ខេត្តកំពងឆ្នាំង ៖ អ្នកចែកចាយថ្នាំញៀន៤នាក់ រួមនិងវត្ថុតាងថ្នាំញៀនម៉ាទឹកកក៤កញ្ចប់ត្រូវបានសមត្ថកិច្ចការិយាល័យនគរបាលប្រឆាំងគ្រឿងញៀនខេត្តបញ្ជូនខ្លួនទៅកាន់សាលាដំបូងខេត្តនៅរសៀលថ្ងៃទី០២ តុលា ២០១៥នេះ បន្ទាប់ពីសមត្ថកិច្ចនគរបាលស្រុកទឺកផុសសហការជាមួយមន្ត្រីនគរបាលប្រឆាំងគ្រឿងញៀនខេត្តព័ទ្ធចាប់បាននៅក្នុងផ្ទះពេលកំពុងចែកចាយថ្នាំញៀន កាលពីម៉ោង៧ និង២០នាទីយប់ ថ្ងៃទី៣០ កញ្ញា ២០១៥ នៅក្នុងភូមិស្រែតាជៃ ឃុំអភិវឌ្ឍន៍ ស្រុកទឹកផុស។
លោក ជុន ថារិទ្ធ ស្នងការរងនគរបាលខេត្ត និងជានាយការិយាល័យប្រឆាំងបទល្មើសខេត្តបានឱ្យដឹងថា ជនល្មើសជាអ្នកចែកចាយថ្នាំញៀនដ៏សកម្មនៅក្នុងស្រុកទឹកផុសដែលសមត្ថកិច្ចចាប់ខ្លួនបានទាំង៤នាក់នោះគឺ ១-ឈ្មោះ ហុង ចាន់ធឿន អាយុ២២ឆ្នាំ មុខរបរមិនពិតប្រាកដ ជាម្ចាស់ផ្ទះ លាក់ទុកថ្នាំញៀន ២-ឈ្មោះ នុត វណ្ណា អាយុ២២ឆ្នាំ មុខរបរមិនពិតប្រាកដ ៣-ឈ្មោះ ល សុវ៉ាត់ អាយុ៣២ឆ្នាំ មុខរបរជាជាងចម្លាក់ ៤-ឈ្មោះ វ៉ា ណារិទ្ធ មុខរបរជាកម្មករចម្លាក់ ពួកគេទាំង៤នាក់រស់នៅក្នុងភូមិស្រែតាជៃ ឃុំអភិវឌ្ឍន៍ ស្រុកទឹកផុស។
វត្ថុតាងដែលសមត្ថកិច្ចដកហូតបានពីជនល្មើស មានថ្នាំញៀនម៉ាទឹកកចំនួន៤កញ្ចប់ មានទម្ងន់ ០,៣៦ក្រាម និងទូរសព្ទ័ដៃ០៣គ្រឿង៕
ចែករំលែកព័តមាននេះ