រាជធានីភ្នំពេញ ៖ ក្រសួងសុខាភិបាលបានអនុញ្ញាតឱ្យមន្ទីពេទ្យឯកជនស្របច្បាប់ ប្រើឧបករណ៍ធ្វើតេស្តរកជំងឺកូវីដ១៩ ។ យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី២២ មេសា បានអនុញ្ញាតឲ្យសេវាសុខាភិបាលឯកជនស្របច្បាប់ (មន្ទីរពេទ្យឯកជន មន្ទីរពហុព្យាបាល…
រាជធានីភ្នំពេញ ៖ ក្រសួងសុខាភិបាលបានអនុញ្ញាតឱ្យមន្ទីពេទ្យឯកជនស្របច្បាប់ ប្រើឧបករណ៍ធ្វើតេស្តរកជំងឺកូវីដ១៩ ។
យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី២២ មេសា បានអនុញ្ញាតឲ្យសេវាសុខាភិបាលឯកជនស្របច្បាប់ (មន្ទីរពេទ្យឯកជន មន្ទីរពហុព្យាបាល មន្ទីរសម្រាកព្យាបាល និងសម្ភព) ប្រើប្រាស់ Rapid Antigen Test COVID-19 ក្នុងក្របខណ្ឌទូទាំងប្រទេស ។
ក្រសួងលើកឡើងថា យោងតាមសំណើរបស់សមាគមអ្នកផ្តល់សេវាសុខាភិបាលឯកជននៅកម្ពុជា ដែលមានលិខិតលេខ ០០៧/២១ ស.ស.ឯ.ក ចុះថ្ងៃទី២២ ខែមេសា ឆ្នាំ២០២១ ស្ដីពីការសុំអនុញ្ញាតឱ្យសេវាសុខាភិបាលឯកជនប្រើប្រាស់ Rapid – Antigen test: Covid-19 នៅតាមបណ្តាមូលដ្ឋានសេវាសុខាភិបាលឯកជនស្របច្បាប់ ( មន្ទីរពេទ្យឯកជន មន្ទីរពហុព្យាបាល មន្ទីរសម្រាកព្យាបាល និងមន្ទីរសម្ពព) ក្នុងក្របខណ្ឌទូទាំងប្រទេស និងដោយមានការឯកភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រសួងសុខាភិបាលអនុញ្ញាតឲ្យសេវាសុខាភិបាល ឯកជនស្របច្បាប់ខាងលើប្រើប្រាស់ Rapid Antigen test Covid-19 ដែលបានទទួលស្គាល់ និងកំពុងប្រើប្រាស់ដោយក្រសួងសុខាភិបាល ។
សូមជម្រាបថា ការប្រើប្រាស់ឧបករណ៍ Rapid Antigen test Covid-19កន្លងមកត្រូវរកឃើញអ្នកផ្ទុកជំងឺកូវីដ១៩មានភាពរហ័ស ៕
ចែករំលែកព័តមាននេះ