ខេត្តបន្ទាយមានជ័យ៖ ជ្រូករស់ចំនួន៣៨ក្បាលដែលឈ្មួញនាំចូលពីប្រទេសថៃខុសច្បាប់ ហើយមានជងឺប៉េស្តជ្រូកអាហ្វ្រិច ត្រូវបានសំ.លាប់ដុតកប់ចោល កាលពីថ្ងៃទី០១ មេសា ឆ្នាំ២០២១ ស្ថិតនៅជាយក្រុងសិរីសោភ័ណ ។
![](https://kohsantepheapdaily.com.kh/wp-content/images/2021/04/576297d31d6d02c1ff14fa4cf04dc2ad.jpg)
លោក ហ៊ុយ ទូច ប្រធានការិយាល័យផលិតកម្មនិងបសុព្យាបាលខេត្តបន្ទាយមានជ័យបានប្រាប់ថា ជាការណែនាំពីឯកឧត្តមរដ្ឋមន្ត្រីក្រសួងកសិកម្ម និងរុក្ខាប្រម៉ាញ់ និងនេសាទ ដោយដាក់វិធានការឯកឧត្តមអគ្គនាយកដ្ឋានសុខភាពសត្វ និងផលិតសត្វ និងមានការសម្របសម្រួលពីព្រះរាជាអាជ្ញាអមសាលាដំបូងខេត្ត ហើយមន្ត្រីជំនាញចុះស្រាវជ្រាវបានបង្ក្រាបបទល្មើសឈ្មួញលួចនាំជ្រូកដោយខុសច្បាប់ពីប្រទេសថៃចំនួន៣៨ក្បាលនេះ កាលពីថ្ងៃទី៣០ ខែមីនា ក្នុងភូមិសាស្គ្រ ស្រុកអូរជ្រៅ ។
![](https://kohsantepheapdaily.com.kh/wp-content/images/2021/04/9561423c32e8ddbbc595ccb5e6915767.jpg)
លោកបានបញ្ជាក់ថា ក្រោយពេលមន្ត្រីជំនាញឃាត់រថយន្ត២គ្រឿង ដែលដឹកជ្រូករស់ចំនួន៣៨ក្បាលដែលឈ្មួញលួចនាំចូលពីប្រទេសថៃ តាមច្រករបៀងដោយខុសច្បាប់ហើយឃាត់នាំយកមកការិយាល័យផលិតកម្ម និងបសុព្យាបាលខេត្តបន្ទាយមានជ័យដើម្បីយកជ្រូកដែលសង្ស័យមានជម្ងឺឆ្លងប៉េស្តជ្រូកអាហ្វ្រិចបានយកសំណាក់ទៅវិភាគនៅវិទ្យាស្ថានអគ្គនាយកដ្ឋានសុខភាពសត្វនិងផលិតសត្វបានចេញលទ្ធផលវិជ្ជមានជម្ងឺឆ្លងប៉េស្តជ្រូកអាហ្វ្រិច។
![](https://kohsantepheapdaily.com.kh/wp-content/images/2021/04/20b918fe8f637c3adf0f108a1e8d8cc0.jpg)
លោក ហ៊ុយ ទូច បានបញ្ជាក់ថា ជាការណែនាំឯកឧត្តមអគ្គនាយកដ្ឋានសុខភាពសត្វនិងផលិតសត្វបានអោយមន្ត្រីជំនាញនាំយកជ្រូករស់ចំនួន៣៨ក្បាល ដែលវិជ្ជមានជម្ងឺឆ្លងប៉េស្តជ្រូកអាហ្វ្រិចត្រូវបានយកទៅសម្លាប់ចោលហើយដុតកំទិចហើយកប់ចោល ដើម្បីបង្ការឆ្លងប៉េស្តជ្រូកអាហ្វ្រិចដល់ជ្រូកក្នុងស្រុក ហើយមន្ត្រីជំនាញបានធ្វើកិច្ចសន្យាដល់ម្ចាស់រថយន្តដឹកជ្រូកនាំចូលពីប្រទេសថៃដោយខុសច្បាប់និងរកឃើញជម្ងឺឆ្លងប៉េស្តជ្រូកអាហ្វ្រិច៕ ដោយ៖ ប៊ុនធឿន
![](https://kohsantepheapdaily.com.kh/wp-content/images/2021/04/e9c1e5a63da728d5a1dbd7e495bdf168.jpg)
![](https://kohsantepheapdaily.com.kh/wp-content/images/2021/04/c25e340f562f1e9ba3a0823effe3fb25.jpg)
![](https://kohsantepheapdaily.com.kh/wp-content/images/2021/04/5c3462d32a6a1c03532092e9acd4a988.jpg)
ចែករំលែកព័តមាននេះ