ខេត្តសៀមរាប ៖ បន្ទាប់ពីធ្វើកិច្ចសន្យាចំនួន២ដងមិនស្តាប់ អាជ្ញាធរចម្រុះនៃខេត្តសៀមរាបបានចុះវាយរបងរបស់មន្ត្រីយោធា ដែលធ្វើបំពានលើប្រឡាយទឹកចោលនិងរឹបអូសយកសម្ភារមួយចំនួនទៅប៉ុស្តិ៍ ដើម្បីដោះស្រាយតាមច្បាប់។ប្រតិបត្តិការនេះធ្វើឡើងនៅរសៀលថ្ងៃទី ៤ខែមេសាឆ្នាំ២០២១ក្នុងភូមិដកពោធិ សង្កាត់ស្លក្រាម ក្រុសៀមរាប ខេត្តសៀមរាប។…
ខេត្តសៀមរាប ៖ បន្ទាប់ពីធ្វើកិច្ចសន្យាចំនួន២ដងមិនស្តាប់ អាជ្ញាធរចម្រុះនៃខេត្តសៀមរាបបានចុះវាយរបងរបស់មន្ត្រីយោធា ដែលធ្វើបំពានលើប្រឡាយទឹកចោលនិងរឹបអូសយកសម្ភារមួយចំនួនទៅប៉ុស្តិ៍ ដើម្បីដោះស្រាយតាមច្បាប់។ប្រតិបត្តិការនេះធ្វើឡើងនៅរសៀលថ្ងៃទី ៤ខែមេសាឆ្នាំ២០២១ក្នុងភូមិដកពោធិ សង្កាត់ស្លក្រាម ក្រុសៀមរាប ខេត្តសៀមរាប។
លោក ហាយ យ៉ុង តំណាងអាជ្ញាធរក្រុងសៀមរាប បានឱ្យដឹងនៅថ្ងៃទី៦ មេសា នេះថា ដោយមើលឃើញថា ម្ចាស់ផ្ទះឈ្មោះ ឌី ដាម៉ង់ ភេទប្រុស អាយុ ប្រហែលអាយុជាង២០ឆ្នាំ ជាមន្ត្រីយោធា បានឱ្យមេជាងឈ្មោះ ហៀក សាងសង់របង និងគ្រោងធ្វើរោងបន្តរំលោភលើដីចំណីប្រឡាយ ទើបអាជ្ញាធរបានចុះមកណែនាំចំនួន២ដងរួចមកហើយ ប៉ុន្តែនៅតែព្រហើន។
តែដោយម្ចាស់ផ្ទះមិនស្តាប់តាមការណែនាំ នៅថ្ងៃទី៤ខែមេសាឆ្នាំ២០២១ នេះ ទើបកម្លាំងអាជ្ញាធរចម្រុះនៃខេត្តសៀមរាប និងសមត្ថកិច្ចមូលដ្ឋាន បានចុះមកហាម ឃាត់និងវាយកម្ទេចរបងដែលធ្វើអំពីថ្ម នោះចោលទាំងស្រុង និងរឹបអូសយកសម្ភារៈសំណង់មួយចំនួនយកទៅប៉ុស្តិ៍រដ្ឋបាលសង្កាត់ស្លក្រាម ដើម្បីដោះស្រាយទៅតាមផ្លូវច្បាប់ ក្នុងនោះដែរ អាជ្ញាធរស្នើឱ្យម្ចាស់ផ្ទះសាងសង់ទៅតាមផ្លូវច្បាប់ ខណៈពេលនោះ មេជាងបាន សុំវាយរបង ថ្ម នេះដោយកម្លាំងជាង ទើបអាជ្ញាធរប្រគល់សម្ភារៈទាំងអស់ឱ្យវិញ។
សូមរម្លឹកថា នៅក្នុងក្រុងសៀមរាប មាន ការសាងសង់សំណង់ជាច្រើនករណីដែលរំលោភលើចំណីផ្លូវ ហើយនៅពេលថ្មីៗនេះ ដើម្បីលើកមុខមាត់ខេត្តបេះដូងទេសចរណ៍អាជ្ញាធរខេត្តនិងក្រុងបានប្រើធម៌ក្តៅចំពោះសំណង់ជាច្រើន ធ្វើឱ្យមហា ជន សាទរចំពោះចំណាត់ការនេះ។ឆ្លៀតក្នុងឱកាសនេះដែរ គេសង្ឃឹមថា អាជ្ញាធរខេត្តសៀមរាប នឹងបន្តបោស សម្អាតសំណង់អនាធិបតេយ្យក្នុងក្រុងសៀមរាប ឱ្យបានស្អាតថែមទៀត និងឈានទៅរកទីក្រុងទេសចរណ៍ពណ៌បៃតង គួរឱ្យចង់គយគន់ពីសំណាក់អ្នកផងទាំងពួង។ ដោយ៖ ចន្ទ រស្មី
ចែករំលែកព័តមាននេះ