រាជធានីភ្នំពេញ ៖ នៅវេលាល្ងាចថ្ងៃទី៦ ខែមេសា ឆ្នាំ២០២១ បុរសជាអ្នកដឹកអ៊ីវ៉ាន់នៅផ្សារអូរឬស្សីម្នាក់ទៀតហើយ ត្រូវបានរកឃើញមានវិជ្ជមានកូវីដ១៩ ក្រោយបានធ្វើសំណាកកាលពីប៉ុន្មានថ្ងៃមុន ។ ក្រោយលទ្ធិផលសំណាកបញ្ជាក់ថា…
រាជធានីភ្នំពេញ ៖ នៅវេលាល្ងាចថ្ងៃទី៦ ខែមេសា ឆ្នាំ២០២១ បុរសជាអ្នកដឹកអ៊ីវ៉ាន់នៅផ្សារអូរឬស្សីម្នាក់ទៀតហើយ ត្រូវបានរកឃើញមានវិជ្ជមានកូវីដ១៩ ក្រោយបានធ្វើសំណាកកាលពីប៉ុន្មានថ្ងៃមុន ។
ក្រោយលទ្ធិផលសំណាកបញ្ជាក់ថា វិជ្ជមានហើយនោះបុរសរូបនេះត្រូវបានក្រុមគ្រូពេទ្យចុះទៅទទួលយកដល់បន្ទប់ជួល ស្ថិតនៅចំណុចផ្ទះលេខ៧៨បេ ជាន់ទី១ បន្ទប់ជួលលេខ២ ក្រុមទី៤ ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
បុរសវិជ្ជមានកូវីដ១៩ ខាងលើ មានឈ្មោះ សេង ចាន់ពន្លឺ ភេទប្រុស អាយុ២២ឆ្នាំ មុខរបរដឹកអីវ៉ាន់នៅផ្សារអូឬស្សី មានស្រុកកំណើត ភូមិតាកុច ឃុំស្រង៉ែ ស្រុកព្រៃឈរ ខេត្តកំពង់ចាម ។
បច្ចុប្បន្ន អ្នកជម្ងឺខាងលើត្រូវបាន ក្រុមគ្រូពេទ្យ បញ្ជូនទៅកាន់ មន្ទីរពេទ្យ « ហ្លួងម៉ែ » ស្ថិតក្នុងខណ្ឌដង្កោ ដើម្បីធ្វើការព្យាបាល ។ ដោយឡែក ចំពោះទីតាំង បន្ទប់លេខ២ ជាន់ទី១ ត្រូវបាន សាម៉ីខ្លួនចាក់សោ កម្លាំងគណៈបញ្ជាការឯកភាពសង្កាត់ស្ទឹងមានជ័យទី១ ធ្វើការហ៊ុំព័ទ្ធបណ្តោះអាសន្ន ។
សូមបញ្ជាក់ថា អ្នកជម្ងឺរូបនេះ បានស្នាក់នៅបន្ទប់ជួលខាងលើ ២នាក់ បុរសម្នាក់ផ្សេងទៀត ដែលមានស្រុកកំណើតនៅខេត្តកំពង់ចាមដូចខ្លួន ។ បុរសរូបនោះមានឈ្មោះ គុណ ថេន អាយុ២៤ឆ្នាំ មុខរបរជាអ្នកដឹកអ៊ីវ៉ាន់នៅផ្សារអូរឬស្សីដូចគ្នា ប៉ុន្តែបុរសរូបនេះ មិនបានធ្វើសំណាកឡើយ ហើយបានធ្វើដំណើរទៅស្រុកកំណើត តាំងពីថ្ងៃទី៤ ខែមេសា កន្លងទៅម្លេះ ដែលខណៈពេលនេះ គេពុំដឹងថា បុរសរូបនោះអាចនឹងកើតជម្ងឺកូវីដ១៩ ឬយ៉ាងណាឡើយ ខណៈរូបគេបានប៉ះពាល់ផ្ទាល់ជាមួយអ្នកជម្ងឺកូវីដ ដែលរស់នៅរួមបន្ទប់គ្នានោះ ៕
ចែករំលែកព័តមាននេះ