ខេត្តសៀមរាប ៖ គួរឱ្យអាសូរខ្លោចចិត្ត កុមារីដ៍អភ្វ័ពម្នាក់ មានវ័យ៤ឆ្នាំ ខណៈដែលឪពុកស្លា.ប់ចោល ហើយម្តាយទៅតាមប្តីថ្មី ក៏ទុកនាងតូចឱ្យនៅជាមួយជីតាបង្កើត ហើយត្រូវជីតាចាប់រំលោ.ភបានសម្រេចជាច្រើនដង ទើបបែកធ្លាយ…
ខេត្តសៀមរាប ៖ គួរឱ្យអាសូរខ្លោចចិត្ត កុមារីដ៍អភ្វ័ពម្នាក់ មានវ័យ៤ឆ្នាំ ខណៈដែលឪពុកស្លា.ប់ចោល ហើយម្តាយទៅតាមប្តីថ្មី ក៏ទុកនាងតូចឱ្យនៅជាមួយជីតាបង្កើត ហើយត្រូវជីតាចាប់រំលោ.ភបានសម្រេចជាច្រើនដង ទើបបែកធ្លាយ ។
ហេតុការណ៍ខាងលើបានកើតឡើងតាំងពីអំឡុងខែកុម្ភៈ ឆ្នាំ២០២១ ក្រុងសៀមរាប ខេត្តសៀមរាប មកម៉្លេះ ប៉ុន្តែទើបបែកធ្លាយ ក៍ត្រូវសមត្ថកិច្ចនគរបាលជំនាញចាប់ខ្លួនជនសង្ស័យជាជីតាម្នាក់ខាងលើនោះនាំមកកាន់ការិយាល័យជំនាញនៃស្នងការនគរបាលខេត្តសៀមរាប កាលពីថ្ងៃទី៣ ខែមេសា ឆ្នាំ២០២១ បន្ទាប់ពីសមត្ថកិច្ចទទួលបានពាក្យបណ្តឹងពីបងប្អូនជីដូនមួយរបស់កុមារីរងគ្រោះ ។
ជនសង្ស័័យជាជីតាឈ្មោះ លាក់ លាង អាយុ៥២ឆ្នាំ រស់នៅក្នុងក្រុងសៀមរាប ខេត្តសៀមរាប ។ ចំណែកកុមារីរងគ្រោះដែលត្រូវជាចៅ មានអាយុ៤ឆ្នាំ ។
បើតាមការបញ្ជាក់ពីលោកវរសេនីយ៍ឯក ជា ហេង នាយការិយាល័យនគរបាលប្រឆាំងការជួញដូរមនុស្ស និងការពារអនីតិ ជនខេត្តសៀមរាបឱ្យដឹងថា កាលពីថ្ងៃទី៣ ខែមេសា ឆ្នាំ២០២១ ឈ្មោះ ធី ជា ដែលត្រូវជាជីដូនមួយរបស់កុមារីរងគ្រោះបាននាំកុមារីរងគ្រោះមកដាក់ពាក្យប្តឹងនៅប៉ុស្តិ៍នគរបាលរដ្ឋបាលសង្កាត់ស្រង៉ែ ដោយប្រាប់សមត្ថកិច្ចឱ្យដឹងថា ជីតាដែលនាងរស់នៅជាមួយបានរំលោ.ភសេពសន្ថវៈមកលើនាងបានសម្រេចចំនួន៣ដង ។
លោកនាយការិយាល័យបានបន្តថា ក្រោយពីទទួលបានពាក្យបណ្តឹងរួចមក លោកបានរាយការណ៍ជូនលោក ព្រះរាជអាជ្ញា ដើម្បីសុំគោលការឃាត់ខ្លួន ។ លោកបន្តថា បន្ទាប់ពីរាយការណ៍ជូនព្រះរាជអាជ្ញារួចមក កម្លាំងរបស់លោកបានចុះសហការជាមួយកម្លាំងប៉ុស្តិ៍នគរបាលសង្កាត់ស្រង៉ែ ដើម្បីធ្វើការកោះហៅជនសង្ស័យ មកធ្វើការសួរនាំ ហើយជនសង្ស័យរូបនេះបានឆ្លើយសារភាពនៅចំពោះមុខសមត្ថកិច្ចជំនាញថា ខ្លួនពិតជាបានរំលោ.ភសេពសន្ថ.វៈលើចៅបង្កើតរបស់ខ្លួនបានចំនួនតែ២ដងទេ កាលពីអំឡុងខែកុម្ភៈ ឆ្នាំ២០២១ កន្លងទៅ។
លោកនាយការិយាល័យបានបញ្ជាក់ទៀតថា បន្ទាប់មកជនសង្ស័យបានរៀបរាប់ប្រាប់បន្តថា ចៅស្រីរូបនេះ ត្រូវម្តាយបានយកនាងមកផ្ញើនឹងគ្រួសាររបស់ខ្លួន ក្រោយពេលប្តីស្លា.ប់ ហើយម្តាយរបស់នាងក៏យកប្តីថ្មី រួចទៅរកស៊ីតាមប្តីថ្មីបាត់រហូត មិនដែលឃើញមកនោះទេ។
លោកនាយការិយាល័យបញ្ជាក់បន្ថែមថា ក្រោយពេលសាកសួរនិងចាប់ខ្លួនជនសង្ស័យខាងលើរួចមក សមត្ថកិច្ចបានកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់។ ចំណែកកុមារីរងគ្រោះដែលជាក្មេងកំព្រា ត្រូវបានសមត្ចកិច្ចនាំយកទៅប្រគល់ឱ្យមន្ទីរសង្គមកិច្ចខេត្តសៀមរាប ដើម្បីគ្រប់គ្រងថែរក្សា។
ជាមួយនឹងករណីខាងលើនេះ ក្រុមអ្នកភូមិដែលរស់នៅក្បែរខាងបានសម្តែងក្តីអាណិតអាសូរយ៉ាងខ្លោចចិត្តជាទីបំផុត ដោយពួកគាត់បានលើកឡើងថា កុមារីដ៏សែនអភ្វ័ពនេះ ក្រោយពេលឪពុករបស់គេស្លា.ប់ទៅ ម្តាយបានយកប្តីថ្មី ហើយទៅតាមប្តី ដោយទុករូបគេឱ្យនៅជាមួយជីតា ខណៈនាងទើបមានអាយុ៣ទៅ៤ឆ្នាំប៉ុណ្ណោះ ។ តែក៏មិនដែលនឹកស្មានថា ជីតារូបនេះបំផ្លាញអនាគតចៅ ទាំងនាងទើបមានវ័យត្រឹមតែ៤ឆ្នាំបែបនេះសោះ៕
ចែករំលែកព័តមាននេះ