រាជធានីភ្នំពេញ ៖ លទ្ធផលនៃជំនួបពិភាក្សាគ្នាអស់រយៈពេលជាង២ម៉ោង ដែលទើបនឹងបញ្ចប់ទៅប៉ុន្មាននាទីមុននេះរវាងប្រធានក្រុមតំណាងរាស្ត្រភាគច្រើន និងភាគតិចនៅក្នុងសភា សម្តេចក្រឡាហោម ស ខេង និងលោក សម រង្ស៊ី គឺភាគីទាំង២បានឯកភាពគ្នា១៤ប្រការក្នុងចំណោម៩៨ប្រការ នៃវិសោធនកម្មបទបញ្ជាផ្ទៃក្នុងរដ្ឋសភា ។
យ៉ាងណាក៏ដោយ បើតាមអ្នកឆ្លើយឆ្លងព័ត៌មាន«កោះសន្តិភាព»បានឱ្យដឹងថា ភាគីទាំង២មិនទាន់បានព្រមព្រៀងគ្នានូវចំណុចមួយចំនួនដែលនៅសេសសល់ស្តីពីច្បាប់បោះឆ្នោតឃុំ-សង្កាត់នៅឡើយទេ ។
សេចក្តីរាយការណ៍បានបន្តទៀតថា មេដឹកនាំគណបក្សដែលមានអាសនៈនៅក្នុងសភា នីតិកាលទី៥ទាំង២នេះបានសន្យានឹងជួបគ្នាជាថ្មីម្តងទៀតនៅសប្តាហ៍ក្រោយ ៕
ចែករំលែកព័តមាននេះ