រាជធានីភ្នំពេញ ៖ អគ្គបញ្ជាការដ្ឋានកងយោធពលខេមរភូមិន្ទ ចេញសេចក្តីប្រកាសព័ត៌មាននៅថ្ងៃទី២២ ខែមេសា ឆ្នាំ២០២១នេះ ស្តីពីករណីរកឃើញ នាយទាហានថ្នាក់ឧត្តមសេនីយ៍ទោ ជានាយករងទីចាត់ការការពារគីមីសាស្ត្រ និងភរិយា វិជ្ជមានកូវីដ-១៩ ទាំង២នាក់ ។
ទីចាត់ការការពារគីមីសាស្ត្រ អគ្គបញ្ជាការដ្ឋាន បានជម្រាបអោយដឹងថា លោកឧត្តមសេនីយ៍ទោ កែវ ប៊ុនណា នាយករងទីចាត់ការការពារគីមីសាស្ត្រ បានរកឃើញកើតជំងឺកូវីដ-១៩ កម្រិតស្រាល ព្រមទាំងភរិយា ក៏រកឃើញវិជ្ជមានដូចគ្នា ។
បច្ចុប្បន្ន កំពុងសម្រាកព្យាបាលនៅផ្ទះ ដែលស្ថិតនៅភូមិហនុមាន ឃុំក្រាំងធ្នង់ ស្រុកបាទី ខេត្តតាកែវ តាមការណែនាំរបស់ក្រុមគ្រូពេទ្យ ក្រសួងសុខាភិបាល ។
ក្នុងលិខិតប្រកាសរបស់ទីចាត់ការការពារគីមីសាស្ត្រ បញ្ជាក់ថា អ្នកជំងឺទាំងពីរនាក់ធ្លាប់បានចាក់វ៉ាក់សាំងចំនួន០២លើករួចមកហើយ ។
ក្រោយទទួលបានសេចក្តីប្រកាសព័ត៌មាននេះ នាយទាហាន នាយទាហានរង និងពលទាហាន ដែលបានពាក់ព័ន្ធដោយផ្ទាល់ ឫដោយប្រយោល ត្រូវអនុវត្តន៍តាមវិធានការការពារកូវីដ-១៩ របស់ក្រសួងសុខាភិបាល ឱ្យបានខ្ជាប់ខ្លួន និងម៉ឺងម៉ាត់បំផុត ៕
ចែករំលែកព័តមាននេះ