តួលេខឆ្លងនៅខ្ពស់៖ រកឃើញអ្នកកើតកូវីដចំនួន ៤៤៦នាក់ ខណៈជាសះស្បើយ១៣០ នាក់
- ភ្នំពេញ
រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី ២២ ខែមេសា ឆ្នាំ២០២១ រកឃើញករណីវិជ្ជមានវីរុសកូវីដ-១៩ ថ្មីចំនួន ៤៤៦ នាក់…
រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី ២២ ខែមេសា ឆ្នាំ២០២១ រកឃើញករណីវិជ្ជមានវីរុសកូវីដ-១៩ ថ្មីចំនួន ៤៤៦ នាក់…
រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី ២២ ខែមេសា ឆ្នាំ២០២១ រកឃើញករណីវិជ្ជមានវីរុសកូវីដ-១៩ ថ្មីចំនួន ៤៤៦ នាក់ ទាក់ទងព្រឹត្តិការណ៍សហគមន៍ទាំងអស់ លើទឹកដីរាជធានី-ខេត្តសរុប ១០ ដោយភ្នំពេញបន្តវ៉ាដាច់គេ ដល់ទៅ ៣៣១ នាក់ ខណៈថ្ងៃនេះអ្នកជំងឺកូវីដ-១៩ ជាសះស្បើយមានចំនួន ១៣០ នាក់ ។
ក្រសួងសុខាភិបាលបានបញ្ជាក់ ថា ការរកឃេីញករណីឆ្លងថ្មីចំនួន ៤៤៦នាក់ ក្នុងសហគមន៍ំគិតត្រឹមព្រឹកថ្ងៃទី ២២ ខែមេសានេះ គឺកើតច្រើនលើសលប់នៅភូមិសាស្រ្តរាជធានីភ្នំពេញ ចំនួន ៣៣១ នាក់ ខេត្តព្រះសីហនុ ៨២ នាក់ ខេត្តកណ្តាល ២១ នាក់ ខេត្តតាកែវ ៥ នាក់ ខេត្តកំពង់ចាម ១ ខេត្តស្វាយរៀង ១ ខេត្តកំពង់ស្ពឺ ២ ខេត្តព្រៃវែង ១ ខេត្ត បាត់ដំបង ១ នាក់ និងខេត្ត បន្ទាយមានជ័យ ១នាក់ ។
ដូច្នេះគិតត្រឹមថ្ងៃទី ២២ ខែមេសា កូវីដ-១៩ ឆ្លងក្នុងសហគមន៍សរុបកេីនដល់ ៧៦៤៨ នាក់ នៃអ្នកឆ្លងសរុប ៨១៩៣នាក់ ។ កំពុងសម្រាក អ្នកសម្រាកព្យាបាល ៥២០៤នាក់ និង អ្នកជាសះស្បើយសរុប ២៩២៤នាក់ ហើយអ្នកស្លា.ប់ដោយកូវីដ-១៩ ឡើងដល់ ៥៩នាក់ ៕
ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសយេីងកំពុងរាត្បាតក្នុងសហគមន៍ហើយ និងប្រទេសជិតខាងយើង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយដែរ ៕
ចែករំលែកព័តមាននេះ