រាជធានីភ្នំពេញ៖ យោងតាមសេចក្តីសម្រេចស្តីពី«ការបញ្ចប់ការហាមឃាត់ការធ្វើដំណើរនិងការបញ្ចប់ការបិទរមណីយដ្ឋានទេសចរណ៍នៅទូទាំងប្រទេស រាជរដ្ឋាភិបាលកម្ពុជា ចេញសេចក្តីសម្រេចបញ្ចប់ការហាមឃាត់ធ្វើដំណើរនិងបញ្ចប់ការបិទរមណីយដ្ឋានទេសចរណ៍នៅទូទាំងប្រទេស»នៅថ្ងៃទី២៥មេសាឆ្នាំ២០២១នេះ។ការសម្រេចរបស់រាជរដ្ឋាភិបាលខាងលើនេះ ត្រូវបានប្រធានសមាគមភស្តុភារកម្ម កម្ពុជាដែលមានសមាជិកជាង១០០ក្រុមហ៊ុន មើលឃើញថា វាបាននិងកំពុងធ្វើឱ្យការដឹកជញ្ជូនមានសភាពធូរស្រាលឡើងវិញ ក្រោយពីជាប់គាំងអស់មួយរយៈពេល។
បើតាម ប្រធានសមាគមភស្តុភារកម្ម កម្ពុជា យល់ឃើញថា ការសម្រេចបញ្ចប់ការហាមឃាត់ការធ្វើដំណើរនេះខ្ញុំយល់នេះជាគំនិតដ៏ឆ្លៀសវៃមួយរបស់រាជរដ្ឋាភិបាល ។យើងឃើញថាក្រៅពីតំបន់បិទខ្ទប់ប៉ុន្មាននៅទីក្រុងភ្នំពេញ និងក្រុងតាខ្មៅ ក្រុងព្រះសីហនុ រួមនិងក្រុងប៉ោយប៉ែត គឺនៅមានសភាពធូរស្រាលដែលអាចគ្រប់គ្រង អីចឹងគំនិតដ៏ឆ្លៀសវៃនេះបានធ្វើឱ្យប្រជាពលរដ្ឋនៅក្នុងតំបន់នៃខេត្តផ្សេងទាំងនោះអាចធ្វើអាជីវកម្ម តូចតាច និងធ្វើដំណើរឡើងវិញបាន។លើសពីនេះ នៅតំបន់ធូរស្រាលទាំងនោះបើយើងមើលតាមក្រសួងសុខាភិបាលមិនមានការឆ្លងធ្វើឱ្យមានហានិភ័យខ្ពស់ទេ ដូចនេះទើបរាជរដ្ឋាភិបាលធ្វើដំណើរឡើងវិញ។
លោកឧកញ៉ា ស៊ិន ចន្ធី ប្រធានសមាគមភស្តុភារកម្ម កម្ពុជា មានប្រសាសន៍ថា«ចំពោះសេចក្តីសម្រេចបញ្ចប់ការហាមឃាត់របស់រាជរដ្ឋាភិបាលនេះ បានធ្វើឱ្យមានសភាពធូរស្រាលទៅដល់ការដឹកជញ្ជូន ជាពិសេសនៅក្នុងវិស័យភស្តុភារកម្មនៃសមាគមរបស់យើង។មិនតែប៉ុណ្ណោះសមាគមយើងបានធ្វើការជាមួយគណៈកម្មការបិទខ្ទប់ គ.ប.ខ.ចង់ពេញមួយសប្តាហ៍ ដើម្បីស្នើរសុំឱ្យដំណើរការឡើងវិញនូវក្រុមហ៊ុនដឹកជញ្ជូន និងឡូជីស្ទិក អាចទៅយកទំនិញបានពីកំពង់ផែ ក៏ដូចអាចបញ្ចេញទំនិញដែលមានការរាំងស្ទះ»។
លោកឧកញ៉ាសង្កត់ធ្ងន់ដូច្នេះថា«មកដល់ពេលនេះ អស់រយៈពេលពីរថ្ងៃហើយដែល គ.ប.ខ. បានឯកភាព ហើយសម្រេចឱ្យសាសារាជធានីភ្នំពេញចេញជាលិខិតអនុញ្ញាតទៅដល់អ្នកបើកបររថយ ធុនធំ មធ្យមនិងតូចសម្រាប់ដឹកទំនិញ។ពេលនេះ យើងបានខ្លះហើយ បើទោះបីមិនទាន់ដំណើរការទាំងអស់ក្តី អីចឹងយើងសង្ឃឹមថា បានបញ្ចេញទំនិញមានភាពប្រសើរឡើងវិញ»។
ប្រធានសមាគមភស្តុភារកម្មកម្ពុជា រូបនេះ លើកឡើងថា ក្នុងនាមជាប្រធានសមាគម យើងធ្លាប់បានរំពឹងថា ការហាមឃាត់មិនឱ្យដំណើរការពីតំបន់មួយទៅតំបន់មួយទៀត គិតថារាជរដ្ឋាភិបាល មានការគិតវែងឆ្ងាយណាស់ ពីផលប៉ះពាល់ដល់ប្រជាជនក៏ដូចជាប៉ះពាល់ដល់សេដ្ឋកិច្ចជាតិនេះ ។បើសិនសភាពការឬការរីករាលដាលជំងឺកូវីដ១៩នេះមិនធ្ងន់ធ្ងរ ស៊ឹងតែមិនបិទផង ប៉ុន្តែវាមានសភាពធ្ងន់ធ្ងរ។ឥលូវនេះ ខ្ញុំគិតថា ទោះជាយ៉ាងណា រាជរដ្ឋាភិបាលមានភាពឆ្លៀសវៃ ដែលបានបើកឱ្យដំណើរការនៅតំបន់ដែលមិនមានភាពហានិភ័យខ្ពស់មុន។
លោកឧកញ៉ា គូសបញ្ជាក់ថា«មកដល់សព្វថ្ងៃនេះ សមាជិកសមាគមសរុបមាន១២១ក្រុមហ៊ុន ហើយ សមាគមមិនចេះតែទទួលយកសមាជិកនោះទេ ទាល់តែក្រុមហ៊ុនទាំងនោះ ចេះគោរពវិន័យ មានការចុះបញ្ជី និងបង់ពន្ធត្រឹមត្រូវ មានប្រវត្តិល្អ ទើបអាចចូលជាសមាជិកសមាគមបាន»៕
ចែករំលែកព័តមាននេះ