ខេត្តពោធិ៍សាត់ ៖ ប្រតិភូសមាគមនារីកម្ពុជាដើម្បីសន្តិភាព និងអភិវឌ្ឍខេត្តពោធិ៍សាត់ដែលដឹកនាំដោយលោកជំទាវ ហ៊ុន ចាន់ធី ម៉ៅ ធនិន ប្រធានកិត្តិយស, លោកស្រី ជុក សុផានី អភិបាលរងខេត្ត និង លោកស្រី ឈឹម ស៊ីណា ជាប្រធានសមាគមកាលពីរសៀលថ្ងៃទី០១ តុលា ២០១៥ បានជួបសំណេះសំណាលសួរសុខទុក្ខ និងនាំយកអំណោយមួយចំនួនទៅចែកជូនកុមារកំព្រាដែលរស់នៅក្នុងមជ្ឈមណ្ឌលចិញ្ចឹមកុមារកំព្រាពោធិ៍សាត់ ព្រមទាំងបានរៀបចំអាហារឲ្យហូបចុកដើម្បីសម្ដែងពីទឹកចិត្តស្រលាញ់រាប់អានផងដែរ ។
ក្នុងឱកាសនោះប្រតិភូសមាគមនារីកម្ពុជា ដើម្បីសន្តិភាព និងអភិវឌ្ព្យន៍ខេត្តពោធិ៍សាត់បានសហការគ្នាធ្វើជាអំណោយចែកជូនដល់កុមារកំព្រាទាំង៤៦នាក់ ក្នុងម្នាក់ៗទទួលបានសម្ភារសិក្សា និងសម្លៀកបំពាក់មួយកញ្ចប់ធំ ព្រមទាំងថវិកា៥០.០០០រៀល ។
ដោយឡែកម៉ែដោះ និងអ្នកគ្រប់គ្រងមណ្ឌលចំនួន១៣នាក់ ក្នុងម្នាក់ៗទទួលបានថវិកា១០.០០០រៀល ព្រមទាំងបានរៀបចំអាហារហូបរួមគ្នាដោយភាពកក់ក្ដៅផងដែរ៕
ចែករំលែកព័តមាននេះ