រាជធានីភ្នំពេញ ៖ បុរសជនជាតិចិនបើករថយន្តបុករថយន្តមួយគ្រឿងទៀតដែលបើកបញ្ច្រាសទិសបុកទល់មុខគ្នាបណ្តាលឲ្យខូចខាតរថយន្តទាំងសងខាង កាលពីវេលាម៉ោង៧និង៣០នាទីយប់ថ្ងៃទី២៩ កញ្ញា
រាជធានីភ្នំពេញ ៖ បុរសជនជាតិចិនបើករថយន្តបុករថយន្តមួយគ្រឿងទៀតដែលបើកបញ្ច្រាសទិសបុកទល់មុខគ្នាបណ្តាលឲ្យខូចខាតរថយន្តទាំងសងខាង កាលពីវេលាម៉ោង៧និង៣០នាទីយប់ថ្ងៃទី២៩ កញ្ញា នៅតាមបណ្ដោយផ្លូវភ្លីស៊រ ស្ថិតក្នុងសង្កាត់ទឹកថ្លា ខណ្ឌសែនសុខ ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុ គេឃើញរថយន្តបង្កម៉ាកកាមរីហាយប្រីត ពណ៌ស ពាក់ស្លាកលេខភ្នំពេញ២X-9656 បើកបរដោយបុរសជនជាតិចិនម្នាក់ អាយុជាង៣០ឆ្នាំ ទិសដៅពីលិចទៅកើត ក្នុងល្បឿនលឿន លុះមកដល់ចំណុចកើតហេតុបានបត់ឆ្វេងទៅបុករថយន្តឡិចស៊ីសRX300 ពណ៌ទឹកប្រាក់ ពាក់ស្លាកលេខភ្នំពេញ 2J-1132 បើកបរពីកើតទៅលិច ចំថ្ពាល់មុខខាងស្ដាំបណ្ដាលឱ្យរងការខូចខាតក្រពឹតមុខខាងស្ដាំ រីឯរថយន្តបង្កខូចខាតក្រពឹតមុខខាងឆ្វេង ។
ក្រោយពេលកើតហេតុ ម្ចាស់រថយន្តទាំងពីរបានសម្របសម្រួលគ្នាដោយខាងភាគីបង្កសុខចិត្តសងថ្លៃខូចខាតចំនួន១០០ដុល្លារដើម្បីបញ្ចប់រឿងនៅនឹងកន្លែងតែម្តង ៕
ចែករំលែកព័តមាននេះ