រាជធានីភ្នំពេញ ៖ ថ្វីបើផ្សារធំថ្មី នៅតែបើកដំណើរការឱ្យលក់ដូរជាធម្មតា តែក្រុមអាជីវករមួយចំនួនធំ ដែលមានប្រមាណជាជាង ៩០% ឯណ្ណោះបាននាំគ្នាចាក់សោតូបបិទទ្វារឈប់លក់ដោយខ្លួនឯង រួមទាំងតាមបណ្តាហាងលក់មាស ពេជ្រ ជុំវិញផ្សារជាច្រើនទៀតផងដែរ ក្រោយពីផ្ទុះកើតឡើងនូវជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈមកនោះ ។
ជាក់ស្តែងនៅព្រឹក ថ្ងៃទី២២ ខែមេសា ឆ្នាំ២០២១ នេះដែរ គេសង្កេតឃើញមានតែអ្នកលក់ចំណីអាហារ ត្រី បន្លែ សាច់ គ្រឿងទេសតិចតួចប៉ុណ្ណោះនៅនាំគ្នាបន្តការលក់ដូររបស់ខ្លួន ខណៈដែលផ្សារតូចធំមួយចំនួនដូចជា ផ្សារចាស់ ផ្សារកណ្តាល ផ្សារអូឬស្សី ផ្សារអូឡាំពិក និងផ្សារដើមគ ត្រូវបានបិទជាបន្តបន្ទាប់គ្នានោះ ។
តាមប្រភពព័ត៌មានបានប្រាប់ឱ្យដឹងថា ផ្សារធំថ្មីបានបន្តបើកអោយក្រុមអាជីវករមកលក់ដូរជាធម្មតារទេ តែពួកគាត់ហាក់បីដូចជា មានការភ័យខ្លាច ក្រោយពីថ្ងៃផ្ទុះឡើងនូវជំងឺកូវីដ១៩ ចាប់ពីថ្ងៃព្រឹត្តិការណ៍សហគន៍ ២០កុម្ភៈមកម្លេះ ដោយពួកគាត់បាននាំគ្នាចាក់សោទ្វារតូបបិទឈប់លក់ស្ទើរតែអស់ទៅហើយនោះ ។ ដោយឡែកនៅលក់ តែក្រុមអាជីវករលក់ដូរម្ហូបអាហារ ដូចជា ត្រី សាច់គោ សាច់ជ្រូក គ្រឿងសមុទ្រ និងបន្លែមួយចំនួនតូចប៉ុណ្ណោះ ក្រៅពីនោះនាំគ្នាបិទតូបឈប់លក់អស់ ហើយៗអ្នកមកផ្សាររកទិញម្ហូបអាហារក៏មានការថមថយចុះយ៉ាងច្រើនដែរ ។
តាមប្រភពដដែលបានប្រាប់បន្តទៀតថា ផ្សារធំថ្មី នៅតែបន្តបើកឱ្យដំណើរការលក់ដូរជាធម្មតាទេ ប្រសិនបើមានបងប្អូនអាជីវករណាមកបើកតូបរបស់ខ្លួនលក់នោះ គឺផ្សារនេះនៅអនុញ្ញាតិអោយបើកលក់ ។
ព្រឹកថ្ងៃទី២២ ខែមេសា ឆ្នាំ២០២១នេះដែរ នៅតាមបណ្តាតូបលក់ដូរនៅក្នុងផ្សាធំថ្មី ប្រមាណជាជាង៩០% បានបិទតូបមិនលក់ដូរ រួមទាំងតាមបណ្តាហាងលក់មាស លក់ពេជ្រ ហាងលក់ដូរមួយចំនួនទៀត នៅជុំវិញផ្សារក៏នាំគ្នាបិទអត់បើកលក់ដូរ និងមិនមានអ្នកធ្វើដំណើរតាមផ្លូវជុំវិញផ្សារមានសភាពស្ងាត់ជ្រងំផងដែរ ។
ក្រោយពីផ្ទុះកើតឡើងនូវជំងឺកូវីដ១៩ ក្នុងព្រឹត្តិការសហគមន៍ ២០កុម្ភៈកើតឡើងមក គេសង្កេតឃើញថា ផ្សារតូចធំក្នុងរាជធានីភ្នំពេញជាច្រើនត្រូវបានបិទដូចជា ផ្សារចាស់ ផ្សារកណ្តាល ផ្សារអូឬស្សី ផ្សារអូឡាំពិក ផ្សារដើមគ រួមទាំងផ្សារ តូចធំជាច្រើនទៀត ត្រូវបានបិទទ្វារឈប់ឱ្យតំណើរការមួយរយៈដោយសារតែការឆ្លងរីករាលដាលនូវជំងឺកូវីដ១៩ នាពេលកន្លងមកនេះ ហើយក្នុងរាជធានីភ្នំពេញទាំងមូលក៏ត្រូវបានធ្វើការបិទខ្ទប់ផងដែរ ៕
ចែករំលែកព័តមាននេះ