ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា មានជនបរទេសម្នាក់បានដេកស្លា.ប់នៅក្នុងបន្ទប់ផ្ទះសំណាក់ឡើងហើមទៅហើយ ទើបនឹងដឹង បង្កឱ្យមានការភ្ញាក់ផ្អើលនៅវេលាម៉ោង១និង៣០នាទីរសៀល ថ្ងៃទី២០ ខែមេសា ឆ្នាំ២០២១ នៅចំណុចផ្ទះសំណាក់យីហោ…
ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា មានជនបរទេសម្នាក់បានដេកស្លា.ប់នៅក្នុងបន្ទប់ផ្ទះសំណាក់ឡើងហើមទៅហើយ ទើបនឹងដឹង បង្កឱ្យមានការភ្ញាក់ផ្អើលនៅវេលាម៉ោង១និង៣០នាទីរសៀល ថ្ងៃទី២០ ខែមេសា ឆ្នាំ២០២១ នៅចំណុចផ្ទះសំណាក់យីហោ «ជុំមិត្ត» ស្ថិតនៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ។
តាមការបញ្ជាក់ពីសមត្ថកិច្ចមូលដ្ឋានបានឱ្យដឹងថា ជនបរទេសដែលបានបាត់បង់ជីវិតខាងលើនេះមានឈ្មោះ ម៉ាក់ លុចសៀនហ្វ្រេស អាយុ៦៤ឆ្នាំ ជាជនជាតិបារាំង ដោយបានចូលសម្រាកនៅផ្ទះសំណាក់ខាងលើជាអចិន្ត្រៃយ៍ ។
សមត្ថកិច្ចបានយោងតាមប្រភពពីម្ចាស់ផ្ទះសំណាក់ បានឲ្យដឹងថា ជនជាតិបារាំងដែលបានដេកស្លា.ប់នោះ គឺសង្ស័យតែស្លា.ប់ក្នុងចន្លោះពីថ្ងៃទី១៧ ដល់ថ្ងៃទី២០ ខែមេសា ព្រោះដោយសារតែមិនបានដឹងច្បាស់ថា តើជនរងគ្រោះស្លា.ប់នៅថ្ងៃណាប្រាកដនោះទេ? ប៉ុន្តែដោយសារធុំក្លិនស្អុយ និងមានការសង្ស័យ ទើបបើកទ្វារបន្ទប់លេខ១៣ ដែលគាត់ស្នាក់នៅ ក៏ស្រាប់តែឃើញដេកស្លា.ប់ឡើងហើមប៉ោងបាត់ទៅហើយ ។
ប្រភពពីសមត្ថកិច្ចនគរបាលបានបន្តថា ក្រោយពីពិនិត្យធ្វើកោសល្យវិច័យលើស.ពជនបរទេសដែលដេកស្លា.ប់នោះ គឺពុំមានស្លាកស្នាមគួរឱ្យសង្ស័យជាអំពើឃាត.កម្មនោះទេ។ ប៉ុន្តែបានឲ្យមន្ត្រីមន្ទីរសុខាភិបាលមកពិនិត្យ និងយកសំណាក ព្រោះដោយសារសង្ស័យថា មានជំងឺកូវីដ១៩ ។
បន្ទាប់ពីពិនិត្យស.ពជនបរទេសរងគ្រោះហើយ សមត្ថកិច្ចបានវេចខ្ចប់ និងរក្សាទុក ដើម្បីរង់ចាំការផ្ដល់ព័ត៌មានពីថ្នាក់លើ ។ ចំណែកមនុស្សក្នុងផ្ទះសំណាក់ទាំងអស់ត្រូវបានបង្ខាំអទុកធ្វើចត្តាឡីស័ក១៤ថ្ងៃសិន ដោយរង់ចាំលទ្ធផលនៃការធ្វើតេស្តលើជនបរទេសខាងលើជាមុនសិន៕
ចែករំលែកព័តមាននេះ