ខេត្តសៀមរាប ៖ ផ្ទះ១ខ្នងត្រូវអគ្គីភ័យឆាបឆេះអស់ទាំងស្រុង ខណៈម្ចាស់ផ្ទះចេញទៅក្រៅ បង្កការភ្ញាក់ផ្អើលកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី៣ ខែមេសា ឆ្នាំ២០២១ ស្ថិតនៅភូមិមោងខាងត្បូង ឃុំមោង ស្រុកស្រីស្នំ…
ខេត្តសៀមរាប ៖ ផ្ទះ១ខ្នងត្រូវអគ្គីភ័យឆាបឆេះអស់ទាំងស្រុង ខណៈម្ចាស់ផ្ទះចេញទៅក្រៅ បង្កការភ្ញាក់ផ្អើលកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី៣ ខែមេសា ឆ្នាំ២០២១ ស្ថិតនៅភូមិមោងខាងត្បូង ឃុំមោង ស្រុកស្រីស្នំ ខេត្តសៀមរាប ។
បើតាមលោកវរសេនីយ៍ឯក ឌុត ខុន ស្នង ការរងទទួលការិយាល័យនគរបាលបង្ការ ពន្លត់អគ្គិភ័យ និងសង្គ្រោះ បានឱ្យដឹងថា ម្ចាស់ផ្ទះកើតហេតុខាងលើឈ្មោះ សរ សូល ភេទប្រុស អាយុ៤១ឆ្នាំ មុខរបរធ្វើស្រែ រស់នៅទីកន្លែងកើតហេតុខាងលើ ។
លោកស្នងការរងទទួលការិយាល័យនគរបាលបង្ការ ពន្លត់អគ្គិភ័យ និងសង្គ្រោះបានឱ្យដឹងបន្តថា ករណីអគ្គិភ័យខាងលើ មូលហេតុមកពីទុស្សេខ្សែភ្លើង បណ្តាលឱ្យឆេះផ្ទះ១ខ្នង ទំហំ៩ម៉ែត្រx៦ម៉ែត្រ ធ្វើអំពីថ្មក្រោម ឈើលើ ដំបូលប្រក់ស័ង្កសី រងការខូចខាតអស់ទាំងស្រុង ដោយឡែកគ្រែចំនួន៤ ទូរខោអាវចំនួន៤ និងទូរទស្សន៍ចំនួន១គ្រឿង ក៏ត្រូវភ្លើងឆាបឆេះអស់ផងដែរ។
ក្នុងប្រតិបត្តិការជួយអន្តរាគមន៍ និងសង្គ្រោះហេតុការណ៍អគ្គិភ័យនេះ សមត្ថកិច្ចបានប្រើប្រាស់រថយន្តពន្លត់អគ្គិភ័យនៃអធិការដ្ឋាននគរបាលស្រុកស្រីស្នំចំនួន១គ្រឿង ទើបអាចពន្លត់ភ្លើងឱ្យរលត់ទៅវិញនៅវេលាម៉ោង១និង១០នាទីថ្ងៃខែឆ្នាំដដែល តែមិនបណ្តាលឱ្យបាត់បង់ជីវិតប្រជាពលរដ្ឋ ឬឆេះរាលដាលដល់ផ្ទះប្រជាពលរដ្ឋដទៃទៀតបានទេ ៕
ចែករំលែកព័តមាននេះ