ខេត្តតាកែវ ៖ លោក ភួន ឈីម អភិបាលស្រុក ប្រធានគណៈបញ្ជាការឯកភាពរដ្ឋបាលស្រុកបាទីថា មនុស្សចំនួន៤នាក់ទៀត ត្រូវបានធ្វើតេស្តរកឃើញមានវិជ្ជមានកូវីដ១៩ កាលពីយប់មិញ…
ខេត្តតាកែវ ៖ លោក ភួន ឈីម អភិបាលស្រុក ប្រធានគណៈបញ្ជាការឯកភាពរដ្ឋបាលស្រុកបាទីថា មនុស្សចំនួន៤នាក់ទៀត ត្រូវបានធ្វើតេស្តរកឃើញមានវិជ្ជមានកូវីដ១៩ កាលពីយប់មិញ ហើយអ្នកទាំងនេះបានបញ្ជូនទៅព្យាបាលរួចរាល់ហើយដែរ នៅមន្ទីរពេទ្យបង្អែកស្រុកបាទី ។
លោក ភួន ឈីម អភិបាលស្រុកបាទី ដែលដឹកនាំក្រុមការងារប្រយុទ្ធប្រឆាំងជំងឺកូវីដ បានចុះពិនិត្យ និងបញ្ជូនអ្នកវិជ្ជមានជំងឺកូវីដ១៩ ទាំង០៤នាក់ ដែលមានវិជ្ជមានកូវីដ១៩ មានម្នាក់នៅឃុំកណ្តឹង ម្នាក់ទៀតនៅឃុំពត់សរ និងនៅឃុំក្រាំងធ្នង់០២នាក់ ដោយឡែកចំពោះអ្នកប៉ះពាល់ផ្ទាល់ ជាមួយអ្នកវិជ្ជមាននោះ ក្រុមការងារដឹកយកមកធ្វើចត្តាឡីស័កនៅអគារសាលាបឋមសិក្សាហាំងង៉ោស្មៅខ្ញី ឃុំត្រពាំងសាប ស្រុកបាទី ផងដែរ ។
លោកអភិបាលស្រុកបាទី បញ្ជាក់ថា ក្រុមការងារប្រយុទ្ធប្រឆាំងជំងឺកូវីដ១៩ ថ្នាក់ស្រុក កំពុងបន្តស្រាវជ្រាវ អ្នកប៉ះពាល់ផ្ទាល់ និងប្រយោល ជាមួយអ្នកវិជ្ជមានទាំង០៤នាក់ខាងលើ ហើយក៏ធ្វើការអំពាវនាវទៅពលរដ្ឋដែលដឹងខ្លួនថា បានប៉ះពាល់ផ្ទាល់នឹងប្រយោល សូមប្រញាប់សហការជាមួយនឹងអាជ្ញាធរ ដើម្បីយកធ្វើមកសំណាកធ្វើតេស្ត និងធ្វើចត្តាឡីស័កអោយបានត្រឹមត្រូវ ជៀសវាងដើរចំលងដល់អ្នកផ្សេងអោយកាន់តែលំបាកដល់អាជ្ញាធរនឹងពេទ្យនោះត្រូវរួបសហការគ្នាអោយបានល្អបំផុត ដើម្បីរួមគ្នាទប់ស្កាត់ការរីករាលដាកជំងឺកូវីដ ១៩ ៕
ចែករំលែកព័តមាននេះ