ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា មានករណីបុរសម្នាក់ត្រូវបានដីបាក់សង្កត់ពីលើ បណ្ដាលឱ្យស្លា.ប់ភ្លាមៗ គ្រាដែលរូបគាត់កំពុងតែដាក់ទុយោបូមយកខ្សាច់ក្នុងរណ្ដៅដី ហេតុការណ៍នេះភ្ញាក់ផ្អើលកាលពីវេលាម៉ោង១០ព្រឹក ថ្ងៃទី២៣ ខែមេសា ឆ្នាំ២០២១…
ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា មានករណីបុរសម្នាក់ត្រូវបានដីបាក់សង្កត់ពីលើ បណ្ដាលឱ្យស្លា.ប់ភ្លាមៗ គ្រាដែលរូបគាត់កំពុងតែដាក់ទុយោបូមយកខ្សាច់ក្នុងរណ្ដៅដី ហេតុការណ៍នេះភ្ញាក់ផ្អើលកាលពីវេលាម៉ោង១០ព្រឹក ថ្ងៃទី២៣ ខែមេសា ឆ្នាំ២០២១ នៅចំណុចរណ្ដៅបូមខ្សាច់មួយកន្លែង ស្ថិតក្នុងភូមិល្វា ឃុំស្វាយរំពា ស្រុកកំពង់លែង ខេត្តកំពង់ឆ្នាំង ។
បើតាមអធិការនគបាលស្រុកកំពង់លែង បានអោយដឹងថា ជនរងគ្រោះជាម្ចាស់រណ្ដៅដីបូមខ្សាច់ខាងលើ មានឈ្មោះ មុត គន្ធា ភេទប្រុស អាយុ៤១ឆ្នាំ រស់នៅភូមិច្រេស ឃុំត្រងិល ស្រុកកំពង់លែង ខេត្តកំពង់ឆ្នាំង ។
អធិការនគបាលស្រុកកំពង់លែង បានអោយដឹងបន្តថា នៅមុនពេលកើតហេតុ ជនរងគ្រោះឈ្មោះ មុត គន្ធា បានចុះទៅក្នុងរណ្តៅដើម្បីបូមខ្សាច់ លុះពេលដែលកំពុងតែបូមខ្សាច់ ក៏ស្រាប់តែដីនៅខាងលើ បាក់ចុះសង្កត់ពីលើរូបគាត់ បណ្ដាលឲ្យស្លា.ប់ភ្លាមៗនៅនឹងកន្លែងកើតហេតុតែម្ដង ។
បើតាមសមត្ថកិច្ចបានបន្តថា ក្រោយពេលកើតហេតុ ប្រជាពលរដ្ឋដែលនៅជិតនោះ បាននាំគ្នាចុះទៅ កាយបូម ដើម្បីយកជនរងគ្រោះមកខាងលើវិញ ដើម្បីធ្វើការសង្គ្រោះបន្ទាន់ តែជាអកុសលជនរងគ្រោះបានស្លា.ប់បាត់ទៅហើយ ។
ក្រោយពេលកើតហេតុ សាកស.ពជនរងគ្រោះត្រូវបានក្រុមគ្រួសារនាំយកមកធ្វើបុណ្យទៅតាមប្រពៃណីផងដែរ។
គួរបញ្ជាក់ថា នេះគឺជាជនរងគ្រោះទី២ហើយ ដែលត្រូវបានស្លា.ប់ដោយសារតែការបូមខ្សាច់នៅស្រុកកំពង់លែង ៕
ចែករំលែកព័តមាននេះ