គោលធម៌ទាំង៦ប្រការបានដល់ធម៌ដែលបព្វជិតគប្បីពិចារណារឿយៗក្នុងឥរិយាបថទាំង៤នោះ មាន៦យ៉ាងគឺ៖ ១- បព្វជិតគប្បីពិចារណារឿយៗថា អាត្មាអញកាន់យកនូវភេទដ៏ប្លែកអំពីភេទរបស់គ្រហស្ថ ២- បព្វជិតគប្បីពិចារណារឿយៗថា ការប្រព្រឹត្តចិញ្ចឹមជីវិតរបស់អាត្មាអញប្រព្រឹត្តជាប់ដោយបុគ្គលដទៃ ៣- បព្វជិតគប្បីពិចារណារឿយៗថា…
គោលធម៌ទាំង៦ប្រការបានដល់ធម៌ដែលបព្វជិតគប្បីពិចារណារឿយៗក្នុងឥរិយាបថទាំង៤នោះ មាន៦យ៉ាងគឺ៖
១- បព្វជិតគប្បីពិចារណារឿយៗថា អាត្មាអញកាន់យកនូវភេទដ៏ប្លែកអំពីភេទរបស់គ្រហស្ថ
២- បព្វជិតគប្បីពិចារណារឿយៗថា ការប្រព្រឹត្តចិញ្ចឹមជីវិតរបស់អាត្មាអញប្រព្រឹត្តជាប់ដោយបុគ្គលដទៃ
៣- បព្វជិតគប្បីពិចារណារឿយៗថា អាកប្បកិរិយាផ្សេងអំពីគ្រហស្ថ អាត្មាអញគួរធ្វើ
៤- បព្វជិតគប្បីពិចារណារឿយៗថា អាត្មាអញមិនតិះដៀលខ្លួនឯង ដោយសីលធម៌បានទេឬ ?
៥- បព្វជិតគប្បីពិចារណារឿយៗថា ពួកសព្រហ្មចារី ជាវិញ្ញូជន គយគន់មើលហើយ មិនតិះដៀលអាត្មាអញ ដោយសីលធម៌បានទេឬ ?
៦- បព្វជិតគប្បីពិចារណារឿយៗថា ការព្រាត់ប្រាសនិរាសចាកសត្វ និងសង្ខារទាំងអស់ ដែលជាទីស្រឡាញ់ ជាទីគាប់ចិត្ត នៃអាត្មាអញតែងមានជាធម្មតា ។
កាលបើភិក្ខុដឹងច្បាស់នូវកម្មដែលមានចំពោះសត្វនិងសង្ខារដូច្នេះហើយ គប្បីពិចារណារឿយៗថា អាត្មាអញមានកម្មជារបស់ខ្លួន មានកម្មជាទាយាទ មានកម្មជាកំណើត មានកម្មជាផៅពង្ស មានកម្មជាគ្រឿងរលឹកឃើញ អាត្មាអញនឹងធ្វើនូវ កម្មណា ល្អ ឬអាក្រក់ អាត្មាអញគង់នឹងបានជាអ្នកទទួលយកនូវផល នៃកម្មនោះពុំខានឡើយ ៕ សាន សារិប
ចែករំលែកព័តមាននេះ