នៅក្នុងសៀវភៅមង្គលជីវិត ព្រះមានព្រះភាគត្រាស់ថា មនុស្សទាំងឡាយដើម្បីរស់នៅក្នុងសង្គមមានសិរីសួស្តី មានសុភមង្គល មានសេចក្តីសុខចម្រើន លុះត្រាតែមនុស្សគ្រប់គ្នាជៀសវាងនូវអំពីអំពើបាប អំពើអាក្រក់ដែលស្តែងចេញតាមរយៈផ្លូវកាយ វាចា ចិត្ត ដែលមានខ្លឹមសារដូចតទៅ៖…
នៅក្នុងសៀវភៅមង្គលជីវិត ព្រះមានព្រះភាគត្រាស់ថា មនុស្សទាំងឡាយដើម្បីរស់នៅក្នុងសង្គមមានសិរីសួស្តី មានសុភមង្គល មានសេចក្តីសុខចម្រើន លុះត្រាតែមនុស្សគ្រប់គ្នាជៀសវាងនូវអំពីអំពើបាប អំពើអាក្រក់ដែលស្តែងចេញតាមរយៈផ្លូវកាយ វាចា ចិត្ត ដែលមានខ្លឹមសារដូចតទៅ៖
ក-អំពើអាក្រក់តាមផ្លូវកាយ ហៅថា កាយទុច្ចរិតមាន៣គឺ ១-សម្លាប់បៀតបៀនជីវិតអ្នកដទៃ ២- លួចឆក់ប្លន់ ឆបោក ទ្រព្យសម្បត្តិគេ ៣- ផឹកទឹកស្រវឹង សេពគ្រឿងញៀន ដែលនាំឲ្យខូចស្មារតី ។ ឯការប្រព្រឹត្តខុសលើកូនប្រពន្ធអ្នកដទៃ ក៏សង្គ្រោះចូលក្នុងទីនេះដែរ ។
ខ-អំពើអាក្រក់ផ្លូវវាចា ហៅថា វចីទុច្ចរិតមាន៤គឺ ១- និយាយភូតភរ កុហក មិនប្រកាន់ពាក្យសត្យៈ ២- និយាយពាក្យសម្តីជេរប្រទេច ផ្តាសា គម្រោះគម្រើយ ៣- និយាយពាក្យមិនបានការឥតប្រយោជន៍ ។
គ-អំពើអាក្រក់តាមផ្លូវចិត្ត ហៅថា មនោទុច្ចរិតមាន៣គឺ ១- គិតល្មោភ លោភលន់ ចង់បានទ្រព្យសម្បត្តិអ្នកដទៃ ២- គិតព្យាបាទ ចងគំនុំគំកួន ឈ្នានីសអ្នកដទៃ ៣- យល់ខុស គឺយល់ថា បាបគ្មាន បុណ្យគ្មាន ឪពុកម្តាយគ្មានគុណជាដើម ។
អំពើបាបអស់ទាំងនេះបានបំផ្លាញនូវប្រយោជន៍ខ្លួនឯង និងប្រយោជន៍អ្នកដទៃយ៉ាងធ្ងន់ធ្ងរសាបសូន្យនូវសាមញ្ញផលក្នុងលោកនេះ លុះអស់អាយុសង្ខារក៏បានទៅកាន់អបាយភូមិទៀត ។ ព្រោះហេតុនោះគ្រប់គ្នាត្រូវវៀរចេញឱ្យឆ្ងាយពីអំពើអាក្រក់នានា ដើម្បីសេចក្តីសុខ រស់នៅដោយភាពស្ងប់ស្ងាត់ក្នុងដំណើរជីវិតរបស់យើងទាំងអស់គ្នា ៕ សាន សារិន
ចែករំលែកព័តមាននេះ