អាជីវករ​ផ្សារ​នាគ​មាស​ប្រឈម​ហា​និភ័យ​ខ្ពស់​​ ក្រោយ​រក​ឃើញ​អាជីវករ​ម្នាក់​វិជ្ជមាន​កូ​វី​ដ​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

អាជីវករ​ផ្សារ​នាគ​មាស​ប្រឈម​ហា​និភ័យ​ខ្ពស់​​ ក្រោយ​រក​ឃើញ​អាជីវករ​ម្នាក់​វិជ្ជមាន​កូ​វី​ដ​

1 ខែ មុន
  • Phnom Penh

រាជធានី​ភ្នំពេញ ​៖ ​ផ្សារ​នាគ​មាស ដែល​ជាទី​ប្រជុំជន កំពុង​តែ​ប្រឈម​មុខនឹង​ហា​និភ័យ​ខ្ពស់ បន្ទាប់​ពីអាជីវករ​ម្នាក់ ត្រូវ​បាន​រក​ឃើញ​វិជ្ជមាន​កូ​វី​ដ​១៩​ហើយ ត្រូវ​បាន​អាជ្ញាធរ និង​ក្រុម​គ្រូពេទ្យ​ចុះ​ទៅ​យក​ព្យាបាល​កាលពី​យប់​ថ្ងៃ​ទី​០៦ ខែ…

រាជធានី​ភ្នំពេញ ​៖ ​ផ្សារ​នាគ​មាស ដែល​ជាទី​ប្រជុំជន កំពុង​តែ​ប្រឈម​មុខនឹង​ហា​និភ័យ​ខ្ពស់ បន្ទាប់​ពីអាជីវករ​ម្នាក់ ត្រូវ​បាន​រក​ឃើញ​វិជ្ជមាន​កូ​វី​ដ​១៩​ហើយ ត្រូវ​បាន​អាជ្ញាធរ និង​ក្រុម​គ្រូពេទ្យ​ចុះ​ទៅ​យក​ព្យាបាល​កាលពី​យប់​ថ្ងៃ​ទី​០៦ ខែ មេ​សា ឆ្នាំ ២០២១ ។

តូប​លក់​បន្លែ​ចំនួន​៣​នៅ​ផ្នែក​ខាងត្បូង​ផ្សារ​នាគ​មាស ត្រូវ​បាន​បិទ ខ​ណៈពេល​ដែល​តូប​ជា​ច្រើន រួម​ទាំង​ស្តង់​លក់​បន្លែ​និង​ផ្លែ​ឈើ កំពុង​តែ​ដំណើរការ​យ៉ាង​ប្រជ្រៀត​គ្នា ទាំងថ្ងៃទាំងយប់​នៅ​ពេល​ដែលរកឃើញ​ករណី​​វិជ្ជមានកូវីដ​​កំពុង​តែ​រាលដាលគួរ​អោយ​​​ព្រួយបារម្ភ ។

ផ្សារ​នាគ​មាស ត្រូវ​គេ​ដឹង​ថា ជា​ផ្សារ​បន្លែ​និង​ផ្លែ​ឈើ បោះ​ដុំ​និង​លក់រាយ ហើយ​នាំចូល​ពី​មក​ពី​ប្រទេស​ជិតខាង​រួម​ជាមួយ​ក្នុងស្រុក​មក​ស្តុក​ចែកចាយ ទៅ​តាម​ផ្សារ​នានា​នៅ​ទូ​ទាំង​ប្រទេស ។ ​ផ្សារ​នាគ​មាស​ត្រូវ​គេ​ដឹង​ថា ជា​ផ្សារ​មួយ​ដែល​បង្ក​អោយ​កក​ស្ទះចរាចរណ៍រាល់ថ្ងៃ ដែល​អាជីវករ​បាន​យក​ដងផ្លូវ ធ្វើ​អាជីវកម្ម លក់ដូរ បិទផ្លូវ បង្ក​អោយ​កកស្ទះ ណែនណាន់តាន់តាប់ ។​ចំណែក សន្តិសុខ និង​ក៍​ដូច​ជា​ម្ចាស់ ផ្សារ គិតតែ​ពី​ប្រមូល​លុយ ។

​កន្លង​មក​ផ្សារ​នេះ ជា​កង្វល់​របស់​អាជ្ញាធរ​ខណ្ឌ ទួល​គោក ហើយ បាន​ចុះ​ទៅ​រៀបចំ សណ្តាប់ធ្នាប់ និង​បាន​បាញ់ថ្នាំ កំណត់​អោយ​អាជីវករ លក់ដូរ និង​ទុក​ផ្លូវ ជា​ច្រើន​លើក​ហើយ តែ​ដូច​វែក​ចក ពេល​ចេញ​មក​វិញ​នៅ​ដដែល​។

នៅ​ក្នុង​ស្ថានភាព​នៃ​ការ​រីក​រាលដាល់ ជំងឺ​កូ​វី​ដ អាជីវករ​ផ្សារ​នាគ​មាស​ម្នាក់​ត្រូវ​បាន រក​ឃើញ​វិជ្ជមាន​កូ​វី​ដ​១៩ ហើយ ត្រូវ​បាន​ក្រុម​គ្រូពេទ្យ​ចុះ​ទៅ​យក​ទៅ​ព្យា​ល​បាល​កាលពី​យប់​ថ្ងៃ​ទី​០៦ ខែមេសា ឆ្នាំ ២០២១​។​ទន្ទឹម​នោះ តូច​ផ្សារ​ចំនួន ៣ នៅ​ជាប់​គ្នា គី​តូប​លេខ​A២២ , A ២៣ ​និង​A២៤ ត្រូវ​បាន​អាជ្ញាធរ និង​សមត្ថកិច្ច​ខណ្ឌទួលគោក ចុះ​បិទទ្វារ​និង​ហ៊ុំ​ព័ន្ធ​ផង​ដែរ​។​ចំណែក ផ្សារ​នាគ​មាស ទាំងមូល​នៅ​តែ​ដំណើរការ​ធម្មតា​នោះ​ទេ ។

​អាជីវករ ដែល វិជ្ជមាន​កូ​វី​ដ​១៩​នោះ ត្រូវ​បាន​អាជ្ញាធរ អោយ​ដឹង​ថា ឈ្មោះ​លឹ​ម ស្រី​មុំ ភេទ​ស្រី​អាយុ ២៨​ឆ្នាំ ជា​អាជីវករ លក់​បន្លែ​ផ្សារ​នាគ​មាស
​(​តូប​លេខA២៣)​ មាន​ទីលំនៅ​ផ្ទះ​លេខ ១១៤E2Z​ផ្លូវ​លេខ ១៨២​ភូមិ ៦​សង្កាត់​បឹង​ព្រលិត ខណ្ឌ​៧​មក​រា រាជធានី​ភ្នំពេញ​។

​តាម​ព័ត៌មាន​អោយ​ដឹង​ថា បន្ទាប់​ពី​បិទតូប​ផ្សារ​នាគ​មាស ចំនួន​៣ ,​នៅ​ព្រឹក​ថ្ងៃ​ទី​៧ ខែ មេ​សា ឆ្នាំ​២០២១ គេ​សង្កេត​ឃើញ នៅ​ក្នុង ផ្សារ​នាគ​មាស ក៍​ដូច​ជា​នៅ​ជុំ​វិញផ្សារ តាម​ដងផ្លូវ​លេខ​២៣៤ (​ខាងជើង ផ្សារ​)​និង​ផ្លូវ​លេខ ២៣៩(​ខាងលិច ផ្សារ )​អាជីវករ នៅ​តែ​បន្ត​លក់ដូរ ធ្វើ​អោយ​ស្ថានភាព​ចរាចរណ៍​បាន​កក់ស្ទះ និង បិទផ្លូវ​តែ​ម្តង ។ ការ​ប្រជ្រៀត​គ្នា លក់ដូរ នៅ​ក្នុង​ស្ថានភាព​បែប​នោះ អាជីវករ​ផ្សារ​នាគ​មាស អាច​នឹង​ប្រឈម​មុខ​ខ្ពស់​នៃ​ការី​ករាល​ដាលជំងឺ​កូ​វី​ដ​១៩​ដ៍​កាច​សាហាវ​នេះ​៕​

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture