ខេត្តមណ្ឌលគិរី ៖ ប្រភពព័ត៌មានជំហានដំបូងបានឱ្យដឹងថា កាលពីវេលាម៉ោង១០ និង៣០នាទីយប់ ថ្ងៃទី៣០ កញ្ញា នៅជិតមន្ទីរពេទ្យបង្អែកខេត្ត ស្ថិតនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ មានការភ្ញាក់ផ្អើលថា ប្រពន្ធចាក់សម្លាប់ប្តីបណ្តាលឱ្យបុរសជាប្តីស្លាប់ក្នុងថ្លុកឈាម។
ស្ត្រីជាប្រពន្ធមិនទាន់ស្គាល់ឈ្មោះនៅឡើយទេ ត្រូវសមត្ថកិច្ចឃាត់ខ្លួនបញ្ជូនទៅឃុំខ្លួននៅស្នងការខេត្តដើម្បីសាកសួរ ចំណែកជនរងគ្រោះជាប្តីឈ្មោះហេង ជាមន្ត្រីប៉ូលិសក្រុងសែនមនោរម្យ។
ប្រភពមួយចំនួនបានឱ្យដឹងថា មុនពេលកើតហេតុ ប្តីប្រពន្ធទាំង២នាក់ឈ្លោះប្រកែកគ្នា ហើយប្រពន្ធបានយកកាំបិតមកជន្លធ្វើជាអារដៃខ្លួនឯង ឯប្តីចេះតែឃាត់ ដោយទាញទៅទាញមកក៏ជ្រុលចំពោះប្តីលេចធ្លាយពោះវៀនចេញមកក្រៅស្លាប់ពេលដឹកចូលដល់មន្ទីរពេទ្យ តែរឿងហេតុពិតប្រាកដយ៉ាងណានោះគេនៅមិនទាន់ដឹងច្បាស់នៅឡើយ រង់ចាំសមត្ថកិច្ចស៊ើបអង្កេតថែមទៀតសិន៕
ចែករំលែកព័តមាននេះ