ខេត្តកំពង់ស្ពឺ ៖ ជនបរទេសចំនួន១៦នាក់ ត្រូវបានសមត្ថកិច្ចឃាត់ខ្លួនចាត់ការតាមនីតិវិធីអនុវត្តច្បាប់ (កូវីត១៩) បន្ទាប់ពីព្យាយាមធ្វើដំណើរពីភ្នំពេញឆ្ពោះទៅខេត្តបន្ទាយមានជ័យ ។ ប្រភពបានអោយដឹងថា កាលពីព្រឹកថ្ងៃទី២១ ខែមេសា…
ខេត្តកំពង់ស្ពឺ ៖ ជនបរទេសចំនួន១៦នាក់ ត្រូវបានសមត្ថកិច្ចឃាត់ខ្លួនចាត់ការតាមនីតិវិធីអនុវត្តច្បាប់ (កូវីត១៩) បន្ទាប់ពីព្យាយាមធ្វើដំណើរពីភ្នំពេញឆ្ពោះទៅខេត្តបន្ទាយមានជ័យ ។
ប្រភពបានអោយដឹងថា កាលពីព្រឹកថ្ងៃទី២១ ខែមេសា ឆ្នាំ២០២១ ក្រុមការងាររដ្ឋបាលខេត្តកំពង់ស្ពឺ មន្ទីរសុខាភិបាលខេត្ត កម្លាំងស្នងការនគរបាលខេត្តបានចុះពិនិត្យ និងរៀបចំនីតិវិធីអនុវត្តច្បាប់ (កូវីដ19) លើជនជាតិឥណ្ឌូនេស៊ី ដែលមិនគោរពវិធានការរដ្ឋបាល (ឆ្លងកាត់តំបន់បិទខ្ទប់) ជាលទ្ធផលអនុវត្តបានដូចខាងក្រោម ៖
ករណីនេះតាមលិខិតបញ្ជាក់ការធ្វើចត្តាឡីស័ក ចេញដោយមន្ទីរសុខាភិបាលរាជធានីភ្នំពេញ លទ្ធផលធ្វើតេស្ត គឺអវិជ្ជមានទាំងអស់ ហើយត្រូវបន្តស្នាក់នៅរាជធានីភ្នំពញ ដល់ថ្ងៃទី១៩ ខែមេសា ឆ្នាំ២០២១ បានលួចចេញពីរាជធានីភ្នំពេញតាមរថយន្ត៥គ្រឿង ឆ្ពោះទៅខេត្តបន្ទាយមានជ័យ (ប៉ោយបែត) ពេលធ្វើដំណើរដល់ព្រំប្រទល់ខេត្តកំពង់ឆ្នាំង សមត្ថកិច្ចហាមឃាត់មិនឲ្យឆ្លងកាត់ ហើយបានដេកលើរថយន្ត១យប់ លុះថ្ងៃទី២០ ខែមេសា ឆ្នាំ២០២១ បានចូលមកដេកនៅផ្ទះសំណាក់ឈ្មោះ ហេង មានលាភ ក្នុងឃុំវាំងចាស់ ស្រុកឧដុង្គ ។
ខណៈដល់ផ្ទះសំណាក់ រថយន្ត៣គ្រឿងបានត្រឡប់ទៅវិញនៅសល់តែរថយន្ត២គ្រឿង និងអ្នកបើកបរជនជាតិខ្មែរ២នាក់ ។ នៅព្រឹកថ្ងៃទី២២ មេសា ២០២១នេះ សមត្ថកិច្ចបានកសាងសំណុំរឿងបញ្ជូនជនបរទេស សញ្ជាតិឥណ្ឌូនេស៊ីចំនួន១៦នាក់ (ស្រី៤នាក់) ទៅនាយកដ្ឋានស៊ើបអង្កេត និងអនុវត្តនីតិវិធី ចំណែករថយន្ត២គ្រឿង និងអ្នកបើកបរចំនួន២នាក់ បញ្ជូនទៅស្នងការនគរបាលខេត្ត ដើម្បីបន្តនីតិវិធី ។
ពេលនេះចំពោះអ្នកបើកបររៀបចំនិតិវិធីបង់ប្រាក់ពិន័យអន្តរការណ៍ តាមមាត្រា១០ នៃច្បាប់កូវីដ ជាទឹកប្រាក់១២០០ ០០០រៀលក្នុង១នាក់ ទៅគណនីរដ្ឋបាលខេត្ត ៕
ចែករំលែកព័តមាននេះ