អ្នកជំងឺកូវីដ១៩ ចំនួន ១២នាក់ នៅភ្នំពេញ ដែលអាជ្ញាធររកពុំទាន់ឃើញ
- ភ្នំពេញ
ភ្នំពេញ៖ នៅយប់ថ្ងៃទី១៣ ខែមេសា ឆ្នាំ២០២១ សាលារាជធានីភ្នំពេញ បានប្រកាសឈ្មោះអ្នកជំងឺកូវីដ១៩ ចំនួន ១២នាក់ ដែលអាជ្ញាធររកពុំឃើញ។ អ្នកជំងឺទាំង…
ភ្នំពេញ៖ នៅយប់ថ្ងៃទី១៣ ខែមេសា ឆ្នាំ២០២១ សាលារាជធានីភ្នំពេញ បានប្រកាសឈ្មោះអ្នកជំងឺកូវីដ១៩ ចំនួន ១២នាក់ ដែលអាជ្ញាធររកពុំឃើញ។ អ្នកជំងឺទាំង…
ភ្នំពេញ៖ នៅយប់ថ្ងៃទី១៣ ខែមេសា ឆ្នាំ២០២១ សាលារាជធានីភ្នំពេញ បានប្រកាសឈ្មោះអ្នកជំងឺកូវីដ១៩ ចំនួន ១២នាក់ ដែលអាជ្ញាធររកពុំឃើញ។ អ្នកជំងឺទាំង ១២នាក់នោះ រកឃើញឆ្លងកូវីដ១៩ កាលពីថ្ងៃទី១១-១២ ខែមេសា ឆ្នាំ២០២១។
រដ្ឋបាលរាជធានីភ្នំពេញ លើកឡើងថា «ករណីវិជ្ជមានកូវីដ-១៩ ចំនួន ១២នាក់ ដែលជាករណីឆ្លងក្នុងសហគមន៍ ត្រូវក្រុមគ្រូពេទ្យ ពុំទាន់រកទីតាំងឃើញ ព្រោះពួកគាត់ ពុំបានផ្ដល់នូវព័ត៌មានលម្អិត ដូចជាលេខទូរស័ព្ទ និងអាសយដ្ឋានពិតប្រាកដ។ រដ្ឋបាលរាជធានីភ្នំពេញ សូមអំពាវនាវដល់សាច់ញាតិ ឬអ្នកដែលស្គាល់អ្នកជំងឺខាងក្រោម សូមជូនដំណឹងដល់ពួកគាត់អោយទៅទទួលការព្យាបាល»។
យ៉ាងណាក៏ដោយ បន្ទាប់ពីប្រកាសដូច្នេះ តាមហ្វេសប៊ុក ក៏មានអ្នកប្រើហ្វេសប៊ុកឈ្មោះ Nak Nak បាន Comment លើហ្វេសប៊ុករបស់រដ្ឋបាលរាជធានីភ្នំពេញថា លេខរៀងទី១ ទាក់ទងទៅ ១១៥ ( ទូរស័ព្ទ Hotline របស់ពេទ្យ ) ហើយ តែឲ្យចាំនៅផ្ទះសិន ព្រោះពេទ្យអត់កន្លែងដាក់ទេ។
អ្នកលេងហ្វេសប៊ុកដដែល បានសុំសួរទៅរដ្ឋបាលរាជធានីភ្នំពេញថា «គេឲ្យទាំងលេខ ទាំងអត្តសញ្ញាណប័ណ្ណ ពេលពិនិត្យ ហេតុអ្វីក៏ទាក់ទងមិនបាន? ហើយពេលបុគ្គល ដែលគ្នាឈឺនៅផ្ទះ ( ឡើងកំដៅជិត ៤០°C ) ខំខ្នះខ្នែងតេទៅ ១១៥ តែគេឲ្យរង់ចាំពេទ្យទាក់ទងទៅ។ ចាំដល់ថ្ងៃនេះហើយ បើឲ្យតែថ្នាំគ្នាញ៉ាំនៅផ្ទះក៏បានដែរ»។
យ៉ាងណាក៏ដោយ ជុំវិញករណីនេះ ត្រូវបានអាជ្ញាធរខណ្ឌ បានឆ្លើយតបនឹងក្រុមគ្រួសារអ្នកទើបរកឃើញឆ្លងជំងឺកូវីដ១៩ នៅថ្ងៃទី១៣ ខែមេសានេះថា ពេទ្យអស់កន្លែងសម្រាកព្យាបាលហើយ។ អាជ្ញាធររាជធានីភ្នំពេញ កំពុងរៀបចំកន្លែងសម្រាប់អ្នកជំងឺកូវីដ ហើយអ្នកទើបឆ្លងថ្មី ក្នុងកម្រិតស្រាល គឺត្រូវសម្រាកនៅផ្ទះ ព្យាបាលដោយខ្លួនឯងសិន ដោយអាចខលទូរស័ព្ទទាក់ទងពេទ្យ ហើយក៏មានពេទ្យ ចុះមកពិនិត្យដែរ បើសិនជាមានអាការៈធ្វើទុក្ខណាមួយ។
សូមរម្លឹកថា កាលពីថ្ងៃទី១២ ខែមេសា ឆ្នាំ២០២១ រដ្ឋបាលរាជធានីភ្នំពេញ ក៏បានប្រកាសឈ្មោះអ្នកជំងឺកូវីដ១៩ ចំនួន ៩នាក់ ដែលរកមិនឃើញដូចករណីអ្នកជំងឺកូវីដ១៩ ទាំង ១២នាក់ខាងលើនេះដែរ។ តែម្សិលមិញ តែប៉ុន្មានម៉ោងប៉ុណ្ណោះ អ្នកជំងឺកូវីដ១៩ ទាំង ៩នាក់នោះ បានទាក់ទងទៅកាន់អាជ្ញាធរ និងពេទ្យអស់ទាំង ៩នាក់។ ការប្រញាប់ប្រញាល់ទាក់ទងនោះ ដោយសារតែអាជ្ញាធរសមត្ថកិច្ច បានព្រមានថា អ្នកគេចវេះ មិនចូលមកព្យាបាល ត្រូវមានទោសជាប់ពន្ធនាគាររហូតដល់ ៥ឆ្នាំ។ ដូច្នេះបានសេចក្តីថា អ្នកជំងឺកូវិដ១៩ទាំងនោះ ខ្លាចជាប់គុក ច្រើនជាងខ្លាចស្លាប់ ដោយសារជំងឺកូវីដ១៩៕
ចែករំលែកព័តមាននេះ