចំពោះវិស័យការដេរ ក៏នឹងមានឱកាសទាញយកនូវទំនុកចិត្តរបស់អ្នកបញ្ជាទិញត្រឡប់មកវិញ ។ តែប្រសិនស្ថានភាពនេះនៅអូសបន្លាយ នឹងអាចជួបបញ្ហាក្នុងពាណិជ្ជកម្ម ពីព្រោះការធ្វើពាណិជ្ជកម្មអន្តរជាតិ គឺត្រូវមានផែនការ និងការប្រាកដប្រជា ព្រោះនៅក្នុងវិស័យកាត់ដេរ គឺមានរដូវនៃការនាំចេញដូចជា ការនាំចេញនៅរដូវក្តៅ និងការនាំចេញនៅរដូវរងារជាដើម ដែលត្រូវការម៉ូត ឬម៉ាកខុសគ្នាៗ ក្នុងនោះប្រសិនការនាំចេញមានការយឺតយ៉ាវ វាអាចជួបបញ្ហាដល់អ្នកបញ្ជាទិញ “៕
ចែករំលែកព័តមាននេះ