ខេត្តបន្ទាយមានជ័យ ៖ ក្មេងស្រីម្នាក់អាយុជាង១ខួបរត់លេងលើផ្លូវត្រូវពស់ស្រកាចាស់ចឹក តែសំណាងត្រូវបានក្រុមគ្រួសារបញ្ជូនទោសង្គ្រោះទាន់ពេល កាលពីវេលាម៉ោង៨ និង៥០នាទីយប់ ថ្ងៃទី០១ តុលា ២០១៥ ស្ថិតនៅភូមិរុន ឃុំសឹង្ហ ស្រុកអូរជ្រៅ។
ក្មេងស្រីដែលរងគ្រោះដោយពស់ចឹកមានឈ្មោះ ផៃ សុផានី ភេទស្រី អាយុ១ខួប៩ខែមានម្តាយឈ្មោះ នង សាវៀន អាយុ២២ឆ្នាំ រស់នៅភូមិរុន ឃុំសឹង្ហ ស្រុកអូរជ្រៅ។
តាមសំដីម្តាយក្មេងស្រីរងគ្រោះបានប្រាប់ថា មុនពេលកើតហេតុកូនស្រីរបស់គាត់បានរត់លេងលើផ្លូវមុខផ្ទះពេលយប់ជាមួយបងប្អូន និងកូនអ្នកជិតខាង ស្រាប់តែត្រូវពស់ចឹកចំជើងក្រោមភ្នែកគោធ្វើឱ្យកូនស្រីរបស់គាត់ស្រែកយំបង្កឱ្យមានការភ្ញាក់ផ្អើលតែម្តង ។
ភ្លាមៗនោះគាត់ក៏បានប្រញាប់ដឹកកូនទៅមន្ទីរពេទ្យបង្អែកប៉ោយប៉ែតសង្គ្រោះទាន់ផុតពីគ្រោះថ្នាក់ ៕
ចែករំលែកព័តមាននេះ