…ថ្លង់ណាស់ !!
រឿងរថយន្តតូចធំទាំងឡាយ ដែលពាក់ស្លាកលេខ«ខ.ម» ក្រោយមកក្លាយជាស្លាកលេខ«ខេមរភូមិន្ទ» អ្នកណាក៏ឃើញដែរ ។ ពិសេសទៀត ស្លាកលេខ«ន.ប» ក្រោយមកក្លាយជា
រឿងរថយន្តតូចធំទាំងឡាយ ដែលពាក់ស្លាកលេខ«ខ.ម» ក្រោយមកក្លាយជាស្លាកលេខ«ខេមរភូមិន្ទ» អ្នកណាក៏ឃើញដែរ ។ ពិសេសទៀត ស្លាកលេខ«ន.ប» ក្រោយមកក្លាយជាលេខ«នគរបាល»អ្នកណាក៏ឃើញពាសពេញផ្លូវដែរ ។ល។
កែពី«ខ.ម»មក«ខេមរភូមិន្ទ» គឺកែទម្រង់កុំឱ្យអារាត់អារាយច្រើនពេក…ខំចម្រាញ់ឱ្យត្រឹមត្រូវវិញដើម្បីជម្រុះចោលខ្លះ ។
មានអីដាក់លេខត្រឹមត្រូវវាកាន់តែច្រើនឡើងៗ…ពិសេសឡានទំនើបៗ ដែលអ្នកខ្លះជាក្រុមហ៊ុនចិន ជាអ្នកជិះ…មានមេទាហាន«ឆោមៗ»ឯណា ?
ណ្ហើយ…មិនរៀបរាប់ច្រើនទេ ព្រោះអ្នកណាក៏ដឹងដែរ…មានច្រើនជាងគេ ឡានដឹកដី…ដឹកថ្ម…ខ្លះដឹកឈើ…។ល។
និយាយពីស្លាកលេខ «ន.ប»… អនាធិបតេយ្យពេកទៅ…ពាក់ស្បែកខ្លាព្រោងព្រាតពេក…ចាប់ផ្តើមជម្រុះចោលម្តង…។
នៅតាមដងផ្លូវឃើញស្លាកលេខ «នគរបាល» ពេញទឹកពេញដី…រហូតដល់ពេញព្រៃ…ហេ ! ហេ !
ពាក់ស្លាក«នគរបាល» វាសមសម្រាប់រថយន្តអគ្គិភ័យ រថយន្តសង្គ្រោះ…អាស៊ីរ៉ែន…អាសំណាញ់ដែកដឹកអ្នកទោស…ប៉ុន្តែរថយន្តទំនើបៗ…រថយន្តស្ទើរគ្រប់ប្រភេទពាសពេញទីក្រុង ពាក់ស្លាក«នគរបាល» យ៉ាងសង្ហារ…។
នៅសល់តែឡានតាក់ស៊ីទេ ដែលមិនទាន់ហ៊ានពាក់ស្លាកលេខ«នគរបាល» ឱ្យវាសង្ហារនឹងគេ ។
ពាក់ស្លាកលេខបែបនេះ សង្ស័យសុទ្ធតែជារថយន្ត«គេចពន្ធ»ដែលអ្នកខ្លះសង្ស័យថា អាចមាន«ឡានចោរ»បន្លំខ្លួនទៀតផង…ព្រោះមិនហ៊ានឆែក…មិនហ៊ានពិនិត្យ ។
កុំឱ្យគេថា អ្នកច្បាប់អង្គុយលើច្បាប់…កុំឱ្យគេដៀលថា អ្នកច្បាប់ខូច…យកស្បែកខ្លាពាក់…កុំឱ្យគេថា អ្នកច្បាប់ជិះដំរីជាន់គេ ជាន់ឯង…គួរ«ដោះស្បែកខ្លា» ចោលទៅ…ទុកសម្រាប់តែខ្លាពិតប្រាកដពាក់បានហើយ…
ស្រុកខ្មែរប្រហែលធ្វើអត់បានទេ…មើលទៅ ! បើធ្វើមិនបានទេ…គួរឈប់ស្រែក…នាំថ្លង់ដល់គេឯង…បើស្រែកប៉ុណ្ណឹងហើយ…ធ្វើមិនបានទៀត…ពិតជាថ្លង់ណាស់ !!
អាឡេវ
ចែករំលែកព័តមាននេះ