រាជធានីភ្នំពេញ ៖ តាមប្រភពព័ត៌មានដែលកោះសន្តិភាពទទួលបាននាមុននេះ ថ្ងៃទី០៦ មេសា បានឱ្យដឹងថា ជនដែលពាក់ព័ន្ធករណីសម្លា.ប់ក្មេងប្រុសអាយុ១០ឆ្នាំម្នាក់ស្លា.ប់ក្នុងព្រៃត្រែង នាសង្កាត់ព្រែកឯង ខណ្ឌច្បារអំពៅ ត្រូវបានឃាត់ខ្លួនហើយ…
រាជធានីភ្នំពេញ ៖ តាមប្រភពព័ត៌មានដែលកោះសន្តិភាពទទួលបាននាមុននេះ ថ្ងៃទី០៦ មេសា បានឱ្យដឹងថា ជនដែលពាក់ព័ន្ធករណីសម្លា.ប់ក្មេងប្រុសអាយុ១០ឆ្នាំម្នាក់ស្លា.ប់ក្នុងព្រៃត្រែង នាសង្កាត់ព្រែកឯង ខណ្ឌច្បារអំពៅ ត្រូវបានឃាត់ខ្លួនហើយ ហើយជននេះក៏ត្រូវជាពូថ្លៃរបស់កុមារារងគ្រោះផងដែរ ។
ប្រភពមន្ត្រីសមត្ថកិច្ចឱ្យដឹងថា ជនសង្ស័យជាពូថ្លៃរូបនោះត្រូវបានសមត្ថកិច្ចនៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយនគរបាលខណ្ឌច្បារអំពៅ ធ្វើការឃាត់ខ្លួនបានកាលពីល្ងាចថ្ងៃទី០៥ ខែមេសា ឆ្នាំ២០២១ ដោយជនរូបនេះ អាចមានជាប់ព័ន្ធនឹងអំពើឃាតកម្មខាងលើ៥០ភាគរយ ខណៈ៥០ភាគរយទៀត គឺរូបគេពុំព្រមឆ្លើយសារភាព ។
ប្រភពព័ត៌មានបន្តថា ផ្អែកទៅលើវីឌីអូរកាមេរ៉ាសុវត្ថិភាពបញ្ជាក់ថា នៅវេលារសៀលថ្ងៃកើតហេតុ គឺជនសង្ស័យជាពូថ្លៃបាន
ឌុបជនរងគ្រោះទៅហូបប្រហិត ហើយក៏បាត់ខ្លួនកុមារារងគ្រោះ តាំងពីពេលនោះមកតែម្តង ។ ក្រោយការបាត់ខ្លួន រហូតមានការប្រទះឃើញសពកុមារ៉ារងគ្រោះហើយនោះ ក៏ជនសង្ស័យជាពូថ្លៃ ពុំមានប្រាប់ព័ត៌មាន ឬតម្រុយអ្វីខ្លះមកកាន់ក្រុមគ្រួសារសាច់ញាតិក្មេងប្រុសរងគ្រោះឡើយ ទើបតែសមត្ថកិច្ចបើកការស្រាវជ្រាវ ហើយឈានទៅឃាត់រូបគេយកទៅយកនាំ ទើបរូបគេបានឆ្លើយថា ពិតជាបាននៅជាមួយក្មេងប្រុសរងគ្រោះមុនពេលស្លា.ប់ ប៉ុន្តែរូបគេមិនបានសម្លា.ប់ឡើយ ។
យ៉ាងណាមិញ បច្ចុប្បន្ន ជនសង្ស័យរូបនោះ កំពុងត្រូវសមត្ថកិច្ចសាកសួរនាំទៅតាមជំនាញ ដើម្បីកំណត់បានថារូបគេជាឃាតករពិតប្រាកដ ឬយ៉ាងណា ខណះដែលគេពុំព្រមឆ្លើយសារភាពថាខ្លួនជាអ្នកសម្លាប់ ។
បើយោងតាម អង្គភាពការពារកុមារ (CPU) ដែលជាស្ថាប័នធ្វើការរួមគ្នានិងនគរបាលជាតិកម្ពុជាលើការងាររកយុត្តិធម៌សម្រាប់កុមារដែលរងការបំពានគ្រប់ទម្រង់ បានឱ្យដឹងថា សមត្ថកិច្ចនៃក្រុមការងារពិសេសបាន បុរសដែលត្រូវបានចាប់ខ្លួនមាន អាយុ ៣១ ឆ្នាំ ។
គួររំលឹកថា សពក្មេងប្រុសវ័យ១០ឆ្នាំខាងលើ ត្រូវបានពលរដ្ឋអ្នកដើររកឃ្មុំ ប្រទះឃើញដេកស្លាប់ ក្នុងព្រៃត្រែងដ៏ជ្រៅមួយកន្លែង ស្ថិតក្នុងដីឡូតិ៍គ្មានលេខ តាមបណ្តោយផ្លូវថៃហ្គ័រ ក្នុងភូមិរបោះអង្គាញ់១ សង្កាត់ព្រែកឯង ខណ្ឌច្បារអំពៅ រាធានីភ្នំពេញ កាលវេលាម៉ោង១១ និង៣០នាទីថ្ងៃទី២ ខែមេសា ឆ្នាំ២០២១ ។
សពកុមារារងគ្រោះ មានឈ្មោះ ជា ប៊ុនហេង ជាសិស្ស មានទីលំនៅផ្ទះគ្មានលេខ ក្នុងភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ ។ សពត្រូវស្លាប់ដោយសភាពហើមស្អុយរលួយ មើលសឹងតែលែងស្គាល់ទៅហើយដែរ ។
សូមរំលឹកទៀតថា បន្ទាប់ពីប៉ុន្មានថ្ងៃមក សាច់ញាតិកុមារាវ័យ១០ឆ្នាំម្នាក់នេះ បានបង្ហោះតាមបណ្តាញសង្គមហ្វេសបុកអំពីការបាត់ខ្លួន និងប្រកាសជូនសាធារណៈអោយជួយផ្តល់ព័ត៌មាន ប្រសិនបើបានឃើញរួចមក លុះនៅវេលាម៉ោង១១ និង៣០នាទីថ្ងៃទី២ មេសា ឆ្នាំ២០២១ កុមារារូបនោះក៏ត្រូវបានប្រទះឃើញដេកស្លាប់ ក្នុងព្រៃត្រែងដ៏ជ្រៅមួយកន្លែង ស្ថិតក្នុងដីឡូតិ៍គ្មានលេខ តាមបណ្តោយផ្លូវថៃហ្គ័រ ក្នុងភូមិរបោះអង្គាញ់១ សង្កាត់ព្រែកឯង ខណ្ឌច្បារអំពៅ រាធានីភ្នំពេញ ។
យោងតាមប្រភព័ត៌មាន អោយដឹងថា នៅវេលាម៉ោង១៥ និង៣០នាទីរសៀលថ្ងៃទី៣១ មីនា ឆ្នាំ២០២១ កុមារារងគ្រោះ បានជិះកង់ទៅលេងក្នុងបរិវេណវត្តជ្រោយអំពិលតែម្នាក់ឯង ។ ពេលនោះ ក្មេងប្រុសរងគ្រោះ ក៏បានទុកកង់នៅក្នុងវត្ត ហើយឡើងជិះម៉ូតូជាមួយជនសង្ស័យម្នាក់ ( មិនស្គាល់អត្តសញ្ញាណ ) ចេញពីពីវត្តទៅបាត់ស្រមោលឈឹង ។
នៅល្ងាចថ្ងៃខែដដែល ដោយពុំឃើញកូនប្រុសត្រឡប់ទៅផ្ទះ ឪពុកក្មេងប្រុសរងគ្រោះ និងសាច់ញាតិបានចេញតាមរកកូន ក៏ឃើញតែកង់នៅក្នុងវត្តជ្រោយអំពិល ក៏រាយការណ៍ជូនសមត្ថកិច្ចអំពីការបាត់ខ្លួន និងបានដាក់ពាក្យបណ្តឹង ដើម្បីសុំការអន្តរាគមន៍ពីសមត្ថកិច្ចជួយស្រាវជ្រាវតាមរកបន្ថែម ។ ទន្ទឹមនឹងការបាត់ខ្លួននោះ បងប្អូនជាសាច់ញាតិរបស់ កុមារារងគ្រោះ ក៏បាននាំគ្នាបង្ហោះជាបន្តបន្ទាប់អំពីការបាត់ខ្លួន តាំងពីល្ងាចថ្ងៃកើតហេតុមកម្លេះ ដោយមានភ្ជាប់ជាមួយអត្ថន័យខ្លីសារខ្លះ បូករួមជាមួយរូបថតភិនភាគរបស់គេផងដែរ ដើម្បីអាចអោយបងប្អូនសាធារណះបានឃើញ នឹងជួយផ្តល់ព័ត៌មាន ។ ប៉ុន្តែតាំងពីពេលនោះមក គ្មានបាត់ដំណឹងសូន្យឈឹង ពុំមានតម្រុយអ្វីសោះឡើយពីក្មេងប្រុសរងគ្រោះ ។
លុះរហូតដល់វេលាម៉ោង១១ និង៣០នាទីព្រឹកថ្ងៃទី២ មេសា មានពលរដ្ឋអ្នករកឃ្មុំម្នាក់ បានចូលទៅរកឃ្មុំក្នុងព្រៃត្រែងជ្រៅមួយ ស្ថិតតាមបណ្តោយផ្លូវថៃហ្គ័រ ក៏ស្រាប់តែប្រទះឃើញសពក្មេងប្រុសម្នាក់ដេកផ្កាប់មុខ និងមានសភាពហើមរលួយ ធ្វើអោយរូបគេដើរចេញពីព្រៃត្រែងវិញ ហើយប្រាប់ពលរដ្ឋដែលរស់នៅក្បែរតំបន់នោះ នឹងបានរាយការណ៍បន្តទៅកាន់សមត្ថកិច្ច ដើម្បីចុះអន្តរាគមន៍ ។
ភ្លាមៗបន្ទាប់ពីទទួលបានព័ត៌មានហើយនោះ កម្លាំងនគរបាលមូលដ្ឋាន សហការជាមួយនគរបាលជំនាញកោសល្យវិច្ច័យ និងអង្គការ CPU បានចុះអន្តរាគមន៍ពិនិត្យ រកមូលហេតុ នៃការស្លាប់ ។ ក្រោយការពិនិត្យយ៉ាងល្អិតល្អន់ រួចមក សមត្ថកិច្ចបញ្ជាក់ថា សពគឺត្រូវស្លាប់ដោយសារត្រូវវត្ថុរឹងវាយចំមុខ បណ្តាលអោយបែកសន្ទះអញ្ចាញធ្មេញខាងមុខ និងបែកធ្មេញខាងក្រោមទាំងសងខាងផងដែរ ។ ដូច្នេះហើយ ករណីនេះ សមត្ថកិច្ចកំណត់បានថា គឺជាអំពើ ឃាតកម្មវាយសម្លាប់ ៕ដោយ៖ លីហេង
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ