ត្រួតពិនិត្យទីតាំងគិលានដ្ឋានត្រៀមរៀបចំទីតាំងព្យាបាលអ្នកជំងឺកូវីដកម្រិតស្រាល និងសម្រាប់ធ្វើចត្តាឡីស័ក
- ភ្នំពេញ
រាជធានីភ្នំពេញ ៖ នៅថ្ងៃទី២២ ខែមេសា ឆ្នាំ២០២១ នេះ ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោកមេបញ្ជាការ…
រាជធានីភ្នំពេញ ៖ នៅថ្ងៃទី២២ ខែមេសា ឆ្នាំ២០២១ នេះ ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោកមេបញ្ជាការ…
រាជធានីភ្នំពេញ ៖ នៅថ្ងៃទី២២ ខែមេសា ឆ្នាំ២០២១ នេះ ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោកមេបញ្ជាការ កងពលធំអន្តរាគមន៍លេខ៣ ព្រមទាំងក្រុមការងារបានអញ្ជើញចុះត្រួតពិនិត្យទីតាំងគិលានដ្ឋាន ។
កងពលធំអន្តរាគមន៍លេខ៣ និងគិលានដ្ឋាន កងពលតូចអន្តរាគមន៍លេខ៧ ដើម្បីត្រៀមរៀបចំទីតាំងសម្រាប់ព្យាបាលអ្នកជំងឺកូវីដ-១៩កម្រិតស្រាល និងកន្លែងសម្រាប់ធ្វើចត្តាឡីស័ក តាមបណ្តាកងឯកភាព និងផ្សព្វផ្សាយសេចក្តីណែនាំរបស់អគ្គបញ្ជាការដ្ឋាននៃកងយោធពលខេមរភូមិន្ទលេខ០០៤ ស.ណ.ន.ស្តីពីការត្រៀមរៀបចំទីតាំងសម្រាប់ព្យាបាលអ្នកជំងឺកូវីដ-១៩ កម្រិតស្រាលនៅតាមបណ្តាកងឯកភាព ស្ថាប័ន នៃកងយោធពលខេមរភូមិន្ទ ដែលជាការអនុវត្តតាមការដឹកនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការប្រយុទ្ធប្រឆាំងនឹងជំងឺកូវីដ-១៩ ដែលកំពុងរីករាលដាលក្នុងសហគមន៍នៅព្រះរាជាណាចក្រកម្ពុជា ។
សូមជម្រាបថា តាមសេចក្តីណែនាំរបស់អគ្គមេបញ្ជាការនៃកងយោធពលខេមរភូមិន្ទណែនាំដល់មេបញ្ជាការប្រភេទទ័ព ទ័ពជំនាញ និងនាយកស្ថាប័នចំណុះអគ្គបញ្ជាការដ្ឋានទាំងអស់រៀបចំទីតាំងព្យាបាលអ្នកជំងឺកូវីដ-១៩ កម្រិតស្រាល នៅក្នុងបរិវេណនៃអង្គភាពនីមួយៗ ដោយមានបំពាក់គ្រែអ្នកជំងឺ និងសម្ភារៈពេទ្យចាំបាច់មួយចំនួន ។
ត្រូវរៀបចំកម្លាំងសុខាភិបាល និងត្រៀមហ្វឹកហ្វឺនបំប៉នគ្រូពេទ្យ ដើម្បីថែទាំ និងព្យាបាលអ្នកជំងឺកូវីដ-១៩ កម្រិតស្រាល នៅក្នុងអង្គភាពរបស់ខ្លួន និងបន្តរៀបចំទីតាំងសម្រាប់ធ្វើចត្តាឡីស័កដោយឡែកនៅក្នុងអង្គភាព ដើម្បីធ្វើចត្តាឡីស័កដល់យោធិន ដែលសង្ស័យមានការពាក់ព័ន្ធជាមួយនឹងអ្នកជំងឺកូវីដ-១៩ ។
លើសពីនេះ យោធិនដែលពុំទាន់បានចាក់វ៉ាក់សាំងបង្ការជំងឺកូវីដ-១៩ ត្រូវប្រញាប់ប្រញាល់ទៅចាក់វ៉ាក់សាំងជាបន្ទាន់ នៅតាមទីតាំងដែលបានកំណត់លើកលែងតែយោធិនដែលមានបញ្ហាសុខភាព ហើយគ្រូពេទ្យបានចេញលិខិតបញ្ជាក់មិនអនុញ្ញាតឱ្យចាក់ ។
ចំពោះមុខ មូលដ្ឋានកងទ័ពទាំងអស់ ត្រូវត្រួតពិនិត្យយោធិនណាដែលមិនទាន់បានចាក់វ៉ាក់សាំងនឹងមិនត្រូវបានអនុញ្ញាតឱ្យចូលក្នុងមូលដ្ឋានកងទ័ព ៕
ចែករំលែកព័តមាននេះ